-
هل تقليل مرات التكرار في تدريب معين يؤثر بشكل سلبي؟
معلومات المتقدم بالاستفسار :
العمر : 21 , الجنس : ذكر
الطول :166 متر
الوزن : 90 كيلوجرام
و الاستفسار كالتالي :
السلام عليكم ورحمة الله وبركاته
بعد شهرين من الإشتراك في نادي رياضي نزل وزني ولله الحمد من 100 كجم إلى 90 كجم
قاللي المدرب لازم تتمرن حديد عشان تشد الترهل في الصدر
هم 4 تمارين للصدر كل تمرين بالتكرار 25-20-20 أقدر أسوي 3 منهم بدون مشاكل عدى تمرين واحد
وهو على هذا الجهاز
http://www.afproducts.com/site_image...ess---Zoom.jpg
بصراحه متعب جداً جداً حدي أقدر أسوي 10 تكرارات في مرتين وماأقدر أكمل
مع إني ماأحط أوزان كبيره بالكثير 15
هل تقليل عدد مرات التكرار راح يؤثر سلباً على منطقه الصدر ؟
وياليت الأخوان يعطوني نصايحهم عن أفضل طريقه للتمرن على الجهاز اللي حطيت صورته
لأنه بصراحه هلكني 
وجزاكم الله كل خير
-
رد: هل تقليل مرات التكرار في تدريب معين يؤثر بشكل سلبي؟
من وجهة نظري
بالنسبة للتقليل عدد التكرارات أبدا ما فيها مخاطر
لكن كلما قللت زاد التأثير على الضخامة وكلما زاد التكرار زاد التأثير على الشد وزيادة التحمل
بالنسبة للجهاز الواضح عندي
هو للصدر العالي وتتحرك معاه الدالية الأمامية والتراي كعضلة مساعدة
هو صحيح متعب شوي لكن الجهاز أسهل من الحر والأشكال الأخرى
لكن إذا بغيت فيه بالدنابل وفيه بالبار الحر وفي البار الجهاز وفيه بعض الأندية جهاز الهمر ممتاز
لكن شف كنصيحتي لك إذا كنت مضطر على هذا الجهاز
أولا لاتخليه آخر تمرين ولا قبل الأخير
خليه أول تمرين أو الثاني بالكثير
الشي الثاني خف الوزن أقل ما تقدر ماهي مشكلة لو خخفت وزن خفيف مرة أهم شي تأدية التمرين بالشكل الصحيح والعدد الي أنت بغاه
الشي الثالث حاول تنزل الجلسة الي ساند عليها ظهرك شوي ولا ترفعها مرة كأنك تلعب كتف
الشي الرابع خلي مستوى يدينك على مستوى صدرك العالي... يمكن أنت كنت نازل بجسمك شوي ومخلي مستوى يدينك على الكتف وبكذا تتعب كثير وبيصير تركزي على الكتف أكثر
وهذا كلها من وجهة نظري
والله يوفقك.. لوودي
-
رد: هل تقليل مرات التكرار في تدريب معين يؤثر بشكل سلبي؟
اذا بتقلل تكرار زيد وزن 
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
