مشاكلي بأستخدام الواي بروتين

[إبن زيدون]

معلومات المتقدم بالاستفسار :
العمر : 24 , الجنس : ذكر

الطول :167 متر
الوزن : 61 كيلوجرام



و الاستفسار كالتالي :
شباب كنت استخدم بروتين برو كومبلس زيرو فات
وخلصته

والحين بديت بواي بروتين من شركة اوبتم جولد ستاندر
مشكلتي بدت معاه
صرت احس بالام بكليتي ومن بعدها مشاكل بالبول > تكرمون
رحت للدكتور لأني خفت ان فيني املاح او حصو بالكليه

الحمدلله ما فيني املاح
وبالأشاعه طلع فيني غازات بالقولون

وقال البروتين يزودها

واخذت علاج بعد يومين حسيت احسن
وشربت سكوب بروتين وحسيت في الم بكليتي

صرت اخاف استخدم البروتين هذا ويصير فيني الم بكليتي
وبنفس الوقت هذي المشاكل ما تخليني احصل الجسم اللي ابيه


سؤالي >> البروتين هذا يضر الكليه
ولا لأن خزنته بطريقه غلط (( حاطه بغرفة النوم )) ومرات يطفون المكيف
بس مو اجواء حاره بالغرفه

[salam912]

غريبة !! أنا ماجربته ، بس سمعة المنتج جدا ممتازة
وإن شاء الله الإخوان مايقصرون معك بالردود
ما ترى بأس ، وأكثر من شرب الماء

[خانق العبره]

طيب

انتا تشرب البروتين بأيش مويه ولا حليب ..؟

[THE CAST]

دامت غازات في القولون فالغالب بسبب اللاكتوز والموجود في الواي(والحليب كذلك لكن بشكل اقل ....)

حاول تستعمل بروتين ايزو100 لانه خالي من اللاكتوز وحتلاحظ الفرق ...
اما الفترة الحاليه الي تستعمل فيها الواي خذلك من الصيدليه منتج انزيم ال( لاكتازيم )

بخصوص الكليه لا مايأثر الا في حالة الزياده المفرطه وعدم القيام بمجهود لاستهلاك هالكميه المتناوله

[إبن زيدون]

سالم تسلم لي عالرد

خانق العبره انا اشرب البروتين بحليب

ذا كاست >> يعطيك العافيه على شرحك
بس بخصوص هذا الأنزيم ( لاكتازيم ) له اضرار إذا كثرت منه ؟

[THE CAST]

الله يعافيك

جرعته محدده ولايحتاج انك تكثر منه , لكن لو قصدك انك تداوم عليه فهل له اضرار؟
مافيه ضرر ان شاالله
لانه الاشخاص المصابين بحساسية اللاكتوز(مثلك) يواجهون صعوبه في هضم سكر الحليب(ومشتقاته) والسبب ان عندهم نقص في افراز هذا الانزيم من الجسم نفسه ..وللعلم فالاكثار من مشتقات الحليب في ظل الحساسيه يعتبر خطر
لذلك تناولك للمنتج افضل لك ولجسمك/صحتك
ولو ماترغب بالاستمرار على المنتج فقلل بشكل كبير من الحليب ومشتقاته واستعمل البروتين الي قلتلك عليه

[إبن زيدون]

السلام عليكم

ذا كاست >> انا مافيني حساسيه بالجلكوز
لاني طول عمري اكل من منتجات الحليب ولا مره اشتكيت

وهم قريت ان هذا اللبروتين (( من شكرة اوبتم ) يحتوي على الأنزيم اللي قلت لي عنه ( لاكتيز ) اللي يساعد على امتصاص سكر الحليب

البروتين اللي شريته مكتوب فيه whey protean isolates

2-الواي بروتين المعزول (WPI):
بتم معالجته بطريقه افضل من الواي المركز
وبتكون نسبة البروتين فيه 90 ال 95% وخال من اللاكتوز والدهون
اسرع في الهضم والامتصاص من المركز


يعني بأختصار انا مو مشكلتي الجلكوز

[THE CAST]

لاكتوز مو جلوكوز فيه فرق ... وكل الي ذكرته بسبب الكميه الزائده منه والموجود في الغولد ستاند

وبالنسبه للمشكله .. طيب انت جربت الايزو اولا؟

[إبن زيدون]

لا الأيزو ما جربته لحد الحين

بس جربت قبله بروتين برو كومبلكس بلس
وخلصته وما صار فيني شي

بخصوص الاكتوز
هو انا اقصده >> سكر الحليب

انا اشرب حليب بشكل يومي وما عمر انضريت منه

بسألك الأمينو فيه مشاكل
واقدر استخدمه من دون بروتين ؟

[Exy]

انا ماصادفتني هالمشكله , شبيها لها, اول مره اجرب فيه البروتين خذت ايزو 100 من شركة التمت نترشن وجربته مع حليب واكرمكم الله ثاني يوم دوام فالحمام ذا كاست اخونا قالي اني فيني حساسية خفيفه من الجلوكوز فماقمت استخدمه مع الحليب وظبط معاي , واحين حولت ع القولدن ستاندر وماشي معاي تمام الحمدلله بس انا اشربه مع حليب حاول تستخدم ال ايزو 100 مع ماء

[oO LoOodDy Oo]

إن كان مشكلتك مع اللاكتوز

فإن شاء الله حلك هالمنتج الي فهمت إنه خالي من اللاكتوز...


والله يوفقك..لوودي

[THE CAST]

لا الأيزو ما جربته لحد الحين

بس جربت قبله بروتين برو كومبلكس بلس
وخلصته وما صار فيني شي

بخصوص الاكتوز
هو انا اقصده >> سكر الحليب

انا اشرب حليب بشكل يومي وما عمر انضريت منه

بسألك الأمينو فيه مشاكل
واقدر استخدمه من دون بروتين ؟

جميع البروتينات تقريبا تحوي سكر الحليب وبكثره
لذلك قلتلك خذ ايزو100 من دايماتز


بالنسبه للامينو ماافضل استعماله بروحه لانه ضعيف ولاتقارن احماض جرعاته بنتاج هضم احماض البروتين الكامل

[إبن زيدون]

يعطيكم العافيه يا شباب على وقفتكم وياي

Exy
اتوقع ان الجسم بالبدايه يقاوم المكملات لانه مو متعود عليه
وشكلي بستخدم الأيزو دامكم تنصحوني فيه

لوودي : يعطيك العافيه وانا اليوم راح اشوف هذا المنتج واسال عنه

ذا كاست : مشكور على سعة صدرك
انا بعد العيد راح ابدا بالبروتين ايزو واشوف شسصير وياي

وبس اتاقلم فيه راح افكر استخدم الامينو >> وساعتها الله يعينكم على اسألتي ^_*

شاكر لكم

[THE CAST]

^^^

الله يوفقك

لكن عندي تعليق بسيط
الجسم مايقاوم المكملات الطبيعيه لانها مواد غذائيه هو يحتاجها من ضمن العناصر الخمسه الاساسيه في التغذيه
( باستثناء بعض الاضافات كالمواد الحافظه والموجوده في اغلب المواد الغذائيه اليوم)
على عكس المواد الدخيله عليه والي تأثر على وظائفه الحيويه