عضو جديد
السلام عليكم ورحمة الله وبركاته
للخبراء بهذا المنتدى الرائع
انا لي شهرين اتمرن لياقة وتخسيس .....
الان بدات اتمرن حديد واشيل اوزان خفيفه والمدرب قال استمر لمدة اسبوع عليها ..
العمر = 32
طولي = 169 م
وزني = 85 .. الان 79 ك .
نسبة الدهون الحالية = 15 ك
قبل انا ادرج الموضوع قرات عن مواضيع المكملات والتغذية ..
واحترت ما بين هل اخذ المكملات حاليا او اصبر وما هو الشيء اللي يناسبني حاليا حسب المعلومات الموجوده .. ؟؟
وابي نصائحكم ومشكورين مقدماً .... ويعطيكم العافية
عضو مميز
على حسب اخي حدد هدفك من لعب الحديد تكمل مرحلة التخسيس والتنشيف او راح تبدا بالتضخيم
وطبعا لو تكمل الحين بالحديد تنشيف لما تووصل وزنك للـ 70 او اقل بعده تبدا بمرحلة ضخامه يكون جدا مناسب لانك لو ضخمت الحين راح تتعب بعدين بالتنشيف
وحاليا العب شهر او شهر ونص بتغذيه ممتازه 5 الى 7 وجبات باليوم تكون وجبات محسوبه القيم يعني ابعد عن الفات والكارب خلي اكلك غني بالبروتين
وكمل اللعب وبعد هالشهر ونص على حسب النتايج راح يكون القرار اما تاخذ مكمل او انك تكمل بعد اذا كانت النتائج مستمره مايحتاج مكمل
وموفق اخي اتمنى اني اكون افدتك
عضو جديد
مرحبا اخوي بردان ومشكور على الردالمشاركة الأصلية كتبت بواسطة بردان1
انا ودي بالتضيخم والجسم الفرنسي على ما يقولون والان احس جسمي كويس بس منطقة البطن والجوانب فقط ..
وهل لازم اوصل الى وزن 70 .؟؟
وهل اخذ حوارق للدهون مثل ليبو 6 وغيرها .. او استمر على الحديد والكارديو والسويدي كافيه لان انزل الى 70 كما تفضلت ؟
وبالنسبة للاكل انا اكل قليل وجبتين باليوم بالكثير مع السلطات والفواكهة والعصيراات ..
عضو مميز
والله يا اخي هوالخيار راجع لك
لكن اذا بديت بمرحلة التضخيم ماراح تشوف نزول بالوزن يمكن تنزل نسبة الفات بشكل قليل وصعبه تجمع بين الثنتين يعني تلعب تضخيم عضلات وتحرق دهون هذي صعبه ووالجسم الفرنسي باعتقادي تبيله نسبة دهون تحت 12 تقريبا عشان يكون تمام
بس مثل ماقلتلك ممكن تبدا الحين مرحلة تضخيم بس راح تواجه صعوبة بمرحلة التنشيف
وبالنسبة للليبو 6 ماعندي به خبره والله لكن يفيدونك اهل الخبره ان شاءالله والاكل وجبتين باليوووم قليييل جدا اخي ؟
طيب ماتقدر تاكل يعني فطور الصبح ثلاث بيضات وكوب حليب وكم شغله
وغدا
وعشا
هذي ثلاث وجبات رئيسية يبقى تدخل بيناتهم كذا كوب حليب مع فواكه وخضار مع وجبات سناك خفيفه يعني مكسرات ساندوتش اي شي بس لازم الاكل
او تضيف مكمل بروتين مثلا عندك ايسو 100 ممتاز اعتقد لمثل حالتك
ومووفق ان شاءالله
عضو جديد
مو مشكله انا راح اسوي تنشيف الى ان اوصل اقل من 12 % وراح اخذ بنصيحتك لاني قريت في كذا موضوع ..
وبالنسبة للاكل اقدر افطر واكل بس لاني بمرحلة تخسيس احاول انزل بالوزن اكثر واشيل الترهل بالبطن .. واقلل بالاكل
قدر الإمكان .... والاكل اغلبه سطلات وفواكه ووجبتين اغلبها اكل صحي ... ولا تنصحني ازيد في معدل الاكل اكثر من كذا ...
ومشكور على الرد والتوجيه ..
عضو جديد
ياشباب المنتدى اللي عنده خبره للرفع ...
السؤال :: هل اخذ حوارق للدهون مع المكملات ولا استمر بنفس المنوال ...؟؟؟
ايام كارديو مع حديد
وايام لياقة ( سويدي ) لمدة 45 دقيقة مع حديد
وشكرا ..
عضو كمال اجسام خبير
شوف أخي الكريم انا بصراحه مريت مرور الكرام على ردود الأخوان ونصيحتي لك انسى الوزن ألحين وركز على تخفيض نسبة الدهون الى 12% وبعدين تدخل تضخيم بكل راحه وقوة بمكملات تضخيم كاملة
ونصيحتي لك استعمل الأنيمال كت لتخفيض نسبة الدهون مع دايت محسوب والتزام بالرياضه
عضو مميز
اسف اني ماشفت ردك الاخير
والله شوف اخي اذا انت تعمل رياضه وتلعب حديد تقدر تاكل 6 وجبات باليوم وتنزل وزنك
بسس مثل ماقلتتتتتلك تكون وجببات محسووووووبه يعني تخفففففف دهووون وكارب وبعد التمرين ابعد كليا عن الكارب يعني ابحث عن الاغذيه الي الغنية بالبروتين والعصيرات الفواكة مثل البرتقال وغيره والله يووفقك ان شاءالله بس اهم شين تكون شغل تعب بتعب بالنادي عشان تحرق وانا اتفق مع اخي ابو كنان لو تنزل نسبة الدهون 12 وتلعب بكللللل اريحيه ازين
موفق تقبل مروري
عضو جديد
ليبو 6 بلاك الترا اليديد ...... نصيحه مني البس 7 فلاين ... لانك من كثر العرق .. مش هتقدر تغمض عينيك
عضو جديد
يعطيكم العافية جميعا على الردود والنصائح
راح استخدم حارق دهون واكمل على الحديد مع اللياقة والكارديو
وان شاء الله تروح الدهون الزايده
عضو كمال أجسام خبير
انا انصحك اخوي تستمر على التنشيف, ولا تهتم بالوزن, اهتم فقط بنسبة الدهون عندك,
يعني انظر الى المرآة وشوف كيف صارت بطنك والخواصر,,
وبالنسبة للحارق نعم استخدمه يقلل من المدة ان شاءالله..
ولكن لازم تخسر الدهون بطريقه صحية يا اخي الكريم.
مثلا:
1- :5 بياض بيض مع بيضه كاملة مع 150 مل حليب و 3 او 4 ملاعق شوفان
2- سكوب بروتين مع 200 مل حليب
3- صدر دجاج مع حبة بطاطا صغيرة مسلوقة ( وجبة قبل التمرين )
4- بعد التمرين بروتين مع ماي
5- بعد البروتين ب 45 دقيقة صدر دجاج مع شوربة خضرا مثلا
6- علبة تونا او سمكة معتدلة الحجم مشوية
7- علبة زبادي كبيرة
بالليل بروتين قبل النوم
بهذا النظام تكسر الدهون ان شاءالله وتحافظ على المكتسب العضلي..
الأكل القليل ما هو الحل يا طيب وتخسر المكتسب العضلي, بالعكس لما ترجع تفتح بالاكل اول شي يتخزن الدهون.
هذا النظام ممتاز وحاليا انا اطبقه.
بالتوفيق اخوي
.•° σαςђ₡ °•.
السلام عليكم
اخي بخصوص حارق الدهون
على حسب اذا كنت تشوف نفسك تبذل مجهود طبعا مجهود صحيح مو اي كلام
ومع هذا وزنك ثابت هنا تحتاج مساعده من حوارق الدهون
بخصوص الوجبات اقل شي باليوم 4 وجبات
بما انك تنزل وزن
الافطار: 3 بياض البيض + واحده كامله + + حليب بالشوفان
الغداء: صدر دجاجه مشويه او مسلوق + خضار
العشاء: على حسب احيانا مشابه للافطار
او علبة تونه صغيره + خضار
هذي 3 وجبات
قبل التمرين بساعتين حبه او حبتين بطاطا مطبوخه او طبق رز بخاري صغير
بين الافطار والغداء فاكهه
اهم شي الماء اقل شي 4 لتر بشرط ان يكون قبل الاكل بنصف ساعه وبعده بساعه
بخصوص المكملات
مكمل فيتامينات + مكمل زيت السمك + بروتين قليل الدهون او خالي
عضو جديد
مشكور اخوي تائب على النصائح والتوجيه ...
المشكلة الان كلها بالبطن والخواصر واغلب اللي يشوفوني يقولون جسمك كويس
ولكن الى الان الخواصر موجودة ..
كشف الدهون عطاني 15 كيلو دهون ... وعلى ما اعتقد 30% دهون ولا عرفت افرق بين النتيجتين
وما ادري وش الصحيح والقياس قبل اسبوعين . والوزن تقريبا ثابت ما بين 78 و 79 من اكثر من 3 اسابيع
عضو جديد
ما قصرت اخوي سبورت على الرد والنصائح والنظام الغذائي ..
انا كل يوم بالنادي اخذ تمارين لياقة ( سويدي ) 45 دقيقة .... مع تمارين بصالة الحديد ولي الان اسبوعين بصالة الحديد
قبل دخول صالة الحديد سويت كشف كامل للوزن والدهون والماء
كشف الدهون عطاني 15 كيلو دهون ... وعلى ما اعتقد فيه 30 % دهون ولا عرفت افرق بين النتيجتين
والوزن تقريبا ثابت ما بين 78 و 79 من اكثر من 3 اسابيع على شان كذا الان ابحث عن افضل شيء لحرق الدهون واغلبها في منطقة البطن والخواصر هي اللي اعاني منها ..
.•° σαςђ₡ °•.
اخوي نسبة الدهون عندك عاليه
شوف ان شاء الله اذا اتبعت النظام الغذائي + السويدي + تمارين بطن + تمارين خواصر + يومين بالاسبوع جري مع مشي لمدة 45 دقيقة خارج النادي
خلال شهرين ان شاء الله بحدود 10 كيلو ينزل من وزنك اذا مو اكثر
ضوابط المشاركة
