عليكم السلام والرحمه ،،
اول شي بالنسبه للتغذية بشكل عام انت محتاج تزيد البروتين وتقلل الكارب والدهون ،،
يعني الفطور مثلا زيد البيض الى اربع او خمس بيضات واكتفِ بواحد اما الشوفان او الكورنفليكس
طبعا مع حليب قليل الدسم او منزوع الدسم ،،
الغدا عندك خيارات بروتينيه ( دجاج ، لحم ، سمك ) ويفضل يكون مشوي
والكارب ( أرز بني ، شوي معكرونة ، خبز نخالة ، بطاطا حلوه ) ،،
العشا ( أجبان قليلة الملح والدسم ، زبادي قليل الدسم ، تونه ، بيض ، تركي )
طبعا مع عدم إهمال السلطات والخضروات الورقية في الغدا والعشا ،،
اكثر من شرب الماء ( ٣ لتر يوميا على الأقل ) ،،
بالنسبه للجدول جيد بس تحتاج راحه اكثر
ويفضل يكون عندك يومين او يوم على الأقل راحه سلبيه
عشان تعطي الجسم فرصه للاستشفاء ونمو العضلات ،،
كورس المكملات من رأيي تكتفي بالبروتين والملتي فايتمن وزيت السمك وممكن تضيف عليه إل كارنتين
لفترة حتى نزول نسبة الدهون ،،
زيت السمك في انواع كثيرة ممتازه وما تفرق عن بعض كثير
وانا مجرب ( فاليوباك ، ناو ، نورديك ، فيتابيوتكس )
الملتي فايتمن ( انيمال باك ، اوبتيمن ، سوبر مالتي فايتمن )
وعندك الأنواع الاخرى الأقل تركيز تحصلها في الصيدليات ،،
الانيمال ستاك عندي علبتين بس للان ما بديت فيه
لكن كثير من الشباب استفادوا منه ولا اعلم صراحه تأثير الجمع بين الستاك والام ستاك ،،
الكارديو ثم الكارديو ثم الكارديو
صدقني ياخوي محد يحبه لكنه مهم وضروري جداً لإنقاص الدهون والحفاظ على اللياقة ،،
على الأقل نصف ساعه يوميا بعد التمرين ويفضل المشي السريع ،،
واذا قدرت تسويه الصبح على الريق افضل وأفضل وسترى نتايج رائعه ،،
حاولت أفيدك باللي اعرفه وان شاء الله الشباب يفيدونك اكثر ،،
موفق ،،
