السلام عليكم ورحمه الله وبركاته
كيفكم ان شا الله تمام
ارجو من اصحاب الخبره الله يجزاهم خير يفيدوني بالاجابه عن الاسئله واذا فيه اي نصيحه راح اكون شاكر لهم جزيل الشكر
اول شي راح احط معلوماتي
الوزن 80
الطول 82
العمر 23
حبيت ادخل نادي رياضي وسمعت ان لو تدخل نادي وتبي تلعب حديد لازم البروتين وانا والله ما اعرف عنه شي ابد وكل من سالته قال موب زين يزيد وزنك ويسبب دهووون بالجسم وترهلات
اللي ابيه منكم الله يجزاكم خير
1- اي نوع من البروتينات احتاجها بس ياريت تكون كويسه ومجربه... انا اشوف بعض المتدربين في النادي يشربون شي بس ما ادري وشو كانه عصير بس الرجال يرجه يرجه وبعدين يشربه وشو هذا ؟
2- هل لها ضرر او اثر جانبي؟ في المستقبل اذا تركت النادي؟
3- هل اذا اخذت البروتينات لازم العب حديد واشغل كل عضلات جسمي والا المستهدفه بس يعني مثلن اخذ البروتينات وانا ما ابي الا العب صدر وباي وتراي وتمارين بطن هل يؤثر على جسمي والعضلات المتبقيه ويسبب ترهلات ام لا ؟
4- كم ساعه يوميا احتاجها في النادي بشكل متوسط تقريبا؟ مع العلم انني العب من بعد صلاه المغرب الى العشا تقريبا ساعه واحده
وهذا كل شي واسف اذا كنت اطلت الكلام لكن اعذروني
