السلام عليكم ورحمة الله وبركاته ..
بدون مقدمات معاكم عضو جديد اسمي نواف من جدة ،، قررت بعد 21 سنه اني ادخل نادي واضبط جسمي
وبصراحه ما احب اخاطر وابدأ اول يوم لي في النادي وانا ماني عارف ابدأ كيف خصوصا انو صادف دخولي سفر المدرب للخارج لمدة 3 اسابيع لبطوله ..
ابي اول شيء اعرف ايش محتاجين غير الوزن .. يعني الطول ونسبة الدهون وايش بعد ؟؟
وزني اليوم شفته وكان 85 واظن طولي 166 لكن راح اتاكد بكره .. معليه سامحوني لكن راح اسأل اسئله امكن تشوفوها غبيه بس هذا حال كل شخص جديد ..
سؤالي الاول // من فين اجيب لكم معلومات عن الوزن والطول والنسب تكون صحيحه 100% هل في اجهزه معينه او من المستوصف او من نفس النادي ؟؟
سؤالي الثاني // بعد ما اجيب المعلومات وقلت اني ابغى اقسم جسمي وانزل وزني واشيل الكرشه فكيف التمارين الي تناسب وضعي هذا .. وكم عدد التكرار في الجلسه ولمدة كم جلسه لكل وحده ؟
سؤالي الثالث // ايش نصائحكم كمبتدى وليس لدي ادنى خبره ابداً ( قرأت معلومات في المنتدى هذا وفهمت الكثير ) لكن اريد اراء تخصني في موضوع عشان احاول افتكرها واطبقها كلها .
سؤالي الرابع // كيف النظام الغدائي هل لازم اعمل رجيم وشغلات زي كده ولا التمارين والاكل الصحيه راح يساعدني وايش اتبع من نظام في الاكل ؟؟ نصائكم مهمه هنا بالنسبة لي .
ما ابي اكثر عليكم لكن انا عندي العزيمه والاصرار اني اشوف جسمي بحاله افضل ومرضي ،، فكرتي ليست على تضخيم الجسم في الفتره هذه ، دخولي كان لنقص الوزن واني اشيل الكرشه وابعد السمن عني واحاول اضبط جسمي
فاتمنى انكم تساعدوني والله يجزيكم الف خير على كل الي قدمته هنا .
شكراً لكم ..
