بعد ما انتهي من تمرين الباي مباشرة..أشعر بألم كبير في الساعد

[عليهث1]

السلام عليكم

أول مانتهي خصوصا إذا كان واقف مستقيم

والدليل إنها من الساعد إذا لعبت جالس ضيق مايل يخف الألم كثير

وهذا دليل من السواعد

لكن كيف أحل هذي المشكلة

لحد يقولي تمزق
لأنه عندي ذا المشكلة فوق السنة

هل هي ضعيفة مثلا وكيف تقويتها

[M A J E D 1984]

ياأخي هذ ي كانت تجيني في بداياتي مع الحديد

ورحت سألت المدرب وقالي هذ نقص فيتامينات عندك

فيتامينات تلقاها عند أي صيديله يعطيك اياها علبه وبداخلها الفيتامينا (حبوب)

تاخذ حبه وحدة يوميا قبل الفطور

انا صراحه ماجربتها لاني مع الوقت قوى الساعد عني وماصارت تجيني الآم

ولكن واحد من الشباب جربها ومدحها صراحه ويقولي ان الآلم اختفت نهائيا



اتمنى اني اكون افدتك اخوي وفي ناس بالمنتدى مختصين اكثر مني راح يفيدونك ان شاء الله

[بردان1]

بالفعل وفيه اكثر من عضو تكلم عن نفس المشكلة
وانا من ضمنهم والا الان شايل هم الالام لان اليوم عندي باي

بس انا نصحوني الاخوان بالفيتامين ب وشريته من الصيدلية بـ 11 ريال نيرو ب وووالله لي خمس ايام استخدمه مافيه تحسسن كبير لكن ان شاءالله مع الوقت تروح + اهتم بالحليب لان فيه كالسيوم

وموفق اخي

[عآزف]

لا تمزق ولا شي هذا وانت تتمرن باي ينشد معاك الساعد طبيعي مافي اي مشكله بس العب ساعد

[bam bam]

انصحك بهذي الاداة لتقوية الساعد قيمتها 10 ريال

[عليهث1]

جزاكم الله خير

يعني الي أفهمه إنه آكل فيتامينات

بس بصراحة غريبة

أنا عندي ملتي فيتامينات من شركة أوبتيموم ولا فادني

مادري وش رايكم

[أنا وانت]

نفس مشكتك وعندي ملتي فايتمن بس مافي فايده لكن مع المشد اللي ينحط على الساعد صار افضل
مع ان الالم موجود وبقوة كرهني في تمرين الباي

[بردان1]

ايوالله ليت نلقى حل له هالمشكلة

انا اول كنت اعشق تمرين الباي اذا جا وقته
امس بس خذيت تمرينين وباخف الاوزان
الله يعين بس وان شاءالله يزيل هالالم بس لو نعرف مصدره الرئيسي وشو خخخ

موفقين

[عليهث1]

هو فعلا
الشد إسأل مجرب مفيييد جدا

لكن أنا أبي أحلها بدون شد
وأبي أعرف مشكلتها بالضبط

يارب نلقى أحد يعرف ويفيدنا

[Scott Adkins]

أخوي أنا كانت عندي باليد اليمنى والحين الحمد لله طابت ١٠٠٪
كنت ألعب مكاسره (أخطر لعبه للاعبين الحديد) مع الشباب واجهدتها وتضررت هالكلام قبل الحديد
وأنصح الشباب ينتبهون من هاللعبه لان هي ما تعتمد على القوه بس لكن فيه لها تكنيك مثلا فيه حركه لليد ونظره العيون ، مره برنامج جابوه عن هاللعبه والي فاز حرمه.
ودخلت حديد وبعد شهرين تمرين وأكل وراحه طابت والحمد لله
المشكله في أن عضله الساعد ( الفلكسرز) عندك ضعيفه ويبيلها تقويه
أنا استمريت امرن الساعد ٣ مرات بالاسبوع يوم ايه ويوم لاء

مع الوقت بتطيب توكل على الله وواصل يابطل وماتشوف شر

[بردان1]

^^ اذا كذا من اليوم ان شاءالله ببدا ادرب الساعد يوم ايه ويوم لا
بالنسبة للمكاسره اذا انت تعني الي نحط مركا ونشبك يدينا ومن ينزل يد الثاني يفوز فعلا قبل الحديد هذي انا واخوي بس لنا لعب به خخ

بس بالنسبة للام تقول من العضلة انا مثلك كان بس باليد اليمنى الحين حتى اليسرا صار فيها بس اليمنى اقوى لكن ما احسه بالعضلة احسسسه بالعظظظم !! مادري انتم كذا ولا كيف

وبعدين بس بتمارين الساعد بدون اي شي ثاني ؟

[Rashid.S]

انا كان عندي نفس المشكله بس كان بسب المعصم
فكنت اربط المعصم عدل واخفف الاوزان واول ما احس بالالم اوقف
والحمدلله خف والحين اشيل عليه اعلى وزن اقدر العبه

[abu kinan]

شوف وانا اخوك بعطيك الخلاصه
انا جاني الوجع هذا مرتين أول مرة اخذت مجموعة فيتامين ب نيوروبيون وانحلت المشكلة خلال 3 اسابيع ولله الحمد
أحلين عادت المشكلة ونصحني الأخ امشرف ابو منصور بالتالي
مجموعة فيتامين ب اللي ذكرتها لك 14 ريال اما حبوب او أبر مفعولها اسرع + جوينت كير ( هذا طال عمرك المادة الفعاله فيه جلوكوسامين + أوميغا 3 ) بسعر 81 ريال تكفيك شهر كامل وانا استخدم ملتي فايتمن ايضا وطبعا استعمل مشدات السواعد
لي فترى اسبوعين والتحسن صحيح انه طفيف ولكن ملحوظ وناوي لما اكمل شهر في حال ما زال الوجع تماما براجع طبيب باذن الله

[بردان1]

^^
طيب يالغالي كم فترة تدريبك ؟
لاني اشوف فيه البعض يقول اول جتني والحين راحه مادري يعني اذا هي مع الوقت راح تروح نصبر والشكوى لله مع انه بالايام الاخيره الوجع صار مايطاق
بس بعد الفيتامين ب صرت اخذه مرتين باليوم مو مره بديت تقل احس بتحسن مهو مثل الاسبوع الماضي وان شاءالله يارب يزول هالالم وبالنسبة للجوينت كير هذا من الصيدلية يعني اشتريه ؟ ووكذا اسمه جوينت كير ؟
وبعدين حبيت اسئلك يعني الالم الي فيك انت هو تحسسسه بالعظم يعني ؟ معليش على كثر الاسئلة بس عشان اتاكد نفس الحاله او لا

[abu kinan]

^^
طيب يالغالي كم فترة تدريبك ؟
لاني اشوف فيه البعض يقول اول جتني والحين راحه مادري يعني اذا هي مع الوقت راح تروح نصبر والشكوى لله مع انه بالايام الاخيره الوجع صار مايطاق
بس بعد الفيتامين ب صرت اخذه مرتين باليوم مو مره بديت تقل احس بتحسن مهو مثل الاسبوع الماضي وان شاءالله يارب يزول هالالم وبالنسبة للجوينت كير هذا من الصيدلية يعني اشتريه ؟ ووكذا اسمه جوينت كير ؟
وبعدين حبيت اسئلك يعني الالم الي فيك انت هو تحسسسه بالعظم يعني ؟ معليش على كثر الاسئلة بس عشان اتاكد نفس الحاله او لا

شوف يا طويل العمر
فترة تمريني حتى الآن 8 شهور ولكن الوجع بدأ عندما انتهيت من تخفيض وزني وبدأت اشيل أوزان ثقيلة على البااي
الوجع كالتالي عند رفع وزن ثقيل يجيني بالعظمة الداخلية الممتدة من مفصل الساعد وحتى منتصف الذراع ويكون في قمة الألم لحظة ترك الدامبل او البار واحيانا اضطر أمسك يدي اليمين بقبضة يدي اليسرى علشان يخف الوجع اثناء ترك الوزن
والجوينت كير تحصله بالصيدلية وسعره حوالي ال81 ريال او 82 والله ناسي ومجموعة فيتامين ب نيوروبيون ابو 14 ريال ترا يؤخذ 3 مرات باليوم بعد الوجبات الا اذا كنت تاخذ ملتي فايتمن بالتالي لازم تخفض اما جرعة الملتي او مجموعة ب وانا افضل انك تخفض جرعة الملتي علشان تاخذ كفايتك من فيتامين ب

والقصة تبي وقت طال عمرك اصبر وخفف الوزن على الباي الفترة هذه وما يمنع تستعمل الكريم المسكن للألم