ارجو المساعدة للعثور على المكمل المناسب

[ابو احمد09]

معلومات المتقدم بالاستفسار :
العمر : 16 , الجنس : ذكر

الطول :173 متر
الوزن : 69 كيلوجرام



و الاستفسار كالتالي :
السـلام عليكم يا وحوش
عندي كم استفسار ان شاء الله تجد مكانها في صدوركم
وهي اانا لعبت مدة شهر وانقطعت فترة واريد العودة وانا في خلال الشهر لاحظت تغير كبير في القوة يعني كنت احمل من 5 كيلو واصبحت احمل اكثر من 30 كيلو
والحمدلله فهل هذا الانقطاع سوف يأثر وهل سأبدا من الصفر
وانا لم الاحظ تغيير يذكر في حسمي فقط التغيير في القوة البدنية
علما بأني لم استخدم اي نوع من المكملات طيلة الفترة الماضية
وانا لدي مشكلة اتعبتني نفسيا ولله المشتكى وهي ان صدري غير متناااسب ابدا مع جسمي
ولا ادري ماهو الحل لهذا هل اسوي عملية ام المشكلة ستحل بالتمارين مع اني ولله الحمد لاحظت تغيير بسيط جدا في عضلة الصدر منذ بداية تسجيلي بالنادي
واستفسار احر هو اني اريد ان استخدم الواي بروتين
وهدفي الحصول على جسم فرنسي فهل هو مناسب لي ام لا ارجو التوضيح واااسف على الاطالة وشكـرا يا ابطال

[abu kinan]

اصبر يا عمي شهر فترة دوبك تسخن بها وتعود عضلاتك على الحركة
واظب على التمرين تحت اشراف مدرب وبلاش المكملات الآن

[إبن زيدون]

السلام عليكم

بخصوص وزنك وطولك >> جدا حلو
انا انصحك انك ما تاكل بروتين الحين >> انطر شوي
واظن انه بالنسبه لعمرك ما يصير تاكل بروتين >> لازم 18

وحتى لو مصر انك تاكل بروتين لازم تاخذه بعد شهر ونص من اللعب المتواصل

بالنسبه لمشكلة صدرك اظن انها راح تنحل بالنادي
ولكن عشان تتطمن اكثر روح للدكتور وشوف شنو يقولك


انصحك بالسباحه والركض >> يعطن شكل حلو بلس لياقه بدنيه عاليه
وهدفك يتطلب صبر

موفق

[بردان1]

وعليكم السلام

ماقصرو الاخوان بس بالنسبة لمشكلت صدرك وشي يعني ؟
الام ؟ ام الشكل مهو معجبك ولا شلون ؟

وبالنسبة للزيادة ان شاءالله من ثاني اسبوع ترجع لوزانك السابقة
ومعروف باللعبه اول شهرين الاوزان تندبل معك كل اسبوع دبل الاسبوع الي بعده
وبعد كذا تبدا يقل تقدم الاوزان ويبدا يضهر تقدم بالجسم بعد كذا فترة ويصير كلهن تقدمات خفيفة لكن تحتاج لصبر اللعبة

وبالنسبة للمكملات لو صبرت بعدين افضلك وانت استغل عمرك الحين تغذيه صحيييييييية + تمارين ونشاط وحركه وان شاءالله افضل نتايج راح تشوف

[ابو احمد09]

وعليكم السلام

ماقصرو الاخوان بس بالنسبة لمشكلت صدرك وشي يعني ؟
الام ؟ ام الشكل مهو معجبك ولا شلون ؟

وبالنسبة للزيادة ان شاءالله من ثاني اسبوع ترجع لوزانك السابقة
ومعروف باللعبه اول شهرين الاوزان تندبل معك كل اسبوع دبل الاسبوع الي بعده
وبعد كذا تبدا يقل تقدم الاوزان ويبدا يضهر تقدم بالجسم بعد كذا فترة ويصير كلهن تقدمات خفيفة لكن تحتاج لصبر اللعبة

وبالنسبة للمكملات لو صبرت بعدين افضلك وانت استغل عمرك الحين تغذيه صحيييييييية + تمارين ونشاط وحركه وان شاءالله افضل نتايج راح تشوف

مشكورين يا اخوان على مروركم
ويااخي اانا مشكلتي في الصدر هي الثدي فيه بروز ومخرب شكل جسمي
*_*

[MR.ROZMAN]

أخوي بالنسبة لمشكلة صدرك ,, بصراحة أنا كنت مثلك ,

الصدر راخي شوي ,, لكن بحمد الله بعد لعب 6 شهور وتركيزي على عضلة الصدر

أبشرك بالخير ,, تحولت منطقة الصدر إلى كتلة عضلية مع بقاء القليل من الدهون

أفكر استخدام لايبو 6 حارق دهون ,, لحرق بقية الدهون الموجودة على الوسط والخصر والقليل منها على الصدر ,,


ولم أستخدم أي مكملات تذكر ,, كلهم ما يتعدوا 40 حبة أمينو ,,


تحياتي واحترامي ..