المدرب نصحني بهذا !!!!!!!!

[Abo D7ooom]

معلومات المتقدم بالاستفسار :
العمر : 22 , الجنس : ذكر

الطول :183 متر
الوزن : 71 كيلوجرام

نسبة الدهون : 18%

و الاستفسار كالتالي :
السلام عليكم ورحمة الله

يا اخوان انا لي شهر تقريبا اتمرن حديد جنرال مع شوي ترايسبس وبايسبس في وقت اللياقة
ومع تمارين بطن يومي

ومالاحظت الى فروقات بيسطة ... المدرب نصحني ببروتين اسمه قولد وي او قولد ويست ما اذكر بالظبط وهو يوفره لي بسعر 300 ريال !!!

ما ادري شو رايكم وتنصحوني بايش وانا اول مره اجرب مكمل او بروتين ..... وهل لازم استمر عليه ولا اقطعه مافيه مشكله ؟؟

انا ارغب بشد وتنشيف خفيخف + تضخيم بسيط جدا من 4 الى 7 كيلو فقط
وش تنصحوني

ويعطيكم العافية

[متعطش]

عليكم السلام ورحمه الله وبركاته ..

لا تاخذ من عند الكابتن أي شي !!
هنا عندنا شباب بارك الله فيهم .. موثوق فيهم ويجيبون المكملات من الخارج ويبيعونها بسعر ممتاز

أنت تحتاج واي بروتين من اوبتيم ( هو الأفضل )
ملتي فايتمن
فيش أويل ( اذا حاب )

شكلك بالبداية بالجيم مالك فترة .. لا تاخذ شي أكثر من الي قلت لك عليهم لأنك مازلت بيقنر أو مبتدئ بعد 3 أشهر على الأقل أربعة أشهر .. أبدأ خذ مكملات أكثر حسب هدفك تنشيف ولا تضخيم ..
هدفك بسيط جداً 4 كيلو أو 7 كيلو بس محتاج منك شوية عزيمة .. مفتاح كل شي التغذية .. اشرب شاي أخضر مرتين باليوم وخذ الصيني من العطار ، روح لـ قسم المواضيع المميزة تحصل موضوع عن أفضل نوع من الشاي الأخضر ..
كثر من أكل من مصادر البروتين وابتعد عن الدهون والسكريات والوجبات السريعة والصودا ..
كثر من شرب الموية
العب كارديو .. سير كهربائي 20 دقيقة .. العب تمارين لياقة ابتعد عن الحديد بأول أيامك بالنادي ( لتهيأة جسمك ) .. واختم تمرينك بالسيكل الثابت 20 دقيقة برضه .. كل يومين نوع بالحمامات والقارئ بكرامة .. سونا - بخار - جاكوزي .. لانها صحيّة وتعمل على طرد الفضلات من الجسم وتوزيع الدهون وإنزال الزايد منه وشدد جسمك ..
كل أسبوع خصص يومين للسباحة

اذا اتبعت كلامي حرفياً وبإنضباط .. بإذن الله تجينا بعد شهر وتقول نزلت لـ 65
واخيراً : انصحك بقسم المواضيع المميزة ثقف نفسك اللعبة تحتاج لـ توعية

وعندك قسم البيع والشراء بإمكانك طلب ماتريد من الشباب .. بالتوفيق

[Dr.H.A.E]

البروتين ماقد سمعت فيه ,,

وسعره غالي جدا ,, عندنا هنا ناس يبعونه بسعر احسن ,, وارخص و اضمن ,,

انا اشوف انك تكمل على الأقل 3 شهور بدون مكملات ,, وبعدين تدخل فيها وانا اخوك ,,

وراح تدعي لي باذن الواحد الأحد

جزاك الله خير

[بردان1]

وعليكم السلام

ماقصرو الاخوان الله يعطيهم العافية

بس نظظظظم تمرينك وتشوف فرق ماينفع والله جنرال مع شوي تراي وباي
بس نظم تمرينك وامش على جدول تمرين كل يوم عضلة ويومين راحة بالاسبوع
والبروتين لاتفكر فيه الحين
نظم اكلك 5-6 وجبات باليوم
والتضخيم والتنشيف مايجتمعون ابد حدد هدف واحد

وبالتوفيق

[The vippper]

شباب ما قصروو معااك كفو ووفوو لكن حاب اضيف نقطة عضلة بطن تحتاج الى راحة مثل باقي عضلات الجسم وانت تلعبها يومين جدي راح تتعب عضلة ومو اكيد تظهر نتائج العبها يوم بعد يوم يعني يوم وترك وبالتوفيق

[Heartbeat]

وعليكم السلام ورحمة الله

شوف يا اخي
المدرب اللي يعرض عليك اي مكمل بروتين امينو اي نوع من غير من غير ماتطلب منه
هذه النوعية من المدربين لا تاخ منه شيء ابد
لأن هذا المدرب يتاجر بالمكملات ولا يهتم بالتدريب
واحيانا يكون هذا المدرب عنده بروتين او امينو او اي نوع من المنتجات قديم او قريب وتنتهي صلاحيته
او يخشى عليه من سوء التخزين ويريد ان ينتهي منه بأي وسيله
ولذالك ينصحك فيه ليس لأنه يفيدك لا بل حتى يتخلص منه
وايضا المدرب ما ينصحك بالمنتج الجيد لا بل ينصحك بالمنتجات التي يمتلكها فقط ويريد بيعها

على العموم الشباب ماقصرو معاك
واذا اردت بروتين او اي مكمل استفسر هنا عن افضل بروتين ممكن يفيدك
والاعضاء مايقصرون معاك
بس بالاستفسار لازم تذكر معلومات عن وزنك وطولك وعمرك وهكذا
وهدفك من البروتين اذا كان ضخامه او تنشيف
او مجرد تخسيس
بالتوفيق

[Abo D7ooom]

الله يعافيكم ياشباب

واللي فهمته من كلامكم اني ما آخذ اي مكمل الان ؟؟ بس على كلام المدرب اني ما راح الاحظ اي نتائج الا بعد 6 شهور الى سنه تقريبا !!!
لكن لو خذ البرويتن ازيد 4 كيلو في شهر !
وانا الان لي شهر ونص ما ادري وش المانع يعني ؟؟
وهل استمر على الكارديو او لا لان مدرب اللياقة قال نص ساعه مقسمه بين سير وسيكل تكفي وإلا بتخسر عضلات اكثر ...

[بردان1]

مااافيه فرررق بين شخص ياخذ كامل احتياجه من غذائه الطبيعي فقط
وبين شخص ياخذ احتياجه من غذائه + المكمل

حاول بس تنظم اكلك