العب حديد ولا سويدي + محتاج نصيحتكم بكم سؤال ؟ + ( صور لجسمي )

[crletos]

السلام عليكم ورحمة الله وبركاته

شلونكم اخواني

بلييييييييييييييييييييييييييييييييييييييييييييييز !! لا تقروون وتمشووون





ودي يصير جسمي نفس الاعب الي لابس احمر ^^


ندخل بالموضوع


يمكن توني دخلت النادي صارلي يومين مع العلم كنت قاطع شهر ماعمري لعبت حديد الا جم مرة مع رفيجي مرة او مرتين بالكثير


وصراحة مليون كبتن قالولي كلام غير عن الثاني ومو عارف شسوي ؟ فما لقيت الا الرجال الي مثلكم وشراوكم

بالخير الي تساعدوني وترشدوني للطريق السليم مع العلم عرسي بعد اربع شهور وحاب اطلع زقرتي

وتعرفون لازم اطلع قمر

عمري : 20

الوزن : 97

الطول : 176 ومرة 175

نسبة الدهون : مدري قالولي مرة 17 كيلو ومرة قالو 20 كيلو

المهم انا حاب يكون جسمي مشدود ويكون زين

العب حديد ولا لا بهالفترة لان اغلب الكباتن يقولون خسس بعدين العب حديد ؟ مع العلم الكل قالولي تنفع للحديد وبيكون شكلك ضابط لان الدهون والشحوم بالكرشة يعني بتحرقهم بسرعه بالحديد وراح ينشد جسمك ؟
والفخذ يعني تنشيف وزيادة تكرار وانت بتحرقهم على الراحة


منزل صوري ومحتاج منكم برنامج سوا جدول او تغدية او نصايح تهمني ؟ بالتفصيل الممل لاني حدي ما اعرف لازم شرح ممل ووافي



بلييييييييييييييييييييييييييييييييييييييييييييييز !! لا تقروون وتمشووون


انا اخوكم وولدكم ولا تخلوني >>> الاخ داش حرب

[دكتور فراس]

والله يالطيب لو تخش سويدي شهرين ومع دايت وتوصل وزنك ل80 وتبدا حديد افضل لك اما لو دخلت حديد الحين راح تتعب

وانا كنت 100 كيلو وزني وصرت 85

فالافضل انك تخسس اول

وبالتوفيق

[mansssor]

من تجربة شخصية
انا لعبت شهرين سويدي وكانت النتائج ضعيفة
غيرت نظام التمارين وأصبح حديد (عضلتين باليوم) + كارديو نصف ساعة
والحمدلله تحسن ملحوووظ جداً
أهم شئ في الموضوع هو (الدايت) من غيره صدقني تتعب كثييير من دون نتيجة
وأتمنى لك التوفيق

[crletos]

ما قصرتو يا اخوان بس حبيت احد ينصحني بجدول سواء تدريب او غذائي

[speed nawaf]

شوف نصيحة أول شي أدخل سويدي ونزل وزنك حول 80-83 وبعدين فكر في الحديد وحاول تتبع نظامي غذائي ممتاز قليل الكارب ومعدوم السكريات الصناعية من ناحية الفواكه عادي لانه سكر طبيعي
وشد حيلك يابطل

[crletos]

? 44 مشاهدة و3 ردود ؟!! افا

[1رحال]

موفق يالطيب
ما حبيت اشاهد وما ارد
تقبل مروري

[Initial]

أنا بديت من 150 كيلو و بنسبه شحوم المدربين ما قدروا يقيسونها بدقه (يوقعون حدود ال60%).

أول 25 كيلو نزلتهم من الدايت و المشي فقط لا غير.

بديت سويدي اسبوعين.... ما فيه و لا فايده منه اللهم قوى عندي الأربطه و عطاني ليونه.

حولت حديد من حدود الست شهور... نزلت حدود ال30 كيلو شحم و جبت حدود ال7-8 كيلو عضل صافي.

نصيحتي ضبط الدايت أول شيء قبل ما تسوى أي شيء ثاني بعدين توكل.

اذا بديت حديد و دايت مره يمديك تطفش و تقفل وياك و تبطل. بس لو تاخذها خطوه خطوه بتنحل وياك انشاء الله.

[crletos]

?? 160 مشاهدة

[ابواثيرب]

ماعليك يارجال تزوج وخل زوجتك تسبك راح تطفش وتتمرن صح أما اللحين بس تتحلم وتبي الناس يهتمون فيك فقط

أنا مثلك وجسمي قريب من جسمك بعد الزواج الحمد لله ضبط نسبة بسيطة بس يافيني كسل لو يوزع على العالم ماتلقى أحد لعب حديد أبـــــــد

الله يوفقك ويعينك

[abu kinan]

عزيزي انا بدأت 103 كيلو وخلال 6 شهور الحين وزني لله الحمد 87
دخلت حديد بأوزان متوسطه وتكرارات عاليه واكيد دايت مزبوط وبعد الحديد كارديو نص ساعه او 45 دقيقه لو فيك حيل وتأكد بتحصل نتائج رائعه
وانا اتوقع انك استشرت بعض المدربين في بدي ماستر وهم اللي قالوا لك لا تلعب حديد الحين ( علشان ما يكلف روحه ويسألك كم الوزن والطول ونسبة الدهون ..الخ ...)
بس نصيحه قبل كل شي قيس نسبة الدهون بجهاز الكتروني علشان تعرف مدى التقدم
وترا موضوع الدايت سهل طال عمرك اهم شي زبط اكلك وابعد عن الدهون 90% والغي السكر من حياتك استعمل محلي صناعي ستيفانا وانسى المشروبات الغازية حتى الدايت منها ولو بتشتري عصير احرص انه يكون غير محلى وانا واثق بتحصل نتائج حلوة باذن الله تعالى
حبيت افيدك بتجربتي الشخصيه ليس الا وطبعا اختلاف وجهات النظر لايفسد للود قضيه
ولا تنسى تعزمنا على العرس انشاء الله