عضو جديد
السلام عليكم ورحمة الله وبركاته
انا عمري 17 ووزني 87 كيلو وطولي 175 تقريبا , استفساري هو اني اريد ان اخسر وزن وانا عندي في البيت اجهزة رياضية تغنيني عن الذهاب للجيم يعني عندي السير الكهربائي والدراجة الكهربائية واثقال ايضا
المهم انا اريد ان اوصل الى الوزن المثالي واود اني ابني عضلات بس بشكل معقول زي هذي الصورة للتوضيح
يعني السكس باك وعضلة الذراع والصدر اتمنى انكم فهمتو قصدي , استفساري هو وش الجدول اللي ممكن اني امشي عليه عشان اوصل لهالجسم ؟
عضو جديد
تكفوون ساعدوني
عضو جديد
اخوي على اللي قريته بالمنتدى انا وعرفته من الشباب :P بحاول افيدك باللي اعرفه << ولكن اسأل غيري من هو اخبر مني فربما يكون ما سأقوله لك خاطئ او ناقص
بالبدايه اخوي انت ما ذكرت كم نسبه الدهون عندك؟
تقدر تقيسها بالموقع الفلاني
http://www.bmi-calculator.net/body-f...calculator.php
ولو ان الكابتن THe Rock يقول انه ما يعطيك نسبه دقيقه، لكن على الاقل تعرف النسبه بشكل تقريبي، ولو تقيسها على اي ميزان في السوبرماركتات او الصيدليات يكون افضل ! لكن من كلامك ووصفك لنفسك ( 175سم و 87 كيلو) وان تبي يكون عندك جسم معضل، فاتوقع ان عندك زياده في نسبه الدهون صح؟
بالبدايه اول شي لازم تتخلص من الدهون اللي عندك
ركز على الدايت: اكلك يكون غني بالبروتين والخضراوات والفاكهه، قلل من الكاربوهيدرات، واذا بتاكل خبز او سندويش يفضل بالنهار اي قبل لا تبتدي بالتمارين، حتى يتسنى لجسمك انه يحرق وما يخزنه.. وابتعد عن الخبز الابيض، عليك بالاسمر
المحظورات: ابتعد تماما عن السكر الابيض، الخبز الابيض، المغليات من بطاطس وغيرها، الفاست فود، المشروبات الغازيه، والدهون بشكل عام (عندك زيت السمك وزيت الزيتون هم المفيدين، لكن باعتداااااااال)، المايونيز انساه بالمره !!
الرياضه: اهم شي حاليا تركز على خساره الدهون اللي عندك وتحاول قد ما تقدر انك توصل نسبتها الى 15% تقريبا او رقم قريب منها، بعدها تبدأ مرحله التضخيم، فالرياضه المناسبه لك الحين هي الكارديو، السباحه، تمارين البطن جدا مفيده للتخلص من الكرش والجوانب، ولا مانع من الاثقال لكن بأوزان متوسطه << حاول تمارس اي رياضه يعني بحيث تضمن ان دقات قلبك توصل للآخر، وذلك لتسريع عمليه حرق الدهون عندك
وبعد ما تخفض وزنك، عندها تبدأ بكورسات الضخامه، والمنتدى ملئ منها :P
وان شاء الله افدتك اخوي ولو بالقليل، وسامحني لو طولت عليك
عضو جديد
يعطيك الف عافية اخوي عالاجابة بس ماتحس ان الدايت قاسي شويطيب اوكي هل ممكن اني اصل لنسبة دهون 15% او حولها زي ماتقول في 4 شهور ؟
عضو جديد
الله يعافيك يالغالي
واخوي اللي يبغي شي لازم يتعب عشانه :P
وبعدين هو قاسي اذا فكرت فيه كذا، اما لو فكرت في السالفه على انها تغذيه صحيه والابتعاد عن ما يضرك، فبتعتاد الامر، بل وحتى تالي لو قدموا لك على سبيل المثال الفاست فود راح ترفضه، لأنك مقتنع بأنه غير مفيد
وانا حاليا للفطور آكل حوالي ثمان بيضات مع فلفل اخضر وجبن وخبز اسمر اذا حصلت، وشاي اخضر
للغداء آكل لي تونه مع خبز اسمر وماي
وللعشاء اسوي لي كم بيضه، او اذا حصلت دجاج او لحم زي كذا آكل
وبيني وبينك حتى ما اكذب عليك ساعات اخوره وآكل شي عن خاطري، لكن والله اتحسف اني كلت، واعمل تمارين قاسيه حق احرقه بأسرع وقت، والحين الحمدلله الاراده اقوى بكثير عن قبل
وتقدر توصل للي تبغاه ليش لا، انا في ثلاثه اشهر نزل وزني 7 كيلو، ومحيط خصري صار من 37 الى 34، والحين معدل الدهون عندي 17.4% من بعد ما كان 22% ، هذا وانا كنت مهمل نوعا ما من ناحيه الاكل، لكن ذبحت روحي بالتمارين
عضو جديد
يعطيك الف عافية ياخوي بس طلب اخير واتمنى ماكون كثرت عليك , وش النطام الرياضي اللي تنصحني اسويه يوميا , وعندي الاجهزة في البيت ( سير كهربائي + دراجة ثابتة + دنابل 4 كيلو و 8 كيلو + بار ومجموع اوزان 50 كيلو الظاهر ) ووش التمارين اللي تنصح بها عشان افقد وزن باسرع وقت ؟
عضو جديد
لا اخوي ما كثرت علي والله، احنا هني علشان نفيد ونستفيد
بالنسبه للنظام الرياضي، فعندك الكارديو حاول تخليه يوم وترك، ويكون بنظام الفواصل
يعني مثلا دقيقه مشي بطئ، دقيقتين مشي سريع، دقيقتين هروله، دقيقه جري سريع، وتعيد من يديد، تحاول تركض نص ساعه وكل اسبوع تزيد الين توصل الى 45 دقيقه مثلا
وعندك تمارين البطن ايضا مهمه، حاول تداوم عليها يوم وترك << من غير اهمال الجوانب بالطبع
وبالنسبه للأثقال، فاستعمل اوزان بسيطه او متوسطه بالنسبه لك، والتمارين خلها بتكرارات كثيره ومجاميع قليله، مثلا خلنا نقول الوزن الوسط بالنسبه لك للبار هو 15 كيلو، تشيله 20 او 25 مره وتكرر التمرين ثلاث مرات فقط !
وانا قبل يوم قررت انزل وزني كنت مسوي لي برنامج من نفسي فما ادري اذا هو صح او غلط، لكن بالنهايه حققت النتيجه المرجوه
- اول يوم: باي، بطن، سواعد
- ثاني يوم: تراي، صدر
- ثالث يوم: اكتاف، بطات وافخاذ، بطن
- رابع يوم: راحه
ادري غفلت عن الظهر والترابيس، بس لأني ركزت في جدولي على المناطق المتركزه فيها الدهون عندي وهي البطن والجوانب والقليل عند الصدر والافخاذ، علشان جذي عملت هذا الجدول، ومثل ما قلت لك الجري يكون يوم وترك، يعني مثلا يكون مع اول يوم وثالث يوم
وان شاء الله اكون افدتك اخوي، وركز على الاكل قد ما تقدر، وراح تحصل نتيجه ممتازه يارب
ضوابط المشاركة
