جدولي غذائي للتضخيم + بعد سؤال

[جنون ابوظبي]

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 65 كيلوجرام



و الاستفسار كالتالي :
السلام عليكم


اخواني انا حاب اضخم وبنفس الوقت اصغر خصري او اني احافظ عليه قدر المستطاع , المهم انا اخذ فقط ايزو 100 + امينو 2222

الايزو 3 مرات باليوم ( الصبح وبعد التمرين وقبل النوم )
الامينو 2222 ( حبتين الصبح و حبتين قبل التمرين وحبتين بعد التمرين وحبتين قبل النوم )

صح تناولهم ؟


وبخصوص اكلي , مخلي اغلب الكارب فالصبح بس ( شوفان وعسل وحليب وروب وحبه فاكهه وتمر وبيض مفور )

والوجبه الثانيه بعد ساعتين سندويش جبن مع خيار وطماط


والثالثه والرابع والخامسه كلها دجاج مشوي او بيض , يعني تخلو من الكاربوهدرات


اقدر اضخم بهالحاله ؟


طبعا انا مسوي هالجدول لاني ابغى اضخم من فوق وانشف من تحت ( لان عندي كرشه صغير اسفل البطن )




نظامي صح ولا ؟


وحاب اذكر شغله , انا حاليا في فتره ضخامه , ولكن يومياَ امشي على المكينه على سرعه 7.0 لمده 20 دقيقه , طبعا عشان احافظ على لياقتي + اقضي على اسفل الكرشه ( طبعا المشي 6 او 7 ايام بالاسبوع )

هذا الشي يضر الضخامه العضليه ولا عادي ؟




بانتظاركم الله يخليكم

[S.alkalbani]

وعليكم السلام

الامينو خذ 4 الصبح و4 قبل التمرين و4 بعد التمرين

اما بالنسبه تضخم وتنشف ترى هالشي مايصير اختار هدف واحد

اذا تبا تقسم بطنك وتطلع عضل صافي ركز بالبروتين والكارب وقلل الدهون قدر الامكان وان شاء الله توصل لمبتغاك

[adel1992]

اختر وحده ياتضخم يا تخسس ...؟ واضح ان الكرشه رافعه ضغطك عموما

انا من رايي اذا صغيره ابدا ضخم

ايزو 100 مايصلح مره للتضخيم

الوجبه الثالثه والرابع لازم تضيف لها كارب

تقدر تضيف يوم واحد كارديو بدال المشي يوميا وتلعب 4 ايام حديد

[جنون ابوظبي]

انزين انا بضخكم كل جسمي ولكن فقط بنشف البطن ! ماينفع بهالطريقه ابداَ ؟

[جنون ابوظبي]

+ سؤال ( لو لعبت بهالجدول او نفس ماتقولون هالجدول تنشف , اقدر اكبر العضل ولا ؟

[S.alkalbani]

مم ياخوي التنشيف يعني تقلل نسبه الدهون الي بجسمك وتقطع العضل عسب تبرز التقاسيم

وطبعا ماينفع تقسم اذا ماعندك اساس عضلي ممتاز الا في حاله تبا تنزل وزنك وتشد وبعدين تدخل ضخامه براحتك

تقدر تضخم وتقسم البطن تركز فأكلك وتبعد عن الدهون يعني ماتكثر وتشد حيلك فتمارين البطن وان شاء الله تشوف نتايج حلوة

[جنون ابوظبي]

يعني بنفس الوقت اقدر اضخم واحافظ على السكس باك ؟

+ ( في تضخمين مدته شهر او شهر ونص ؟ )

[adel1992]

التضخيم اقل شي 6 شهور ولا لاتتعب نفسك

[S.alkalbani]

ياخوي انت تقدر حتى تضخم اسبوع واحد!!

لكن فكر بنفسك يعني تتوقع فشهر ونصف بتكون كسبت كتله عضليه ممتازة!!

رتب اكلك وشد حيلك فالتمارين ولاتنسى الراحه وان شاء الله توصل لهدفك

ممكن تحافظ عال6 باك لما اتطلعهن بس لازم تركز فأكلك زين والتمرين

[جنون ابوظبي]

ايوه تسلم والله اكلباني وتسلم اخوي عادل ,


اخوي الكلباني بس بسألك , افضل فتره للتضخيم كم تتوقع يعني ؟
وكم لازم توصل نسبه الدهون كحد اقصى يعني ؟ طبعا ادري في ناس يوصولون 24 !
ولكن انا انا ماابغى اوصل لهلعدد , ابغى اوصل لنسبه اني اقدر انشف فيها جسمي خلال شهر ونص او شهرين بالكثييييييييييييير

بانتظارك

[S.alkalbani]

والله ياخوي تفرق من شخض لأخر ممكن اييك واحد فشهرين تشوف جسمه تغير 360 درجه وثاني بعد 6 شهور تغير

رتب اكلك وتمارينك وراحتك وان شاء الله تشوف نتايج ترضيك وتكون ممتازة

يعني اتوقع ف 6 شهور او ممكن تقول لين الصيف تقدر تكون فورمه ممتازة وبعدها تنشف

بالنسبه للفات هالشي انت تتحكم فيه بنوعيه اكلك اذا تركز فالكارب والبروتين وتقلل من الدهون اتوقع ممكن تضخم ودهونك ماتتعدى ال15