تنزيل وزني

[7bnylh]

معلومات المتقدم بالاستفسار :
العمر : 27 , الجنس : انثى

الطول :171 متر
الوزن : 93 كيلوجرام

نسبة الدهون : 40

و الاستفسار كالتالي :
السلام عليكم ورحمه الله وبركاته اول شي احب اهنيكم علي المنتدى الرائع وثاني شي اناا ابي مسااااعده انقذوني تكسبون اجر فيني ولا راح انساه طول عمري الموضوعماكو شي مازطيته زط المشكله أني ابي اضعف اللحين اشترك بشركه لينا ودينا يعطوني 1100 كالوري باليوم اللحين اناا ابي شي يساعد وبسرعه ينزل وزني شنو اخذذذذ ابي اقوي حارق اذا في كلوركس مو مشكله هههههههههههههههه اضحك بس والله جد خلاص تعبت اناا اللحين استخدم حبوب شريتها من بوتس اسمها acetyl l-carnitine 500 mg اللحين صار لي تقريبا شهر ماحس في تغير يمكن نزلت كيلو ونص حرام والله بس تري اناا عندي مشكله مافي حركه يعني بالكثير نص ساعه ويكون هذا بالنسبه لي إنجاز اللحين إخواني المعضلين المجسمين الرشيقين أكيد انتي مو مخلوقين كذا أكيد اما كنت بطههه وضعفت او عصقول ومتنت اللحين اناا ابي او جزء اللي بطه وضعف شلون شنو أقوى حارررق دهون اي خل اقول لكم الوزن اللحين :93 ماشاء الله مصارع مو بنتالطول : 1.71 نسبه الدهون:40 ياخراششي يا الدهون ابي حللل تكفون

[7bnylh]

يا جماعه ابي احد يفيدني ابي احد يقول أخذي ذا وانتي مغمضه يعني واثق ثقه اناا بقول لكم طريقتي واكلي

[7bnylh]

انا مشتركه مع شركه تغذيه يوصلون لك الاكل لي البيت كل يوم يجينيي بوكس فيه ريوق غداء عشي سناك الريوق عباره عن ( كرواسان او صمون صغير بيض او لبنه او حلوم او صاج قطعتين بس صغار حيل حلوم او لبنه او زعتر + سناك سلطه فواكهه) الضحي بالدوام اشرب قهوه تركيه مع سكر تروبيكانا الغداء ( ملوخيه مع عيش او لزانيا او باشميل او محاشي مشكل او برياني او تشيز برجر مع بطاط مشوي ) + سلطه العصر ( حلو علي حسب اختياري مرات ككتكات مرات كراميل مرات تشيز كيك مرات كب كيك ) العشا ( تشيز برجر مع بطاط إو تشيكن برجر مع بطاط او صمون فرنسي نص فيه ششيكن او تيركي او سباغتي) + سلطهطبعا أنتو تشوفون اكل بتقولون زي ذا كله اكل صح بس الكميات حيل شوي كل هذا بس 1100 كالوري باليوم اللحين شنو الحل وزني ماينزل مشكلتي ما العب رياضه

[بردان1]

وعليكم السلام ورحمة الله وبركاته

معقولة هذا كله 1100 كالوري بس !!!

اتوقع اكثررر بكثييير صراحة وابدا ماعجبني الاكل ماحسسسه مناسب لللتخسيس ابدا

برجر وبطاط ع العشى !
وكتكات وحلويات

وبالنسبة للرياضة لازم لازم تلعبين رياضة
على هالاكل وبدون رياضة اخشى عليك ان وزنك يزيد اكثر بعد
والكارنتين مامنه فايده اذا ماتلعبين رياضة ابد

[متعب سعد]

(( دايت بور ))

حبة قبل كل وجبة رئيسية ..

×

مشي خفيف بعد كل وجبة

×

شرب الماء قبل وأثناء الأكل

×

أي وجبة فيها سكر أو خبز أو مكرونة أو رز خليها في النهار ويفضل ان آخر وجبة تكون سلطة


×

ممارسة حياتك بشكل عادي بدون خمول وتكاسل !

وبالتوفيق ..

[.hamad.]

السلام عليك

اخوي وزنك مب زايد كثير بس عندك المشكلة بنسبة الدهون

عشان تنزلها تحتاج تدخل صالة وتبدأ بلياقة لمدة شهر الى شهرين وبعدها تبلش حديد

وعن النظام الغذائي ترة ماراح تنزل كثير معاه لانك فالاساس ماتتحرك الا ربع ساعة فاليوم حسب كلامك

[7bnylh]

هلا اخوي بردان لا والله 1100 كالوري بس ترى كميه قليله يعني البطاط خمس حبات الهمبرجر صغيره حيل ميني مدري هي الشركه تقول لي عن عدد السعرات الدكتوره تحدد

[7bnylh]

هلا اخوي متعب يعني الحبوب ثلاث مرات باليوم وهل قبلها بنص ساعه او مباشره عادي وبعد من وين اشتريها وبكم 

[7bnylh]

هلا اخوي حمد لا والله وزني واجد أنتو ريياجيل بالنسبه لجسمك عادي بس اناا بنت الوزن ذا حيل زايد بالنسبه لي

[.hamad.]

السموحة اختي مانتبهت للمعلومات

ان شاء الله بنفيدك بنظام مناسب لك لو حبيتي بس الرياضة مهمة

[7bnylh]

ياليت بس انا مشتركه مع شركه توصل لي الاكل وهو اكل صحي مافيه دهون وكميه قليله بس كل شي موجود بس انا ابي شي يحرق اخوي متعب يقول في حبوب بس من وين ألقاها وهل هي نوع واحد او كذا شركه وشنو افضل شركه اشتري من عندها وبكم هههههههه ادري اسالتي واجد بس اسفه

[.hamad.]

زين دامك مشتركه بنظام دايت الله يوفقك

بخصوص الحبوب اختي مافي حبوب تحرق دهون بدون رياضة

يعني الافضل تمارسين الرياضة بشكل يومي ع الاقل رياضة المشي

وان امكن يكون ايروبك فالبيت

[متعب سعد]

زين دامك مشتركه بنظام دايت الله يوفقك

بخصوص الحبوب اختي مافي حبوب تحرق دهون بدون رياضة

يعني الافضل تمارسين الرياضة بشكل يومي ع الاقل رياضة المشي

وان امكن يكون ايروبك فالبيت

صدقت ..

الحبوب مو سحر لكنها تحتوي على الكروميوم وهو يفيد في ظبط حساسية الجسم تجاه الانسولين ..

وتحتوي على مستخلص الشاي الاخضر 400 mg تقريباً ..

وغيرها مواد كثير مفيدة ..

والمشي هو انسب رياضة للبنت بعكس الرجل يبيله رياضة شديدة ..

اختي ممكن سؤال؟

كم استمريتي على الدايت تبع الشركة؟ وكم نزلتي عليه؟

[متعب سعد]

الحبوب قبل الأكل بدقائق, وتلاقينها في الصيدليات وسعرها ما يقارب 130 ريال سعودي ..

[7bnylh]

يعني مافي بالكويت انت تقول بريال خل أدورها الشركه اللحين صار اي 70 يوم بالضبط يعني شهرين ونص نزلت ب 5 كيلو بس بدون اي حركه او مجهود