الافضل بين هالبروتينات ؟؟

[احلم بالسكس باك]

معلومات المتقدم بالاستفسار :
العمر : 23 , الجنس : ذكر

الطول :182 متر
الوزن : 77.5 كيلوجرام

نسبة الدهون : 20 ت

و الاستفسار كالتالي :
السلام عليكم ورحمة الله

مرحبا اخواني

حبيت استفسر واستفيد من خبرات الكباتن

انا ناوي اشتري بروتين غير الي كنت استخدمه

لاني انضربت فيه وابي اعرف شنو الافضل


Whey Protein

Myofusion

Pro Complex

مع العلم اني ابي عضل صافي بدون فات

لان مثل ما انتو شايفين الفات عندي كثير

واكون شاكر لكم جزيل الشكر

وناطر ردودكم وخبراتكم يا كباتن ..

[the rock 911]

كلها بروتين والفرق ان الواي عبارة عن واي بروتين سريع الامتصاص
والانواع التانية عبارة عن انواع متعددة من البروتين مثل بروتين البيض والكازين والارز و و و تختلف بسرعة الامتصاص والافضل الواي بروتين الخالي من الفات مثل ( ايسو 100 - جولد ستاندر - نيتروتك)

[الناعسي]

زي ما تفضل اخوي ذا روك انواع كثير واللي ناسبنب منها هو الايزو 100 مع امينو 2222 شغل صافي ومحترم . صحيح النتيجه بطيئه بس الله يعينا نصبر

[احلم بالسكس باك]

مشكورين اخواني على ردودكم الحلوه بس أنا الصراحه مو محصل ايزو 100 والمتوفر هالثلاث انواع هم االافضل وابي اختار شيء من بينهم على حسب كلامكم الواي بروتين هو الانسب علعموم شكرا جزيلا اخواني

[احلم بالسكس باك]

وين ردودكم يا جماعه وين التفاعل

ناطر ردودكم وارائكم يا كباتن .

[بردان1]

الايزو 100 واي

يعني خذ الواي

[abu kinan]

عن نفسي افضل البروتينات المخلطة بسبب بطئ ظهور نتائج الواي بروتين لوحده ارشحلك
مايفيوجن ثم البروكومبلكس ثم الواي

[احلم بالسكس باك]

مشكورين احبائي على ردودكم الرائعه وبخصوص الميوفيوجن فيه فات يعني الواي من هالناحيه افضل بس بخصوص النتائج يبيلي واحد مجرب اعرف منه النتايج وانا سمعت ان الايزو 100 نتايجه بطيه .

[رحال الجنوب07]

انا استخدمت الواي والبرو كمبلكس
ومن وجهت نظري البروكمبلكس افضل بكثير
انت ابدا ببروتين وبعده غير يعني جرب اول البروكمبلكس وبعده غير الى الواي وبعده جرب الميوقيجن
لانه جسم عن جسم يختلف يمكن يفيدك واحد عن الثاني

[fouad.10]

من تجربه بين منتجين الواي بروتين والبروكومبلكس ...

الواي بروتين احس نفخ البطن السفليه ( المكان الي متجمعه فيها الدهون عندي ) يعني زاد وزني وزادت نسبة الدهون ..

والبروكومبلكس استخدمته شهر من الشهور زدت معاه تقريبا 2 كيلو مع نقص في الدهون رغم انه يحتوي على فات بس اقل من الواي بروتين ..

وحاليا استخدم الايزو 100 ولي تقريبا 3 اسابيع واحس انه ماعندك احد !

طبعا اي مكمل تستخدمه لازم لازم لازم تزبط نظامك الغذائي على حسب هدفك والا ما بتحس بأي تغير ..

اما المنتج الثالث ماجربته والله ..

بس انا بنصحك تبدا بالبروكومبلكس وشوف قياساتك بعد شهر وبعدها جرب واي بروتين وشوف قياساتك الشهر الي بعده وشوف الافضل ..

وان شاء الله اكون افدتك ولو بالقليل ..

الله يرزقك الي تتمناه يارب ..

[Special 5]

^^

اخوي غريبة

الواي بروتين زيرو فاات , والبرو كومبلكس لزيادة الوزن , يمكن تقصد العكس انت

[بناء اجسام1]

عن تجربه الواي بروتين زادني 9 كيلو عضل الحمدلله خلال 3 شهور وبدون فات