استفسار عن التمارين وعدد الايام والتدريب للضخامه

[filah]

معلومات المتقدم بالاستفسار :
العمر : 20 , الجنس : ذكر

الطول :152 متر
الوزن : 58 كيلوجرام



و الاستفسار كالتالي :
السلام عليكم

شباب استفسار بخصوص التضخيم

اني وزني 58

طولي 152

صالي تقريبا 3 اشهر اتمرن

استعمل مكملات up your mass + كرياتين

االتغذية جيدة

بس انا الي اريدة جدول للتضخيم
+ اذا ممكن اسماء التمارين راح اتعبكم ويايا
+ استفسار ثاني البروتين ايام الراحة اخذة او لا

هذي صورة جسمي


هذا ضهري



اني اريد تضخيم عل كد طولي وبعدين انشف او اقطع الجسم

تحياتي الكم اخوان

[mr.sam22]

آهليين اخي ..

ما شاء الله تبآرك الرحمن

اول شي الله يحفظك : )

ثاني شي .. وزنك 58 ؟؟ شي غريب : )

ماعلينا ..

بالنسبه للبروتينآت اول بروتين اب يور مآس ولا مره اخذته ,, اما الكريآتين جينر يلعب دور قوي في اعطائك القدره الازمه للعب ويعطيك فتره اطول بـ تحمل التعب : )

هناك تمارين ضخامه كثيره تلعبهاُ حسب مايعطيك المدرب .. يعني مثلا بعطيك جدول الضخامه كمآ اخذته من قبل : )

السبت : صدر و باي
بالنسبه للاسمآء العب ( صدر عالي بار + صدر مستوي بار ) + ( دامبل عالي + دامبل مستوي ) ( دكلاين .. وفي المره المقبله بدل الدكلاين بالاوفر ) .. ملاحظه = لا تلعب اوزان ثقيله بالدكلاين لانه قوي جداُ
بالنسبه للباي .. العب باي بار واسع + تبادل همر + باي جهاز

الاحد : راحـه ( ملاحظه : ريح بين كل عضله كبيره لكي يآخذ جسمك قسط من الراحه )

الاثنين : بيطآن و تراي
بالنسبه للبيطآن ( بطان خلفي و بعدها امامي ) + ( سحب ارضي ) + ( حصان ) + ( منشآر جهاز او دآمبل )
بالنسبه للتراي ( تراي وانت واقف وخلي الدآمبل خلف راسك ) + ( بار متعرج وانت نآيم ع الكرسي ) + ( جهاز سحب خلف راسك ) < يمكن مآتفهم علي بس استعين بالمدرب راح يفسر لك كلامي لان صعب الشرح حق التراي

الثلاثــاء : اكتآف وسواعد او مثلثات
بالنسبه للاكتاف ( خلفي وامامي ) + ( رفرفه جهاز جآنبي + امامي دامبل ) + ( اكتآف خلفي جهاز )
بالنسبه للمثلثآت ( تقدر تلعب دنآبل او بارات للمثلثآت : )
ملاحظه .. تقدر تلعب المثلثات او السواعد مع الارجل الي يريحك : )

الاربعــاء : راحـه

الخميس : ارجـل و معده
ارجل .. مآيبيلهآ شرح لان التمآرين تنعد ع الاصابع
معده << اعتقد انت تعرف متى تلعبهآ مايحتاج اقولـــــك : )

الجمعـه : راحـه

يعني صار الراحه ( 3 ايام بالاسبوع ,, او تقدر تآخذهم يومين ع الاقل )
بالنسبه للبروتينآت لا تاخذها وقت راحتك .. لان راحتك اهم شي بـ لعب الحديد : )

ولا تنسى الاكل ع الاقل 5 او 6 وجبات باليوم : )

بالنسبه للبروتينآت : انصحك بـ ايزو ماس مع امينو ليكويد للضخآمه العضليه

موفق اخي وان شاء الله اكون قد افدتك بـ معلوماتي : )

موفق خييير

[filah]

اشكرك اخوية سام ان شاء الله نمشي عل ها الجدول
تحياتي الك

[Rashid.S]

وعليكم السلام ،،

حاول تغذي نفسك بالكارب والبروتين عدل ،،
ولا تنسى تمدد عضلتك بين التمارين ،،

لاني أشوف عندك كتله بدون حجم ،، وهالاشياء ان شاء الله تساعدكـ من هالناحيه

[filah]

ان شاء الله اخوية اشكرك عل االنصيحة فديتك

[Booyaka]

ماشاء الله اخوي mr.sam22 ماقصر معاك ، نصائحي لك تلعب فتنس وليس تضخيم ، ان العضلات تكون مشدودة أكثر بارزة بشكل أكبر
ودهونك تكون أقل ووزنك مناسب لطولك يعني قول 53 ممتاز لك ، وجسمك مايباله وايد شغل يعني في فترة وجيزة راح تحصل على هدفك ، وبالوفيق لك عزيزي .

[filah]

ماشاء الله اخوي mr.sam22 ماقصر معاك ، نصائحي لك تلعب فتنس وليس تضخيم ، ان العضلات تكون مشدودة أكثر بارزة بشكل أكبر
ودهونك تكون أقل ووزنك مناسب لطولك يعني قول 53 ممتاز لك ، وجسمك مايباله وايد شغل يعني في فترة وجيزة راح تحصل على هدفك ، وبالوفيق لك عزيزي .

التوفيق من الله ان شاء الله اوصل الي اريدة طبعا الحمد الله والشكر اني راضي عل الي سويتة بفترة قليلة اشكرك اخوية