انا شاب امر بضائقه ماليه اريد رايكم بهذا المشروع الذي ان تحقق سوف يفتح لي ابواب الرزق

[طموح9]

السلام عليكم ورحمه الله وبركاته

ياخوان في الحقيقه هذي اول مشاركه لي في المنتدى واتمنى ماتخذلوني بارك الله فيكم اخواني من مبدىء
(( ماخاب من استشار )) حاب اخذ رايكم بهذي الفكره طبعاً انا شاب عاطل عن العمل وبكل امنه امر بظروف ماليه صعبه وبصراحه استحي كل شوي اطلب من الوالد فلوس وهو على راتب يلا يكفي اخواني قدمت على وظايف ماخليت شركه ماقدمت عليها لكني للاسف ماحصلت عموماً لي اسبوع تقريباً افكر بفكره انشاء الله انها تكون ناجحه الفكره عباره عن عندي قريب يدرس في امريكا واقترحت عليه اقتراح قلت له برسل لك فلوس وانت ارسلي مكملات غذائيه اصليه قالي اوكي ماعندك مشكله وعطاني سعر مبدئي للمكملات واسعارها وبصراحه فرق اسعار المكملات هناك عن اسعارنا يعني على كل منتج تقريباً راح اطلع فوق 60 ريال مع الشحن وووالخ راح يصف لي تقريباً 30 ريال عموماً ابي رايكم ياخوان
ايش افضل المكملات الغذائيه المرغوبه هنا في الرياض وعليها طلب ويفضل لو يكون وزنها قليل والطلب عليها كثير عشان يكون سعر الشحن بسيط ومايهم حتى ولو كان وزنها ثقيل بس اهم شي تكون مرغوبه نقدر نصرفها تكفون افتحوا لي ابواب الرزق الله يفتح عليكم صدقوني مانمت الليل كله افكر في المشروع لحاجتي الشديده للفلوس تكفون ابي رايكم هل هي فكره ناجحه ولا لا وكيف اقدر اصرف البضاعه وايش المنتجات المرغوبه !
والله يفتحها عليكم
انتظر إجابتكم

[العاشق M]

وعليكم السلام
حبيبي تقدر تسأل في قسم البيع وشراء
او الافضل تتراسل مع شخص من قسم البيع وشراء على الخاص
تحياتي لك والله يفتحه عليك

[THE CAST]

وعليكم السلام


اذا كنت تضمن ان البضاعه تدخل السعوديه ومايضايقوك الجمرك فتوكل على الله
لكن ان العكس فماانصحك ابدا


اذا تضمن فاعطني خبر لاجل اعطيك اسماء المكملات المهمه والجيده

[dhoom550]

اتمنى لك التوفيق بس تقدر تجمع معلومات من منتديات البيع والشراء وتشوف الطلبات


وان شاء الله ربي بيوفقك ويرزقك من اوسع ابوابه

[Broken Sword]

الجينرز والوي بروتين والامينو

اكثر شي..

من شركة optimum فيه whey protien و serius mass و amino 2222 و pro complex
من شركة dymatize فيه iso-100 و amino 4800 و supermass gainer
من شركة universal فيه animal stak و animal m-stak و animal pak و animal test و animal flex

[abu kinan]

أهم شي تضمن احد يدخلك اياها بالجمارك او انسى الموضوع من بكرة ابيه

[لؤي طارق]

الله يوفقك , المكملات مرغوبة والناس تدور ..

اضمن لك واحد في الجمارك يضبطك ,,

الله يجيب لك اللي فيه الخير ..

دمت بود

[Al3aZeF]

إلى خريجي الثانويه تدريب مهني بالتوضيف
السلام عليكم ورحمة الله وبركاته


الشروط

1.أن يكون سعودي الجنسية.
2.أن لايزيد عمر المتقدم عن 22 سنة.
3.أن يكون من خريجي عام 1428هـ وما بعدها.
4.أن يكون خريجا في أحد التخصصات التالية: علمي أو صناعي.
5.أن لا يقل المجموع الكلي لنتائج الثانوية العامة عن 75%.
6.أن يجتاز اختبارات القبول والمقابلة الشخصية.
7.أن يجتاز الفحص الطبي.

http://jobs.tasnee.com/Student/Default.aspx


(يستمر التسجيل حتى تاريخ 8 ربيع الأخر 1432 الموافق 13 مارس)
التقديم سهل وبالعربي

تمنياتي لكم بالتوفيق

دعواتكم



أعرف شخص كان عاطل عن عمل سنتين ومعدله 77% ، وقدم هنا وقبلوه .. توكل على الله وقدم وادعي ربك لأنه أتوقع باقي يومين أو ثلاثة ..

[Al3aZeF]

وهـذا رابط ممكـن يفيـدك :
http://www.tran33m.com/vb/t79575.html

[طموح9]

اشكـركم جميعاً بون استثناء على ردودكم ..

بنسبه للأخ THE CAST والله يآخوي انا افكر ارسل البضاعه ارسليه من الشركات الي في امريكا يأخذون على كل 20 كيلو مبلغ معين !! لكن مادري هل هناك مشكله لم ارسل كميه ولا لا !!
وبنسبه للجمارك مادري بشوف لي واحد من الجماعه اكلمه يمكن يقدر يفزع لي ويخليهم يدخلون البضاعه .... انت عطني بس اهم المكملات الي راح تمشي وجزاك الله خير

[smz3333]

اذا انت موجود بالرياض اعتبرني زبونك