الدهون في منطقة الصدر .. ابي حل

[ابي اضعف]

السلام عليكم

اخواني اول شي انا عضو جديد وهذي اول مشاركة لي مع العلم اني كنت على طووول اشوووف المواضييع حتى قبل لا اسجل بهذا المنتدى

انا طولي 168 ووزني 82 واتتمركز الهون اكثر شي في منطقة الصدر ، انا فيني ربو وماقدر اسوي رياضه . اللهم المشي بس كل يوم تقريبا امشي مشي عادي مو سريع تقريبا 45 دقيقه ، كان وزني 92 ونزلته تقريبا بشهر ونص عشرة كيلو تقريبا باستخدام شاي بايوجي

بس للاسف صارلي اكثر من شهر ثابت وزني على 82 ومو راضي ينزل .. المهم مالكم بالطويله

انا سمعت كثير عن مخاطر شاي بايوجي وودي اقطعه واستخدم منتج افضل منه .. ابيكم تساعدوني باختيار افضل منتج لحالتي .. انا من خلال مواضيع الاخوان بصراحه استفدت كثير وعرفت شغلات كثيره كنت غشيم فيها

ابي افضل منتج لحالتي من هذي المنتجات .. وشنو تنصحوني فيه .. وشلون استخدمه

Hydroxycut Hardcore X
ARSON
Animal Cuts
OxyELITE Pro
LIPO 6
LIPO 6X

ابيكم تنصحوني بافضل منتج حارق للدهون وخاصة الدهون في منطقة الصدر ؟؟ وشنو افضل التمارين اللي اسويها عشان اشيل الدهون عن منطقة الصدر ؟؟ وانا املي كبير فيكم اخواني انكم تحلون مشكلتي اللي صارلي سنين وانا اعاني منها ومسببتلي احراااج كبير وهي تمركز الدهوون بمنطقة الصدر بشكل كبير وبارز حييل ؟؟ لدرجة اني فكرت اسوي عملية بس خفت من نتايجها ؟؟

[آبو حسيـن]

بالتوفيق لك وان شاء الله الاخوة الكرام يساعدونك عزيزي

وانا كانت حالتي اسوا منك بكثير بس العزيمه والاصرار تصنع المستحيل وادا تبي ادخل قسم الاستفسارات وشوف موضوع لي قبل وبعد الرجيم

وان شاءا لله الموضوع يدفعك ويزيد من عزيمتك

[ابي اضعف]

الله يعطيك العافيه اخوي بو حسين

ومشكور على مرورك .. وبدخل موضووعك وبشوووف

[بارجيم]

الله يعينك
بس للعلم
الرياضه ماتتعبك بالعكس بتشفيك وبتفتح مسامات صدرك وتفتح الرئه
انا قبل كنت اعاني من حساسيه بالصدر ومع الرياضه راح كل شي الحمدلله

[ابو مهاا]

اذا كانت باينه معاك من مرحله البلوغ وكان وزنك شبه طبيعي او مثالي بمعنى اصح انصحك تروح لدكتور تجميل ويشوف وضعك
وممكن تسوي تجربه تنسدح على ظهرك يكون مستقيم وتضغط على مكان حلمه الصدر بصبعك من النصف وشوف ان كان فيه ماده صلبه كأنها حلقه دائريه حوالي الحلمه
بيكون غدد زايده والصدر يتكون نصفه غدد ونصفه دهون تقريبا
وعموما الأفضل تراجع دكتور يشخص حالتك لانها لو كانت غدد حتى لو تنزل وزنك مستحيل تختفي والدهون الي بتكون معاها بتكون متليفه مو قصدي اربكك لكن من تجارب واعطيك الزبده
موفق ان شاء الله

[KARIM19]

اخي الكريم اولا وقبل كل شيء الارادة هي التي تصنع المعجزات
اما بخصوص الحوارق التي انت ذكرتها فان مفعولها ليس سرحي اي انك تاكل الحوارق وهي تفعل الباقي
الحوارق ما هي الا وسيلة لذا عليك اخي الكريم بممارسة التمارين الخفيفة مثلا البوش اب والمتوازي انا اعلم بانك تعانيمن الربو شفاك الله
وان لم تستطع فعليك بالسباحة و شاء الله تعالى بالارادة والمثابرة تصل الى مبتغاك
اما اذا اردت استشارة طبيب تجميل فلك ذلك رغم انني لا احبث هذه العملية
موفق اخي الكريم

[KARIM19]

ولو كان افضل لو طرحت موضوعك بقسم الاستفسارات
موفق اخي الكريم

[ابي اضعف]

الله يعطيكم العافيه وما قصرتوا يالغاليين ..

انا قصدي مع الريااضه شنو افضل نوع لحرق الدهون ... سمعت ان الاوكسي ليت يحرق الدهون في منطقة الصدر ؟؟ هل هذه المعلومه صحيحه ؟؟

وشنو افضل نوع للرياااضه ..

انا طولي 168 .. ووزني 82 .. يعني عندي زائد وترهل بجسمي .. افضل اني العب حديد ( تنشيف ) والا سويدي ؟؟ وشنو افضل نوع من حوارق الدهون ؟؟

[THh Rock]

يالغالي الافضل لك الليبو 6 بلاك
ولافضل لك حاليا تمرن الايروبيك السويدي لين تنقص تقريبا 10 كيلو بعدها ادخل حديد وابني على عضل صافي
وبالتوفيق

[ابي اضعف]

مشكووووووووور اخوي ذا روك

بس عادي ابدا بليبو 6 بلاك ؟؟ والا ابدا بليبو 6 العادي بعدين بلاك ؟؟

[THh Rock]

العفووو اخوي
والليبو انا براي اذا شربك للقهوه عالي استخدم الليبو 6 بلاك لان جسمك راح يكون متعود على الكافيين وطبعا لما تستخدم الليبو 6 بلاك لازم تخفف مره من شربك للقهوه طبعا السبب الكافيين
والليبو 6 بلاك تقريبا الفرق 3 منه تعادل 6 من الاكس .....

[ابي اضعف]

الله يعطيك العافيه اخوي ذا روك ..

بتعبك معاي شوي بس تحملني انا توني جديد بهذا المجال وغشيم شوي ؟؟


اخوي انا كم مره اشتركت في معهد صحي بس للاسف ما التزم فيه يمكن يوم او اثنين بالاسبوع وهذا بسبب دوامي واشغالي ؟؟

ممكن تقولي طرقه اتمرن بالبيت وشنو المعدات المطلووبه ؟؟ يعني اهم شي بالنسبة لي الصدر ؟؟

[THh Rock]

الله يعافيك ويسلمك
اوك في جهاز تقريبا يشمل تمارين وعضلا كثيره في واحد ... مع كرسي متحرك تقدر ترفه وتنزله ودنابل و حبل وامورك تمااام
تقريبا نفس هذا

[ابي اضعف]

الله يعطيك الف الف عافيه يا كابتن

والله انك ما قصرت ولا يهونون الاخوان

شريت كم جهاز للبيت بس للاسف بالبيت بسرعه امل .. لكن اليوم باذن الله بروح افتر على المعاهد الصحيه واشووف افضل واحد منهم بسجل فيييه ..