رايكم بالجدول +صور

[حلمي سكس باك]

معلومات المتقدم بالاستفسار :
العمر : 21 , الجنس : ذكر

الطول :174 متر
الوزن : 71 كيلوجرام

نسبة الدهون : ؟

و الاستفسار كالتالي :
السلام عليكم


انا لي تقريبا شهرين مشترك بالنادي والحمد لله نزلت وزني للمطلوب لاكن الترهلات بهذلتني وخصوصا

في منطقة الصدر والبطن السفلي والذراع

طبعا المدرب عطاني جدول شد يوميا كارديو ودراجة ثابت وبعدين اتمرن على اجهزة الحديد

كل يوم 6 تمارين مثلا اليوم الاول 3 تمارين صدر وتمرين واحد ظهر وتمرينين بايسبس

واليوم اللي بعده يختلف وكذا يقول عشان ينشد الجسم وتنزل الدهون قبل الضخامه وكذا

انا عندي شوية استفسارات

1- بالنسبه للشد كم ياخ وقت تقريبا لان الجدول 40يوم ويقول في جداول كثير بعد هذا الجدول

2-بالنسبه للصدر بيشد معي او لا لاني قلت للمدرب وهو كشف على جسمي وقال هذا بسيط

مايحتاج عمليه


جدول التغذيه

الصباح 2 بياض بيض مع شريحتين بريد بر وجبنة قليلة الدسموحليب قليل الدسم


الغدا صدر دجاج +سلطه احيانا اضيف رز ابيض لان المدرب قالي

العشا تونه بالمويه والملح مع نص خبزه بر وتفاحه

بين الوجبات زبادي

والمدرب عطاني حبوب كلين بترول قالي راح تخلي جسمك يشد اسرع

وصارلي يومين اخذها


وهذي صور لجسمي للتوضيح بالمرفقات

[متعب سعد]

وعليكم السلام ورحمة الله ..

حياك أخوي الغالي ..

أتوقع والله العالم انه عندك جينيكوماستيا .. ( تضخم الثدي لدى الرجال ) ..

كيف أكلك؟

للعلم أنا كان عندي تضخم بسيط وقطعت الدجاج والحمدلله راح ..

والكلين باترول غالبية النوادي تعطيه لمشتركيها .. ما أدري وش قصتهم معاه ..

انا الحمدلله ماجربته .. لكن اللي جربوه يقولون انه يخليك محموم على طول .. حرارتك مرتفعة + قلبك يدق بزيادة ..

انت جربه لفترة بسيطة اذا شفته ماناسبك اقطعه على طول ..

[Booyaka]

^ ^
ما أعتقد أخوي ان عنده تضخم الثدي ، لأن باين انه بسبب خفض الوزن صاير عنده ترهل في هذه المنطقة
وشكل الجينو عند مرضى الثدي يكون مختلف تماما عن الأخ
وبالنسبة للشد ماعندي فكرة الصراحة إن شاء الله أحد الاخوان راح يفيدك .

[متعب سعد]

^^

حياك ياغالي

الانخفاض الشديد والسريع للوزن قد يسبب الجينيكوماستيا ..

وممكن يكون بسبب أكل معين أو فترة مرض استعمل فيها مضادات حيوية بكثرة ( المضادات الحيوية فيها استروجينات بكثرة )..

ولعلمك فيه مقال لطبيب في مستشفى بجدة يقول أن 50% من الرجال السعوديين لديهم تضخم في الثدي, والسبب هو أكل لحم الدجاج بكثرة )

والدجاج كما هو معلوم أكثر من 90% مضروب باستروجينات, اسبوع الا تشوف الكتكوت دجاجة

انا قطعت الدجاج بعد هالخبر, والحمدلله راح التضخم ( الخفيف ) اللي كان عندي ..

وللعلم التضخم ما ظهر عندي الا بعد مانقصت من وزني تقريباً 30 كيلو

موفق يا وحش ..

[متعب سعد]

المصدر: ويكيبيديا

• الأسباب:
• 25% هي استمرار للتثدي الحاصل أثناء البلوغ
• 10-25% العقاقير
• 25% لا أسباب واضحة
• 8% التليف الكبدي أو سوء التغذية
• 8% قصور الغدد التناسلية الأولي
• 3% اورام الخصيه
• 2% قصور الغدد التناسلية الثانوي
• 1.5% فرط الدرقية
• 1% الفشل الكلوي المزمن

[الناعسي]

كم نزلت كيلو ? وخلك مع مدربك الين يخلص الجدول وشوف هل نفع معك او لا واذا ما نفع نزل استفسار جديد وان شاء الله مايصير الا كل خير

[حلمي سكس باك]

مشكورين ع المرور ياكباتن لاكن انا وزني اقصى حد زاد 86 بس وقبل شهرين خشيت النادي كان وزني 80

ونزلت الى 72 الحين ورجيمي كان بروتيني وصحي ياليت احد من اللي تمرنو شد يفيدني عشان ماتعب نفسي ع الفاضي

علما بان الترهلات في جميع مناطق جسمي وليس الصدر فقط يعني ماعتقد جينو لاني توقفت عن الحركه والرياضه

تقريبا من عمري 14 سنه وكان اكلي كله وجبات سريعه ودماااااااااااااااااااااااار