المكملات تسبب الصلع ؟؟

[الوحش كاسر]

معلومات المتقدم بالاستفسار :
العمر : 22 , الجنس : ذكر

الطول :173 متر
الوزن : 70 كيلوجرام



و الاستفسار كالتالي :
السلام عليكم شباب


انا استعمل بروتين الدب الروسي وساعات استخدم السريس ماس وعندي الكرياتين والامينو وجلوكوز من الصيدليه

وصارلي اللحين شهرين وشعري يتساقط بشكل عجيب

وانا نوع شعري كثيف .. وفجأه صار يتساقط وواضح عليه من مقدمة الراس


فمادري وين السبب يا جماعه .. وين السبب عشان اتركه

[simply]

اخوي عندكم صلع وراثي؟

البروتين اللي تاخذه من الجي آن سي ولأ من وين !

[الوحش كاسر]

نص العايله مصلعين ونصهم لا خخخخ .. بس انا شعري كثيف .. وفجأه قام يتساقط بشكل خيااالي وحسيت المشكلة منهم

بس مو عارف اي منتج

والبروتينات اخذهم من الشباب في المنتدى هنا

[يوسف404]

لك كم تلعب حديد

[simply]

أوك ِ اذا من الشباب ان شاء الله ماعليه كلام والمشكله من الصلع الوراثي اللي عندكم او يمكن تكون حاله نفسيه وتروح ..

عموما عشان تقطع الشك باليقين اقطع المكملات مدة اسبوعين اذا وقف التساقط معناته من المكملات اذا ماوقف تكون المساله وراثيه وتراجع دكتور .. اتمنى افدتك وبالتوفيق

[الوحش كاسر]

يوسف / لعبي للحديد من فترة تقريبا سنه لكن متقطع وذيك الفترة كنت استخدم الدب الروسي والسرياس ماس وما واجهت مشاكل

لكن الكرياتين والجلوكوز والامينو هذا شي جديد عندي .. والواحد مو عارف من وين .. فمادري فيه معلومات ان هالشغلات تسبب الصلع

اخوي simply انا شكلي بقطع الكرياتين والجلوكوز والامينو .. وبشوف نهايتها .. بس حبيت اعرف في احد عنده معلومه

[simply]

اخوي المكملات الغذائيه مالها ضرر على الجسم عموما

انتظر تجارب الاعضاء ممكن احد صار معاه نفس اللي صار ولقى الحل واتمنى لك التوفيق اولا وآخيرًا

[ahmadani]

اخوي يمكن فيك نقص Vitamins وهذا يرجع لسوء التغذية
كثر خضار وفواكه وراجع الدكتور وسوي تحليل وانشاءالله ماعليك شي

[الوحش كاسر]

مشكورين اخواني .. وسبق اني راجعت دكتور وكلمته عن المكملات الغذائيه .. قالي هذي له اضرار وما تدري عن المواد الموجوده فيها وقام يتكلم مثل الناس العاميين حسيته

وان شاء الله احد الاعضاء يجي وله خلفيه عن المواد الموجوده وعنده معلومات

[يوسف404]

يوسف / لعبي للحديد من فترة تقريبا سنه لكن متقطع

لعبة كمال الاجسام بشكل عام ترفع مستوى هرمون التسيت في الجسم (في تمارين خاصه ترفع التيست اكثر)
وبالتالي راح توضح عندك الاثار الجانبيه للتيست اذا كنت عرضه لها مثل تساقط الشعر حب الشباب الخ
شوف موضوعي هذا http://www.montada.com/showthread.php?t=701638

[THE CAST]

فعلا السبب في الغالب هو افراز التست بشكل اكبر خصوصا عند لاعبي الحديد
وهالشيء حصل لك لان عندك صلع وراثي بالعائله



والبروتين مو السبب إلا ان كانت هناك إضافه مجهوله ماندري عنها , وحاول تعطي جسمك احتياجه من الى لاجل تستبعد نقص الفايتمينات

[الوحش كاسر]

يعني اللحين طلع من هرمون التسيت .. طيب شلون اتجنب ارتفاع هرمون التسيت بديل عن هالاعشاب

وإي نوع هو الافضل ؟؟ http://www.amazon.com/s/ref=nb_sb_noss?url=search-alias%3Daps&field-keywords=Saw+Palmetto&x=0&y=0

http://search3.bodybuilding.com/othe...=0&site=&btnG=


وعساكم عالقوة

[THE CAST]

ودك تتجنب ارتفاع التست بشكل طبيعي!

هالهرمون هو المسؤول بعد الله في عملية بناء العضل او تصنيع البروتين في العضل على اختلاف اشتقاقاته ................

[hamlet99]

عندك الاوبتي مين فيها ماده او العشبه الا اسمها Saw Palmetto ممكن تضيفه الى برنامجك الغذائي ، همسه في اذنك اوخوي " الشعر للحريم مو الى ريايل" كلمه استخدمها لرفع معنوياتنا احنا صلعان

[الوحش كاسر]

ذا كاست / ههههههههههه يعني لو تجنبت ارتفاعه ما في عضل .. يا ذا النشبه .. لا هذا ولا ذاك

hamlet99 / ايه انا عندي علبة الاوبتي مان وتصدق ما استخدمتها الا كم حبه منه ،، شكلي بعتمد عليه بشكل يومي اللحين

وعارف ان الصلع ماهو عيب للرجاجيل ،، لكن توني في عز شبابي خلي الواحد يتهنى بالنعمه هذي اشوي ><