وي بروتين +كازين بروتين =10 !!

**MeNt FaHaM** · 11-10-2011, 02:21 PM

معلومات المتقدم بالاستفسار :
العمر : 21 , الجنس : ذكر

و الاستفسار كالتالي :
السلام عليكم والرحمه

كباتن هدفي نفخه حلوه معتدله يعني عضل صافي
راح استخدم الوي والكازين والجلوتومين والمالتي فيتامين و امينو تابز
المهم استفساري عن الطريقه الوي والكازيين

وي بروتين

كازين بروتين

وي بروتين سكوب الصبح مع معلقه شاي جلوتومين بعده بساعه بتريق
وسكوبين بعد التمرين مباشره <<< سكوبين بيغنوني عن وجبه بعد التمرين اتصور لين العشاء
مع العلم بيكون تمريني بعد المغرب
وقبل النوم
سكوب كازيين ومع معلقه شاي جلوتومين <<< مع العلم بعمري ماستعملت الكازيين بروتين

هل مكملاتي صح والكميه !!!

مع العلم بتكون وجباتي افطار وغدي وعشاء وقبل التمرين تونا مع بطاطس مفور
وايام تمريني العصر بكتفي بأفطار وغدي وعشاء ! كافيه

والماي تقريبا كم المعدل الطبيعي 4 لتر !!

وشكراً

**Exy** · 11-10-2011, 02:46 PM

نفس كورسي القديم وحلو الكورس واي وكازيين وامينو وملتي وقلوتامين , بالتوفيق بالنسبة للمكملات انا اشوفها ممتازة , بالنسبة للملتي فيتامين انا ماكنت اخذ 3 حبات مثل ماهو مكتوب كنت اخذ حبة او حبتين والباقي اعوضة بالخضار والفواكة ومن رأي يفضل تسوي نفسي , والجدول الغذائي حاول تتفطر اهم شي وبعدها ب3 ساعات تاخذ لك سناك يعني مثل مكسرات وحليب وبعدين تتغدى قبل التمرين بساعه ع الاقل عشان مايكون بطنك ثقيل وتتمرن على راحتك وبعدها تاخذ السكوبين واي بروتين وبعدين تتعشى وقبل لاتنام تاخذ الكازيين , بالنسبة للملتي فيتامين توزعها بين الوجبات

**abu kinan** · 11-10-2011, 03:35 PM

شوف
البروتين ابدا ما بيغنيك عن وجبة طبيعيه
سكوبين واي بعد التمرين كثير لأنه بروتين سريع الامتصاص جسمك بياخذ منه حوالي 25 جرام ويرمي الباقي واحتمال يتخزن دهون
انا فهمت انك بمرحلة ضخامه بالتالي ما يلزمك جلوتامين + الكازين كل سكوب فيه 5 جرام جلوتامين وانا اشوف انها بتكفي وبزياده في هالمرحلة
اما بالنسبة للماء اشوف انه 4 لتر جيد
انا عن نفسي اشرب 2 لتر اثناء التمرين فقط وباقي اليوم على طول شرب ماء بس بصراحه ما احسب
تحياتي
خلي الواي سكوب صباحا قبل الفطور بنص ساعه وسكوب بعد التمرين
الكازين سكوب قبل النوم وسكوب اثناء النهار لو حصل عندك انقطاع عن الطعام بسبب مشاغل او غيره

**MeNt FaHaM** · 11-10-2011, 04:52 PM

حالياً اقتراحاتكم اني آخذلي على الريق سكوب وي مع جلوتومين قبل الافطار من 30 الي ساعه
وآكلي وجبه فيها مكسرات الضحي واتغدي وقبل التمرين آكلي مثلن تونا وبطاطس مفوره للكارب
بعد التمرين دايركت سكوب وي والمالتي فيتامين بخليه بعد الافطار وبعد العشاء والكازيين سكوب واحد مب لازم يكون معه معلقه جلوتومين
يعني ثلاث وجبات رئيسية ووجبه سناك ووجبه قبل التمرين ^_^ والامينو 2 بعد الافطار 2 بعد الغدي و2بعد العشاء !

بيكون جدولي 10\10 ومابيكون به فات وايد صح !
سكوبين وي بليوم وسكوب كازين وعلى حسب الحاجه ازيد سكوب لو ماقدرت آكل صح

**MeNt FaHaM** · 11-10-2011, 05:37 PM

هدفي ضخامه صافيه من غير دهون
الاسناك مثلن ثلاث ملاعق مكسرات بلعسل وخمس تمرات الضحي !

**abu kinan** · 11-10-2011, 05:52 PM

انا اشوف توفر الجلوتامين لوقت التنشيف

**الـــســـامـــر** · 11-10-2011, 08:03 PM

كورسك تمام وشغلك مضبوط

بس نسيت اهم شغله وهذي مهمه جدا

الا وهي وجبه بعد التمرين طبعا هذي مهمه جدا واهم وجبه سكوبين من بروتين بعد تمرين

مراح تغنيك عن وجبه تاخذ سكوب واحد فقط ثم تريح نص ساعه وتاخذلك وجبه مركبه بين بروتين وكربوهيدرات وهذا شي مهم

لانه الجسم بعد التمرين يحتاج لبروتين سريع امتصاص وسكر تاخذلك بروتين مكمل مع شراب برتقال او عصير عنب

وبعدين راح يحتاج غذاء اساسي ولازم يكون مركب بروتين وكربوهيدرات

**MeNt FaHaM** · 11-10-2011, 10:21 PM

اممم تراي تمريني بيكون بعد المغرب لين ماوصل واخلص تمرين واوصل البيت يكون عدي الليل وياء وقت العشاء
حالياً ضعت خخخخ سكوب او اثنين قبل كنت آكل تونه بعد التمرين لاكن ماحب يكون الفارق بين التونه ومصل الحليب اقل عن ساعتين
انا مابغي دهون والحل !

**MeNt FaHaM** · 11-10-2011, 11:02 PM

اخوي السامر
كيف بعد التمرين وياء عصير عنب !
يعني بلشيكر احط سكوب وي واستبدل الماي بعصير عنب أو برتقال250 ملي !

**MeNt FaHaM** · 11-10-2011, 11:20 PM

اتضح الموضوع من خلال التصفح
يعني بعد التمرين اشرب عصير عنب وبعده بدقايق آخذلي سكوب بروتين مع ماي 300ملي
واذا حبيت افك عمري من الضياع واستقر على بروتين واحد مثلن الوي آخذلي سكوب مع حليب للكاسين

اممم ^^ كله مع 300 ملي اتصور هيع

**اختصاصي** · 12-10-2011, 01:05 PM

عصير العنب جيد جداً فيه سكريات سريعه الهضم و الامتصاص +16%كربوهيدرات اغلبها سكر جلكوز

الموضوع: وي بروتين +كازين بروتين =10 !!

أدوات الموضوع