مشكله في البناء

[without heart2]

معلومات المتقدم بالاستفسار :
العمر : 21 , الجنس : ذكر

الطول :176 متر
الوزن : 74 كيلوجرام



و الاستفسار كالتالي :
السلام عليكم ورحمة الله وبركاته
رمضان كريم وكل عام ونتم بخير
والمعذره من الاخوان انا جديد بالمنتدى وكنت حاط الموضوع بالقسم الغلط

اخواني انا لي سنه ونص العب حديد وشهر 4 الجاي ان شالله بطبق سنتين
وللاسف جسمي نفس ماهو يوجد فيه نسبة دهون بالصدر وعضلات البطن مو باينه ابدا ولايوجد اي عضله ملحوظه
يعني اللهم ان الاوزان تزيد لكن الجسم مو راضي اخذت مكملات وداينبل ماحس فيه فايده
طبعا ماقد اخذت كورس والمشكله ناس لهم 3 شهور بنادي خذو كورس انتفخو وقسمو
المنطقه الي انا فيها كل شهرين يغيرو مدرب وتصير مشاكل يعني ماعندي جدول صح امشي عليه
انا بصراحه بديت امل من هالرياضه واسحب في الاونه الاخيره لاني بديت افقد الامل والنفسيه تعبانه
واشعر بنوع من الاهانه كل ماوجهت شخص وقالي لك سنه ونص وجسمك مدهن وعادي .
يعني الي عنده حل ياليت يفيدني ومانسى معروفه

[m3az`]

اخي انا ممكن افيدك

بس ممكن اول شيء توضعلنا نظامك الغذائي الي كنت ماشي عليه ؟؟؟
اكيد نظام مخربط ومافي نظام اصلا؟
عمرك جربت التنشيف ؟

اخوي لعبة الحديد 40% غذاء ,, 20 % جينات ,,20 % نوم وراحة , 20% لعب وتمارين طبعا تقريبا النسب

مشكلة الغذاء والراحة والتمارين نقدر نحلها ,, ومشكلة الجينات منتغلب عليها او منغطي عيوبها الى حد ما بخلال فترة زمنية من اللعب والمواصلة


الان ارجو منك انك توضع نظامك الغذائي

[salam912]

غير النادي إلى نادي آخر وخذ لك قبلها فترة راحة لمدة اسبوعين

[without heart2]

يعطيكم العافيه بنسبه لنظام الغذائي ماعندي بصراحه واكلي تعبان يعني مو كل شيئ اكله
وبنسبه لتغيير النادي مو حل اصلا المنطقه الي انا فيها صغيره والي فيها ناديين فقط ومثل بعض
من اسبوع ابتديت غير نظامي الغذائي
الفطور طبعا الموجود اكل منه والمكملات اخذ سوبر امينو 4800 + واي بروتين والسحور مرتديلا مع شرايح طماطم وفليفله وخبز بر وبين الفطور والسحور كورن فليكس

[without heart2]

وتنشيف ماعمري نشفت لان ماحس في عضل كبير ؟ احس جسمي عادي !
صرت افكر اخذ ابر هرمون واريح راسي مثل هالعالم لان جسمي عجزت افهمه
احيانا يجي كابتن يشد علي ويحرقني واحيانا يقولون لا غلط انت تحرق العضله
بصراحه انا مليت من الفلسفه وكنت اعتقد اول اني فاهم بس الان تايه بصراحه ؟

[King Of Coffee]

من وجهة نظري شوف لك برنامج تدريبي جيد وبرنامج غذائي قليل الدهون وقليل الكارب وكثف البروتين
واعمل لك جلسة إضافية في نهاية كل تمرين كحرق للدهون يكون التكرار فيها من 12 إلى 15 .

ولا تنس الكارديو قبل التمرين 10 دقائق وبعد التمرين 20 إلى 25 دقيقة وقابلة للزيادة .
وكذلك البطن .

وحاول تطلع على http://www.montada.com/forumdisplay.php?f=639

اطلع على المواضيع وراح تحصل كل شي بإذن الله .... الإخوان ماشاء الله تبارك الرحمن من اللاعبين الجيدين ويمتلكون معلومات قوية جدا .

واللعبة بارك الله فيك يبي لها صبر أحيانا تشوف في أربع شهور واحد يكون جسمة أحسن من اللي يلعب سنة .

وهذه كلها على الجينات , وكل واحد ويعرف جيناته في منها من تكون دهنية وفي منها من تكون معدل الأيض عالي . وكل هذا يعتمد ..

ولو كنت حاس إن جيناتك دهنية والعضل مو باين معك مع إنك تلعب بأوزان عالية وتكنيكك للتمرين جيد , فهذا دليل إن الضوء يسلط على البرنامج الغذائي .
والبرامج الغذائية في هذا المنتدى كثيرة وكلها من وجهة نظري ممتازة .

وعليكـ بالراحة ...



وأكيد الأبطال ماراح يقصرون معكـ ..


هذا والله أعلم .

[without heart2]

يعطيك العافيه اخوي وننتظر رد بقية الاخوان

[without heart2]

أحتاج جدول + نظام غذائي + كورس
يتناسب معي

[oO LoOodDy Oo]

أنا بتكلم من نحاية التمارين

نجي مثلا للصدر كم تلعب من تمرين وكم جلسة وكم العدات؟؟؟

لوودي

[without heart2]

الصدر العب بنش منحني ضيق+واسع كل تمرين 3 جلسات
والعب ع الكرسي دامبلز مائل ضغط+تفتيح كل تمرين 3 جلسات
والعب اسفل صدر جهاز + اوفر كل واحد 3 جلسات

واحيانا ازيد ومع ذلك مافي فائده عضلة الصدر نفس الحجم وفيها دهون اسفل الى جانبي الابط
عقدتني بصراحه

[without heart2]

لا حياة لمن تنادي ...

[oO LoOodDy Oo]

بالنسبة للدهون هذي ما تروح إلا بالسير وغيرها والحديد يعمل على الحرق
وأيضا لازم تمشي على برنامج غذائي

شوف البرنامج الي في الإعلان فوق يمكن يصلح لك وبرنامج الضخامة الي جنبه

شوف تمارين الحديد لازم فيه التنويع يعني ما تجلس على تمارين معينة

أبعلمك الي أنا امشي عليه والحمدالله الوضع أوكي ولله الحمد

بار مستوي ودنابل عالي وتفتيح وأوفر بس
أول تمرين أربع جلسات والباقي ثلاث جلسات

جرب هذا النهج لمدة ثلاث اسابيع وإن شاء الله تلقى نتيجة

بناء العضلات ما تجي بزيادة التمارين أنت كلما تزيد عن حده يقلب من بناء إلى هدم

والأسبوع الي بعده ألعب بار عالي ودنابل مستوي والغطس وألعب جهاز تجميع

ونفس العدات الي قلت لك عليها مع الجلسات.. 10/8/6

وإن شاء الله راح تلقى تحسن

والأسبوع الي بعده

ألعب دنابل متسوي وبار عالي وبار مايل وأوفر

بعد ثلاث أسابيع أو أربعة شوف النتيجة وإن شاء الله راح تلقى تغير

وعطني خبر عليها

والله يوفقك.. لوودي

[without heart2]

^^^^
يعطيك الف عافيه وان شالله بمشي على برنامجك

[oO LoOodDy Oo]

^^^^
يعطيك الف عافيه وان شالله بمشي على برنامجك

الله يعافيك.. حاضرين أخوي أي وقت..

لوودي