الفرق بين الدروب والسوبر سيت

[mr.dark.gym]

معلومات المتقدم بالاستفسار :
العمر : -- , الجنس : ذكر

الطول :--- متر
الوزن : --- كيلوجرام



و الاستفسار كالتالي :
السسلام عليكم ورحمه الله وبركاته


اسعد الله اوقاتكم بكل خير وجمعه مبااركهـ


ممكن حد يقولي شو هو الدروب سيت والسوبر سيت ومتى أقدر العبهم ..؟


وجــــزآكم الله الف خير

[Rashid.S]

وعليكم السلام ..

الدروب سيت : أنك تلعب نفس التمرين لكن بعد ما تخلص السيت تلعب بعدها على طول سيت ثاني بوزن أخف

السوبر سيت : انك تلعب تمرينان لنفس العضله أو عضلات مختلفه ورى بعض بدون راحه مثلا السيت الأول من التمرين الأول ثم السيت الأول من التمرين الثاني ثم تريح
مثلا لو بتلعبه للصدر تلعب سيت علوي وسيت سفلي

للرجول : سيت للعضلة الرباعيه مثل الرفرفه ثم سيت للعضله الثنائية مثل الرفرفه

في الصدر ممكن تلعب بعد لنفس الجزء مثل تلعب تفتيح علوي بعده دفع علوي
أو دفع سفلي بعده كروس أوفر أو غطس

الفايده انك تفاجاء العضلة وتزيد من المجهود ممكن تستخدمها كتغير للروتين أو أنك تعتمد عليهم في التنشيف

[mr.dark.gym]

والله بدأت افهم الموضوع شويه

يعني اختار تمرينين بس العبهم سوبر ..؟ نفس الصدر العلوي ثم السفلي ..؟ ولما العبهم ارتاح شويه بعد الصدر السفلي وبعدين ارجع واكرر الي كنت اسويه ؟؟

وشــــــــكرآ كابتن راشــد على افادتك

[Rashid.S]

ايه نعم ..

[Booyaka]

ماقصر الكابتن راشد ..

بس لا تلعب بهذا النظام كثير لانه يرهق العضل ومايصلح للتضخيم إلا مرة بالشهر مثلا لكسر الروتين عن العضلة ومفاجأتها .

[mr.dark.gym]

تسسسلمو وما قصرتوو

وين ها النظام عني من سنه خخخخخـ

بجربه لين قبل رمضان بأسبوع وان شاء الله يجيب نتيجه

بس بخصوص الدروب سيت يعني العب التمارين كلها بدون ما اوقف بس اخف الوزن شووي ..؟

[Booyaka]

أيوة علشان كذا قلت لك انه مرهق للعضل فهو يصلح للتنشيف أكثر
لين لعبت أول جلسة تروح للجلسة اللي بعدها يعني وقت الراحة هو فطم ماتروح تبدل الوزن فقط

[mr.dark.gym]

تمام ..

برتب جدول جديد وأدخل فيه تمارين قويه العبها سوووبرر

ما قصرت كابتن عيسى ^_^

[M5Q]

ما قصر أخوي راشد في الأفادة !
ومثل ما قالك أخوي Booyaka ..
هذة الطريقة ما تصلح إلا بالشهر مرة ، أو كل 3 اسابيع .. لأنها مرهقة جدا
ولكن نتائجة فعالة , والسبب هو أنك تفاجأ العضلة ، !
وأفضل حاجة تعملها على العضلات الكبيـرة ، الظهر ، والارجل .. !