استفسار بخصوص كورس ضخامه

[UAE1Dude]

معلومات المتقدم بالاستفسار :
العمر : 21 , الجنس : ذكر

الطول :182 متر
الوزن : 84 كيلوجرام



و الاستفسار كالتالي :
السلام عليكم ورحمة الله وبركاته

اخواني بغيتكم تساعدوني بخصوص الكورس اللي ناوي ادخله ان شااالله

اللي ابيه هو كورس ضخامه عضليه وهدفي هو الوصول لوزن 90 كيلو عضل ان شااالله

والصراحه في شي محيريني .. هل اخذ انيمال تست ام ZMA ؟ ولا في اشيا ثانيه افضل

ارفقت صوره لجسمي

مشكوورين اخواني

[UAE1Dude]

وين الكبااتن

[UAE1Dude]

شبااب مب معقوله جي

[Rashid.S]

ما شاء الله تبارك الله ،، جسمك حلو الله لا يضرك ،،

لكن كم نسبة دهونك ؟
اش الكورس المبدئي اللي براسك ؟؟
هل دخلت كورس محفزات ولا بس كرياتين وبروتين ؟

وان شاء الله ،، أرد عليك انا او أي أحد الكباتن الأبطال ،،

[UAE1Dude]

والله الصراحه ماعرف نسبة الدهون اللي فجسمي

ممم ماشي شي محدد فراسي بس اللي اباه هو اني ازيد الكتله العضليه

هيه طال عمرك قبل فتره مخلص قوطي انيمال ستاك .. والفترات اللي قبلها بس امشي ع بروتين

اتريا ردك

والسمووحه ع القصور

[S.alkalbani]

مشاء الله ع جسمك الله يعطيك الصحه والعافيه

لخبرتي البسيطه

اذا بغيت بروتين للعضل الصافي عندك الواي بروتين من اوبتيمم اوالآيسزو 100

الزد ام ايه محفز دامك مجرب الانيمال ستاك تراه افضل لانه يحفز التيسترون ويحفز هرمون النمو

ممكن تستخدم سوبر امينو 4800 او امينو 2000 فيول

واهتم بأكلك

3 وجبات رئيسيه الريوق والغدى والعشى + 3 وجبات فرعيه بين الوجبات الرئيسيه

ممكن تروح على قسم المواضيع المتميزة بتلقى مواضيع عن الوجبات وترتيبها

انا عطيتك بروتين زيرو فات يعني بيزيدك عضل صافي مع ترتيب الاكل

لانك ماحددت تبا ضخامه ولا عضل صافي

والسموحه ع القصور وان شاء الله البقيه يفيدونك اكثر

اي استفسار لاتتردد

[UAE1Dude]

يعطيك العاافيه اخويه

بس بجاانب البروتين والاكل مافي اشيا ثانيه اقدر اخذها

تنصحني اخذ zma ؟

[S.alkalbani]

المكملات بدون الاكل الجيد مالها فايده

لازم تركز بالاكل وبعدين المكملات

الزد ام ايه ممتاز اذا حاب تجربه ترى التجربه خير برهان

انا جربته بس كبسولات بصراحه لا باس فيه

ممكن تاخذ منتج باور بيعطيك باور في شل الاوزان وتحمل مثل: جاك 3 دي او نو اكسبلود او السوبر شارج

[UAE1Dude]

اهاا

يعطيك العافيه اخووي

بس الحين محتار بين ال zma وال animal test
والسمووحه ع المغثه