معلومات المتقدم بالاستفسار :
العمر : 19 , الجنس : ذكر
الطول :179 متر
الوزن : 64 كيلوجرام
نسبة الدهون : ??
و الاستفسار كالتالي :
السلام عليكم
شخباركم شباااب ما اطول عليكم
المهم ..
الجزء الاول ..
انا دخلت النادي وصار لي 4 اشهر تقريبا بدون مكملات قبلها كنت العب تمارين عادية في البيت واحين تركت النادي فترة بس مازلت العب في البيت باوزان وتمارين مختلفة (طبعا التمارين بالنسبة لي كالاكسجين *_* ما اقدر اتركها... يعني ممارسة بشكل يومي ) يعني مواصل وان شاء الله ارجع النادي قريب بس محتاج نصائحكم في كم شغله معينه ..
صورة لجسمي الحالي في المرفقات
اي منطقة من جسمي تحسونها تحتاج تمارين اكثر ؟
خلصناا.. نجي للجزء الثاني
احين نجي للمشكلة ..
المشكله انا احتاج اضخم جسمي بس مو عارف شلون ابدي .. انا من النوع الي ماحب اجرب المكملات او لبروتين وبصراحة ماعرف عنهم ولاشي تقريبا .. ف حاب تنصحوني ولو بالقليل
اريد اعرف شنو المكملات بالظبط؟ ومن شنو تتكون ؟ وشلون طبيعة استخدامها ؟ وهل لها اضرار؟ .. وشنو تظنون النوع المناسب حقي ؟او مثلا البروتينات الموجودة فيها حيوانية او نباتية .. يعني بصراحة المكملات كلها تجي من دول غربية فاناا اتخوف من مكوناتها <<<
ولو مثلا ماكنت ناوي استخدم مكملات هل اقدر اضخم وازيد وزني عن طريق وجبات معينه او جدول غدائي من غير مكملات علما ان اكلي احسه غير منتظم يعني اكل اي شي
بصراحة اطمح يزيد وزني 10 كيلو
واتمنى ماتقصرون ..
ادري يبين علي جديد في هالقسم .. ولاكني من المتابعين بصمت
وعليكم السلام ورحمة الله وبركاته
شوف اخوي اولا جسمك ما شاء الله تمام
ثانيا معنى البروتينات او المكملات الغذائية هي اشياء تكمل نظامك الغذائي وتعززه بس ما هي ضرورية اذا قدرت تحصل عليها عن طريق غذائك وانت كلاعب حديد يلزمك ما يقارب 1 ونص غرام ل 2 غرام بروتين كل يوم عشان تستفيد العضلة 100 % يعني انت بالنسبة لوزنك يلزمك 100 جرام بروتين تقريبا كل يوم توزعها على عدة وجبات شوف مثلا عندك واحد بياض بيض مسلوق يعطيك 7 قرام بروتين عندك 100 مل من الحليب يعطيك 12 جرام بروتين عندك لوز بمقدار اليد يعطيك 21 جرام بروتين عندك 100 جرام من صدر الدجاج او الديك الرومي يعطيك 30 جرام بروتين عندك علبة التونا فيها 27 جرام بروتين علبة السردين 24 جرام بروتين وعندك نص كاس من العدس يعطيك 22 جرام بروتين والفول ايضا يحتوي على بروتين والبقوليات غالبا وهكذا وطبعا لو انت ما قدرت تحصل على البروتين من خلال اكل الكمية الكافية وقتها تحتاج مكملات غذائية اللي هي البروتينات لان بعضها السكوب الواحد يعطيك 30 جرام والبعض يعطيك 24 جرام فالبعض يحس هذي اسهل فيستخدمها وهي ما تضر بس زيادة الكمية تاثر عالجسم فقط وانت يبغالك ضخامة فكثر من الكربوهيدرات والبروتينات اللي قلتلك عليها وخلي تمرينك يوم بعد يوم ومرن عضلة كبيرة مع عضلة صغيرة عشان تعطي راحة كافية للعضلات وتكبر وان شاء الله بتستفيد 100 بالـ 100 موفق .
اول شي السلام عليكم
ثاني شي انا حاولت اسوي موضوع لكن سارتلي مشكلة مدري هي في الموقع او في الجهاز عندي المهم
انا بغاء استفسر من موضوع اخونا الطيب لانة جسمهة (ماشاءالله) تقريبا نفس جسم اخوي
اذا انا ابغاء استخدم مكملات فقط لزيادة عضل بدون دهون
ماهو البرنامج المناسب لاستخدام المكملات (باعتبار انة وقت تمريني بعد الغداء بساعة )
