عضو جديد
السلام عليكم
اخواني ابي اسألكم
هل ينفع اوصل للجسم اللي ابيه فقط بأستخدام البروتين
لأني اشوف اغلب الأعضاء يتكلمون عن الأمينو والليبو ؟
وبخصوص رياضة الجري
انا مستمر فيها >> لكن هل هي تأثر على بناء العضلات ؟
انا الصبح امارس هذي الرياضه ( الجري ) >> هل امارسها يوم واترك يوم
عضو جديد
اي سؤال ثاني
دايما أسمع الأعضاء يقولون برنامج تضخيم وبرنامج تنشيف
انا صراحه داش نادي ثلاث شهور وما اعرف اللي قعد العبه تضخيم او تنشيف
يعني كله اسأل المدربين وعلى رحمتهم >> حتى ما اناقشهم بالتمارين
عضو مميز
وعليكم السلام
اخوي بالعزيمة والاصرار تقدر تاصل بدون حتى البروتين لان الي يتكلمون عليها الشباب هنا بروتين وامينو هذي مجرد مكملات تقدر تعوضها بتغذيتك السليمة
اما اذا والله تغذيتك مهي سليمة بالمره اكيد بيصعب عليك والبروتين والامينو مجرد تغذيه
وبخصوص رياضة الجري ماعندي العلم الكافي انه تاثر على العضل او لا لكن غالبا اسمع انه تاثر لكن انت لما تحدد هدفك اما تضخيم او تنشيف تقدر تستغني عن الجري او ماتستغني
يعني لما تكون محدد هدفك تنشيف يكون الجري مناسب لك حتى لو خسرت شوي عضل ماراح ياثر ان شاءالله لانك بتعوضه
اما للتضخيم لا اكيد ماينصح بالجري الا ممكن مره بالاسبوع وبعد مهو ضروري
وبالنسبة لبرامج التضخيم والتنشيف الي يتكلمون عنها الشباب من اسمها تضخيم لما تكون تبي زيادة وزن وكبر بالحجم واكيد راح تكون زيادة عضلية ودهنيه نوعا ما لذا ماينصح اصحاب الاجسام المتينه الدخول بالتضخيم مباشره لانه راح يتعب اكثر بالتنشيف
اما التنشيف للي يبي ينزل فات وينزل نسبة الدهون بجسمة
والفرق بيناتهم كبير من ناحية التغذيه ومن ناحية اسلوب التمارين
مرحلة التضخيم يكون الاعتماد الكلي على صالة الحديد بجدول مايكون مرهق للجسم وتكون اوزانك ثقيله قد ماتقدر تشيل وبعدات قليله من 6 الى 12 عده بالجلسة الواحده وطبعا يكون بعد تنظيم
هذا من ناحية اسلوب التمارين اما اسلوب التغذيه اكيد مثل مايقولون بعض الشباب الي قدامك كلهبس طبعا التنظيم افضل بكثير وهو يكون يعتمد على الكارب والبروتين والدهون بنسب متفاوته بس ياخذهم كلهم
اما التنشيف وقت التمرين راح تحتاج لاكثر من صالة الحديد مثل السير والكارديو والتمارين السويدية والسباحة والجري كله تفيد والعب داخل صالة الحديد يكون باوزان متوسطه بعدات كثيره من 10 الى 20 بالجلسة الواحده والتغذيه يكون اعتمادك على البروتين وتبتعد عن الدهون وعن الكارب بعد التمرين وفيه اكلات كثيرة تساعد طبعا
اتمنى اكون افدتك لو بشي بسيط بكلامي الي فوق
انا شرحتلك شرح مبسط عن الحالتين وانت حدد هدفك اما تنشيف او تضخيم لاتجمع بيناتهم
اذا كان وزنك عالي ونسبة الدهون مرتفعه اكيد نشف بالاول وبعده ابدا ضخم واذا كان العكس ابدا تضخيم مباشره
وانصحك تاخذ لك لفه بمنتدى المواضيع المميزة راح يفيدك ان شاءاالله
موفق اخي
عضو كمال اجسام خبير
وعليكم السلام ,,
الجري يعيق عملية البناء هذا اللي اعرفه وبذات على عضلة الصدر ,,
لكنه كويس مع مرحلة التنشيف ,,
التضخيم ,, وهو زيادة البنيه العضليه
التنشيف ,, حرق الدون اللي بالجسم ,, و انا اعرف ان كلمة التنشيف تجي باخر مرحله بالتخسيس بس الكل يقول تنشيف على الاثنين سواء تنشيف او تخسيس
بس لو تفيدنا
بعمرك وطولك ووزنك ونسبة الدهون ,,
عشان نقدر نفيدك ,,
وكم صارلك تلعب ,,
عضو جديد
انا طولي 170 ووزني 70 والعب لي 5 شهور .... واجري بشكل شبه يومي ... احاول اني اجري وبعدين امشي سريع ... عشان اركز الحرق على الجزء السفلي من الجسم .... لو ترهق نفسك كل يوم في الجري بتخسر عضله الصدر وهذا الي حسيته يوم كنت اجري كل يوم اكثر من 2 كيلو بشكل متواصل ...
عضو كمال اجسام خبير
تقدر تستغني عن الجري
وتمارس الكورديو متوسط المجهود كويس لانك تحتاج اوكسجين ومستو دقات قلب متوسط عشان تدخل الجسم بمرحلة حرق الدهون ،،
انت في الجري تعتمد على حرق الكاربس اكثر من الدهون ،،
وعلى الجسم اللي تبي توصله بالنسبه لحرق الدهون انا اشوف انك تقدر توصل للي تبيه بدون بروتين ولا امينو؟؟
بس اهتم باكلك وضبط نومك ،،
وكل باقرب وقت بعد التمرين كل وجبه قليلة الدهون والكاربس ويحبذ ان تتكون من فايبر وبروتين ،،
الفيبر من الخضار
البروتين من البيض او الدجاج او اللحم او السمك ،،
عضو كمال اجسام خبير
موفق يا ابن زيدون
أضحى التنائي بديلا من تدانينا
وناب عن طيب لقيانا تجافينا
مآشآءالله
.•° σαςђ₡ °•.
ماقصرو الشباب معاك
بخصوص الجري جيد ان الواحد يحافظ على لياقته
لكن حاول يكون يوم واحد بالاسبوع بشرط ان لا تلعب حديد بنفس اليوم
لأنك لو تزيد عن هذا اليوم او تلعب بنفس اليوم اللي تلعب فيه حديد راح يعيقك في بناء او تضخيم العضلة
الا اذا كنت في مرحلة التنشيف
بخصوص التنشيف والتضخيم شرح لك الكابتن
متى تحتاج للتنشيف لما تكون نسبة الدهون عندك عاليه وهي تقريبا من العشرين وما فوق
اما التضخيم لما تكون نسبة الدهون عندك قليله مابين ال 10 الى ال 20 وكل ما قلة كان افضل
اما الفرق بين التخسيس والتنشيف
التخسيس هو الشخص السمين الذي لا يمتلك اساس عضلي ويحرق الدهون المتراكمة منذ سنين
اما التنشيف هو شخص الان انتهى من مرحلة ضخامه وينشف الدهون التي تراكمت حوالين العضلات اثناء فترة الضخامه
عضو جديد
يعطيكم العافيه شباب على شرحكم المبسط
واشكرككم على سعة صدركم بتقبل اسألتنا اللي ما تخلص
بردان ,, مشكور وانا اتوقع اني احتاج تضخيم مع ان الجسم اللي ابي اصولة يسمونه جسم فرنسي
كابتن راشد >> انا طولي 167 ووزني 57
وعلى فكره من دخلت النادي بين اني سمنت وجسمي تعدل لكن بالحقيقه انا ضعفت كيلويين
برادوياي >> يعطيك العافيه عالتشجيع
وما شاء الله يبدو انك لك ذوق بالشعر ^_*
هارت بيت مشكور على شرحك
>> ما اخفي عليكم خايف ان بديت بجدول التضخيم >> افتح على نفسي باب ما ينتهي اللي هي باب السمنه
واكون ندمت
بس ان شاء الله مافي ندامه
مشكورين مره ثانيه
عضو جديد
معلومه صارلي 3 شهور مستمر بالنادي
ضوابط المشاركة
