كسر حاجز الملل,.هل المعسل يؤثر على اللاعب..؟

[شبابي كول]

بصراحه انا مرت علي تقريبا اسبوع وانا طفشان من النادي تخيلوا البس واشرب البروتين وبالاخر اسحب ماروح

مادري وش هالطفش والحمدلله امس رجعت ورجعت بنفس القوه ولله الحمد ..

ياليت تعلمونا كيف نكسر حاجز الطفش الي يحصل احيانا..

عندي سوال انا اشوف ابطال واجسامهم مرررررره توب ويعسلون هل المعسل يضر بالجسم بشكل كبير ولا ضرره بسيط
لاني بصراحه اعسل بس على خفيف ومتردد

اتمنى اشوف اردود

استناكم يابطال.

[VORTEC]

مرحبا فيك

اول شي الطفش هذا طبيعي لازم تغير نظام تمارينك وقت تمرين اهتم بلبسك وكل هالامور تكسر الملل وتخلي النشاط يتجدد

وبالنسبه للمعسل
هو اكيد يضر
والصراحه انا اعسل بس مره بالاسبوع يعني كل جمعه وماشوف فيها ضرر علي
انا ماقول لك انها ماتضر لا تضر بس اتكلم عن نفسي واقول مااشوف انها اثرت علي هالمره بالاسبوع

[THE CAST]

بالنسبه للمعسل ضرره اقوى من الدخان .


وغير نمط تمرينك من فترة لفتره

[م.محمد الغامدي]

صحيح أحياناً الشخص يحس بالطفش و الملل و مآ يصير لهـ نفس
يروح النادي و يتمرن ,, الأخوان ما قصروا في ردودهمـ.

لكن بالإضافهـ للي تم ذكرهـ ,, أنا شخصياً عندي
مقاطع لأجسام أطمح الوصول لهآ و لما
أكون كسلآن و مآلي نفس
أروح أتمرن.

أتفرج المقاطع و أتحمس و
أروح النآدي

أهم شيء يكون عندكـ هدف من التمارين
و أشخاص تبغى توصل لأجسامهم.

::

[يوسف404]

فعلا لازم يكون لك هدف:
1. المحافظه على صحتك والبعد عن العادات السيئه مثل السهر التدخين
2. تغير حياتك اسلوب حياتك
3. تضرب واحد ضربك وانت صغير

المهم خلي في بالك هدف معين واسئل نفسك ليش تلعب حديد والمعسل ابعد عنه اضرار التدخين خطيره على المدى القريب والبعيد والتدخين عكس لعبة الحديد > تدمير للصحه........

[[[^^الرعد^^]]]

السلام عليكم و رحمة الله و بركاته

اللي أعرفه أنه المعسل على المدى البعيد يسبب Pulmonary oedema يعني موية في الرئة
يكون سببها تدمير الحويصلات الهوائية و امتلائها بالسوائل فيقل تبادل الغازات في الرئة
و مشكلة هذي الموية أنها ممكن ترجع حتى بعد علاجها إذا ما تم التخلص من السبب

أعراضها :

1- صعوبة في التنفس
2- كحة ( ممكن بدم )
3- تعرق شديد
4- قلق
5- جلد شاحب اللون

الله يجيرنا منها جميعا ً

أعطيك هالمعلومة كطالب في كلية الطب و لاعب حديد في بداياته

و الله أعلم

[abu kinan]

فعلا لازم يكون لك هدف:
1. المحافظه على صحتك والبعد عن العادات السيئه مثل السهر التدخين
2. تغير حياتك اسلوب حياتك
3. تضرب واحد ضربك وانت صغير

المهم خلي في بالك هدف معين واسئل نفسك ليش تلعب حديد والمعسل ابعد عنه اضرار التدخين خطيره على المدى القريب والبعيد والتدخين عكس لعبة الحديد > تدمير للصحه........

اما هذه رهيبه اضرب واحد ضربك وانت صغير /// بس انتبه لاتتصفق من نفس الشخص وانت كبير هههههه

[.hamad.]

ممكن مرة فالاسبوع من باب التسليه .. بس مب كل يوم لان الشيشة اقوى من السجارة وتسبب ضيق تنفس وقت النوم ..

[سلطان المقاطي]

بالنسبه لي اعسـل مرتين الى ثلاث مرات باليوم واتمنى من الله ان يبعدني منها ويبعدكم منها بس الحمد لله كل يوم اروح للصاله واتمرن واليوم اللي مااروح للصاله احس ان ناقصني شي

دمتم بخير ،،،

[يوسف404]

^^
في واحد من الشباب نفس حالتك 3 مرات في اليوم!!! وانقطعت عنه فتره طويله وبعدها شوفته! تغير شكله إلى الاسوء للأسف