استفسار عن نظام التمرين في شهر رمضان

[إبن زيدون]

معلومات المتقدم بالاستفسار :
العمر : 24 , الجنس : ذكر

الطول :167 متر
الوزن : 61 كيلوجرام

نسبة الدهون : 16

و الاستفسار كالتالي :
السلام عليكم

ويعطيكم العافيه شباب وكل عام وانتم بخير بمناسبه هالشهر الفضيل
الله يعوده علينا بالخير

شباب هالسنه رمضان بعز الصيف راح يكون صعب
يعني وقت الأمساك اكثر من وقت الأفطار

يعني الواحد ما يمديه ياكل الفطور الا جاء وقت السحور

متى احسن وقت للتمرين >> واحسن وقت لأخذ البروتين
واحسن وقت للسحور

شنو اركز بالفطور وابعد عنه
وهم شنو اركز بالسحور وابعد عنه


وسؤال >> شرايكم بالتمرين قبل الفطور ؟؟


بما انكم اهل الخبره >> قلت اسألكم

ومشكورين

[muhammed 2005]

وانا معك اخوي ...... up

[متعب سعد]

وعليكم السلام..

افطر , ويفضل يكون معاه واي بروتين..

قبل العشاء بشوي خذلك وجبة خفيفة مكونة من كارب وبروتين.. يفضل شوفان وموزة وفروالة اذا حبيت او شي حلو وممكن يصير عسل..

بعد العشاء روح تمرن..

بعد التمرين واي بروتين

بعد الواي بروتين بساعة خذلك تونا أو صدر دجاج مع خبز وسلطة ..

بعدها بساعتين خذلك تبولة أو سلطة فواكة ..

والسحور خذلك صدرين دجاج مع خبز وسلطة خضراء

قبل الإمساك خذلك كازين واذا ماعندك امكانية ضيف لسحورك كمية معقولة من جبنة قريش منزوعة الدسم قليلة الملح..

وموفق

[TaKe iT oN]

طبعا اكيد تقصد صلاة العشاء مو العشاء العشاء اللي هو اكل ههههه

[liverpool212]

طبعا اكيد تقصد صلاة العشاء مو العشاء العشاء اللي هو اكل ههههه

1+

...

المشكلة أن ليل قصير في رمضان " يعني مع تراويح و قيام الليل " .متابع وياكم عشان أعرف بعد

[متعب سعد]

ايه يا اخوان الله يبارك فيكم أقصد العشاء " الصلاة "..

مشكورين على التوضيح نيابة عني ..

[إبن زيدون]

الله يعين المعده >> على كلامكم نقضي الليل كله ناكل

يعطيكم العافيه شباب
متعب و تيك ات اون > ومحمد

و ليفربول >> انت فارس صح ^_^

[Heartbeat]

ماقصر معاك اخوي متعب

تقدر تاخذ الامور ببساطه
اول ما يأذن المغرب: سكوب واي بروتين

بعده بنصف ساعه تتفطر يعني على ماتروح تصلي المغرب وترجع
والفطور على راحتك بس مو لحد الشبع يعني لا تطغى بالأكل -_-

بعده بساعتين او ساعتين ونص يعني تقريباً على الساعه 10,00
تاخذ لك وجبة غنية بالكارب مع بعض البروتين

على الساعه 11,30 او 12,30
تبدأ التمرين
طبعاً على حسب انت تتمرن ساعتين او ساعه ونص
المهم بعد التمرين مباشر سكوب واي بروتين تكون الساعه تقريباً 01,30

الساعه الثانية او الثانيه والنصف سحورك يفضل يكون لاصدور دجاج او علبتين تونه مع بعض الخضار الطازجة وخبز البر

قبل الامساك مباشر سكوبين كازين

ثلاث وجبات + ثلاث جرعات بروتين
بفترة لا تتجاوز التسع ساعات
ماتقدر تعمل اكثر من هذا صعب