اول يوم بالنادي طايح مصفر

[Raz]

شباااب رجعت للنادي بعد انقطاع طويل
اليوم اول يوم لي
المهم اني في وسط التمارين جاتني رعشة ودورة وطحت على االجماعة
صج اني تفشلت ووهقت الكبتن
بس ودي اعرف وش الاسبااب مشان اتفاداها المرة الجاااية

[back2glory]

ماتشووف شر اخووى ,, الاسباب عديده يمكن اهمها الارهاق مع تغذية سيئة قبل التمرين

وبتوفيق

[نديم الذكريات]

قلة الاكل والله اعلم
ماتشوف شر يالغالي

[Raz]

يسلمو يا الحبايب جسمي قوي لا تشيلون هم
الكبتن سالني وش كلت قبل التمرين
3 بيض مقلي + كاسة حليب + خبز بر + موزتين
قالي ما يكفي ماكو كاربوهيدرات بكرة لاشوف وجهك الا ماكل زي الناااس
مممم المفروض الموز يغطي لانه مليان سعرات
طبعا الكبتن ما قصر باشر علي بمشرووب طاقة ومكمل كارب وخلاني اقدر اوقف على رجولي مرة ثاني
في اسباب ثانية ؟؟؟!
قلة النوووم ؟؟؟ او النفسية التعبانة تلعب دوور ؟؟!

[mashkaljey]

لالا اخوي ما عليك من كلام الكابتن مع احترامي له

هذي عاده طبيعية نسميها في النادي ( لياقه صفر ) يعني انت مريح نفسك وخربت الاكل ولياقتك صارت صفر ولمن تبدا تلعب وتشد على نفسك جسمك ماهو متعود فيبدأ بالسخونه والرعشه والترجيع في حالات كثيرة وبس تريح ربع ساعه تشوف ردت روحك وتقدر تكمل

هالامر جدا عادي

وحله بسيط وانا اخوك واهو انك تنطر لحد ما جسمك يتقبل والفتره جدا بسيطه خلال 3 ايام بالكثير انت بترجع احسن من اول

على فكرة انا عن نفسي صارلي فتره العب بس اريح اكثر من اسبوع و اخربط بالاكل واقطع التمارين تحوشني هالحاله المتعبة

موفق

[Raz]

اهااا جميل
فهمتك يا كبتن mashkaljey
بحاول التزم وارجع كلشي كما كان
يسلمو على المعلومة

[باك مان]

اخويا انت حصلك ان الاوكسجين والدم صار يروح مخك بالغصيبة

لانك امكن ما تاخذ راحتك كفاية قبل التمرين + نسبة الكربوهيدرات عندك قبل التمرين قليلة + تمارس تمارين صعبة بدون تسخين وتحمية للجسم

[Raz]

ابشركم اموري طيبة اليوم
توني راد من التمرين كلشيء زي الفل
اللهم المدرب ازعجني لا تشيل الا خفيف
خايف علي خخخخ
يسلمو بااك مان على الاضافة

[mashkaljey]

قايلك امرها هني وبسيط هذي لياقه وبترجع لك وبتصير وحش بالصاله

ماعليك بس لاتعودها ولو عدت وقطعت حط في بالك بطيح هالطيحه اللي تقهر

بالتوفيق

[Raz]

كلامك صحيح ياكبتن مشكلجي
هنا تطلع الخبرة
يسلمو
keep going and good luck