مرحبا
الله يرضى عليكم حابه استشيركم بخصوص الترهلات
والله يااخواني مابالغ مسببه لي مشكله نفسيه فضيعة فضيعةوزواجي قريب بعد 8 شهور
انا نزلت 30 كيلو تقريبا خلال 4 سنوات بس صابني ترهل بكل جسمي خصوصا اليدين (الزنود) والفخوذ
تكفون تكفون تكفون ابي حل كثير فكرت اسوي عملية بس اسوي لايش واخلي ايش جسمي مترهل بالكامل
وزني 76 وطولي 167 مابي انزل وزن لان جسمي كويس ومتناسق الحمدلله بس ابي اشيل الترهلات عندي استعداد العب رياضه لو 3 ساعات في اليوم بس ابي نتيجة الله يرضى عليكم لو 50% راضيه والله
نسبة الدهون عندي 22% تقريبا
صار لي شهرين مبطله دايت وزاد كيلو ونص تقريبا
اشتركت في جيم وصرت العب يوميا ساعه على الاجهزه واليوم اللي بعدة ايروبيكس ساعة مع المدربة
محتاره مدري كيف العب مدري كيف اشد جسمي بالاجهزه ؟ ولا بالايروبيكس ولا المشي انا ماعرف شي بالرياضة ابد
ونظامي الغذائي ايش اسوي ارجع اسوي دايت ؟مع العلم اني مابي انزل وزني ابد راضية باللي وصلت له
نظامي الحالي اكل اي شي من اكل البيت وماكثر في الاكل ممكن وجبة وحده في اليوم ووجبه ثانية خفيفه مررره
ملاحظه صغيرة : من كم يوم بديت استخدم روكتان للبشرة مدري اذا ياثر ولالا
تكفون محتاجة وقفتكم معي اي نصيحة ممكن تفيدني لاتبخلون فيها علي الله يفرج همكم ويريح بالكم يارب ولكم احلى الدعوات والله
المشاركة الأصلية كتبت بواسطة العاشق M
