مكملات لزيادة العضلات

[rshoody]

معلومات المتقدم بالاستفسار :
العمر : 29 , الجنس : ذكر

الطول :173 متر
الوزن : 69 كيلوجرام



و الاستفسار كالتالي :
السلام عليكم ورحمة الله وبركاته ،، ومساكم الله جميعا بكل خير .

طبعا ماحبيت اطرح سؤالي داخل مواضيع الاخوان واشوش عليهم ،، فقلت اطرحه بموضوع جديد واشكر لكم تعاملكم وتحملووونا كمبتدأين .


يالاخوان احد الزملاء لي اختفى عني فترة ست اشهر تقريبا ،، وعقب ماشفته بعد ست اشهر انصدمت صراحة ،، الرجال صاير معضل وجسمه مرتب ماشاء الله ،، وتحس بضخامة في عضلات الباي وعضلات الصدر وكأن الرجال له سنين يتمرن ،، فمستحيل صراحة يطلع هالجسم بدون مكملات .

فسؤالي يالاخوان هالحين مثل هذا وش يستخدمون ؟؟؟ هل فيه مكملات تضخم العضلات وتنميها ؟؟ يعني بدل ماتقعد تتمرن ست اشهر عشان تطلع لك عضلات بسيطه مافيه شي يعينك عشان تطلع عضلات تستاهل التعب .

يعني انا لمن اروح النادي اشوف اللي معاه قارورة لونها ازرق واللي معاه قارورة لونها اخضر واللي يقول امينو واللي يقول مدري شنو ،، ومحسوبكم مايعرف الا البرو كمبلكس ههههههه .

فمدري يالربع ماهي نصيحتكم لي ،، انا لي ست اشهر اتمرن احس فيه فايدة لكن بطيئة مره ،، وودي بصراحة اشوف ضخامة بالعضلات مثل هالناس ،، خاصة ان بعضهم اشوفه في النادي ماله اربع اشهر ومكون عضلات احسن مني ،، فهل هم يستخدمون مكملات مثل ماقالولي بعض الناس ،، او ان العله بالجسم نفسه ؟؟

ارجو منكم الافادة وتقديم النصح واذا فيه ذكر اسامي مكملات اذكروها لنا ،،، انا اللي ابيه شي يساعدني اني اطلع عضل وابي احس بالتغير فعلا بجسمي بشكل يخليني استانس ،، لاني تحطمت

ويعطيكم الف عافية .

[الثورة المصريه]

نصيحه منى ابعد عن الهرمونات او الحقن او ابلرشام

استعمل مكمل بروتين مفيد جدا للعضل وتضخيمو واى بروتين جولد ستراندد ومفيش منو ضرر

[rshoody]

انا استخدم البرو كمبلكس جينر الان .

بس هالعالم من وين تجيب العضل

حتى بالنادي اشوف شراب اشكال والوان هههههه وامينو واسيد ومدري شنو

[isslame]

ممكن إلي تشوفو إنت بالنادي هو عبارة عن مشروب باور يعطي طاقة للاعب كمال الأجسام

[rshoody]

طيب افيدونا يالربع مافيه شي ينمووو العضلات ويبرزها مع التمارين ،، يعني كوسيلة مساعدة ،،

مثل ماقالي المدرب يقول ثلاث ارباع اللي بالنادي بنو اجسامهم من هالبروتينات والمكملات حتى انا ( يقصد نفسه ) ،، وانا اشوف ناس خلال فترة وجيزة فعلا تنمو عضلاته ويبرز جسمه من هالمكملات والبروتينات والشغلات ذي ،، والله اني ماعرف فيها شي ابد .

فاذا ممكن تفيدونا لاني اسمع عن الامنيو والبي بي سي ومدري شنو .

ولكم كل شكر

[مستريح البالn]

ههههههههههههه

خذ لك فره في قسم المواضيع المميزه

والمكملات مو كل شي اهم شي النظام الغذائي المنتظم +النوم الكافي + الانتظام في التمرين و التمرين الصحيح

[Strong Muscle]

السلام على الجميع.......
دائماً مشكلتنا الاستعجال وكأن الكون انخلق في يوم ..

لعبة كمال الاجسام يبغا لها صبر واجتهاد ومثابره ونفس طوووووووووووووووووويل
والاهم من ذا وذاك ليه ما تكون الرياضه بوجه عام تكون اسلوب حياه تمشي عليه بقيّة عمرك ومو شرط تكون حديد وتعذيب,,,ما يمنع في البدايه تقوم بمجهود يوصلك الى نصف الطريق ثم بعد ذلك ابني عليه بنشاطات مختلفه كرة قدم سباحه كراتيه وغيرها كثير ..

rshoody وجميع الاخوان حط في بالك انك تصل الى سنّ الاربعين وانت في اتم صحه وعافيه بحيث تقدر إن الله امد لك في العمر تواصل وانت متغّلب على ما بعد الاربعين من انحدار العمر ومشاكله..

عمري الان 46 ودخلت لعبة الحديد من تقريباً ثلاث سنوات او يزيد وماني مستعجل وحاط قدام عيني الى سن الخمسه والخمسين إنا اعطاني الله العمر لاصل الى هدفي والان الحمدلله جنيت بعض النتائج المرضيه لي كأن تغلبت على أزمة منتصف العمر زي ما يقولوا وهي فتره عصيبه على الرجل بعضهم تجيه في الاربعين وبعضهم في الخمسين وبعضهم في الستين وتختلف والمحظوظ اللي يخرج منها بخير ومعافى..

اتمنّى لك التوفيق

[rshoody]

ماشاء الله عليك ياجدي هههههههه ،، الله يعطيك طولة العمر يالغلا .

والله وناخوك انا مو مستعجل ،، لكن تجيك الغبنه يارجال لمن تشوف واحد يتمرن فترة اقل منك ويكون عضلات حق واحد له سنين ،، يعني خوينا اللي اقولك عنه كان مسواك ،، نحيف حيل وخلال ست اشهر مطلع هالجسم معقووووله ؟؟

فالقصد اني شايف جداول تضخيم في المنتدى وغيره وكاتبين لابد من وجود مكملات وامينوو ومدري شنو ،، فحبيت اعرف شنو وظايف هالامينو وشنو وظايف هالكرياتين وهالشغلات اللي تخبرونها ،، هل تتنمو العضلات وتكون كوسيلة مساعدة ،، وبدل ماتنمي عضلاتك في سنه تنميها في ست اشهر دام مافيه ضرر عليك .

ولا شرايكم هههه

[Booyaka]

أخوي خلال فترة ستة شهور ممكن تشوف تغيير كبير بالجسم لكن مو لدرجة انك تصير وحش ، فاكيد صاحبك هذا ماخذ له كم كورس هرمون
ولا يغرك المضهر الخارجي اهم شيئ سلامة اجهزة الجسم الداخلية واللي يجي بسرعة يروح بسرعة ..

بالنسبة للمكملات هي عامل مساعد فقط يعني لاتحط في بالك انه المكملات هي الاساس ، مكملات بدون جدول غذائي وتمرين جيد و راحة جيدة لا تتوقع انك بتشوف نتيجة فنصيحتي لك انك تواصل مشوارك ولا تلتفت لهذا وذاك دام شغلك تمام فأنت بالطريق السليم .

[rshoody]

الله يعطيكم العافية جميع من شارك ،، استفدت من تعليقاتكم كثير .


طيب يالاخوان أنا ابي ضخامة ،، يعني وزني 69 ابي اوصله مثلا 75 واضخم بالجسم والعضلات شوي ،، مابي اكون وحش فقط ابي جسمي يكون معضل ومتناسق مثل اللي تسمونها الاجسام الفرنسية ،،، فبشنوو تنصحوني ؟؟

هل تنصحوني بمكملات ؟؟ او امينوو ؟؟ او كرياتين ؟؟ او شنو ،، لاني اسمع اسامي كثيرة وماعرف عنها شي ابد ،،، واهم شي عندي مايكون لها اضرار جانبية ،، تأثر على الكبد او الكلى وغيره .

وياليت يالاخوان اللي يكتب صنف يقولي شنو فايدته ،، مثل الامينيو والكرياتين وغيرها من هالشغلات .

ننتظر اجابتكم مشكورين

[ديزل ديزل]

اولا مفيش حاجه اسمهما مكمل يضخمنى ومكمل هيحولنى هلك اولا المكملات عوامل مساعده ولا تقدر توفر اجتيجات جسمك ممكن تستغنى عنها اهم شى تاكل بنظام والراحه وازاى اتمرن مكمل + تمرين غلط مفيش نتائج التمرين مهم جدا بجانب التغذيه + المكمل والراحه

[نجر العتيبي]

اخوي رشودي اليك هذا الجدول الغذائي شاملاً توزيع المكملات الغذائيه . وهو محدد بالساعه الذي قد يختلف باختلاف تواقيت المناطق ، لكن العبره دائماً تبداء مع الوجبه الاولى . فلذلك ، انت حاول ان تبداء اول وجبه اول ماتستيظ من النوم واستمر على نفس النظام مراعياً الفوارق الزمنيه بين وجبه واخرى

6ص : - الوجبه الاولى / 7 تمرات خلاص حجم صغير + سكوب وي بروتين + سكوب BCAA .
+ 5 جرام كرياتين = 300 سعره =

@@@@@@@@@@@@@@@@@@@@@@@@@@@

وبعد 45 دقيقه

6:45 ص : - الوجبه الثانيه / 3 قطع تست اسمر + 3 شرائح جبن قليل دسم +4 بياض بيض
+ سكوب وي بروتين + 5 جرام BCAA + حبه مالتي فايتامين + حبه زيت السمك .
= 500 سعره =

@@@@@@@@@@@@@@@@@@@@@@@@@@@

وبعد الوجبه الثانيه ب 4 ساعات

45 : 9 ص : - الوجبه الثالثه / كوب شوفان وسط + ملعقة طعام عسل + موز حبه كبير + نصف سكوب كازين + نصف سكوب وي +3 حبات فستق ( تضرب في الخلاط وبالعافيه ) .
= 750 سعره =

@@@@@@@@@@@@@@@@@@@@@@@@@@

وبعد الوجبه الثالثه ب 4 ساعات ( وجبة ماقبل التمرين )

45 : 1 ظ :- الوجبه الرابعه وملحقاتها / صحن ماكرونه وسط مخفوق بشربة شوفان سائل + 150 جرام صدور دجاج مشوي او علبة تونه كبيره بزيت الكانولا - قم بتخفيفه قبل الاكل - + حبه موزه صغير .


30 : 3 ظ :- تناول كيس من الانيمال ام ستاك .
45 : 3 ظ :- سكوب اون اكسبلود مع 350 مل ماء بارد .
15 : 4 ع :- شد حزامك ولايردك الا البار .


قبل انتهاء التمرين ب 25 دقيقه

00 : 5 م : - 30 ج دكستروز + قطعة بطاطس صغيره + نصف سكوب كازين + 5 جرام كرياتين = 400 سعره =


بعد الانتهاء من التمرين مباشرةً


25 : 5 م : - سكوب وي + سكوب اكستند BCAA = 150 سعره =

@@@@@@@@@@@@@@@@@@@@@@@@@@@

بعد 95 دقيقه

7:00 م : - الوجبه الخامسه / صحن وسط ارز بني + 200 جرام صدر صافي مفرومه مع سلطة الخضار ( 7 اصناف ) + 3 شرائح بطاطس صغير .
= 800 سعره =

@@@@@@@@@@@@@@@@@@@@@@@@@@@

بعد 3 ساعات

10:00 م : - الوجبه السادسه / صحن كبير سلطة خضراء ( عدة اصناف ) او ايدام الملوخيه + 300 جرام سمك او سكوب كازين = 450 سعره = ملاحظه / هذه الوجبه مسبوقه ب 1000 ملجم ارجينين ب 30 دقيقه .

@@@@@@@@@@@@@@@@@@@@@@@@@@@

30 : 10 / النوم مبكراً

[rshoody]

دكتور نجر كعادتك مبدع يالغلا ،، وشرح وتفاصيل واضحة جدا ،، لكن عندي لك كم استفسار يالذيب :

هالحين الاسماء اللي واضعها انت كلها اسماء مكملات ؟؟ ومن وين اجيبها ؟؟ اقصد الكازين والBCAA والاكستند والاكستوز وهالاسامي .

وهل تشوفها مناسبة لي كمبتدأ احسها كثيرره ولا انت شرايك يالغلا .

منتظر ردك يالغالي .

[نجر العتيبي]

دكتور نجر كعادتك مبدع يالغلا ،، وشرح وتفاصيل واضحة جدا ،، لكن عندي لك كم استفسار يالذيب :
هالحين الاسماء اللي واضعها انت كلها اسماء مكملات ؟؟ ومن وين اجيبها ؟؟ اقصد الكازين والBCAA والاكستند والاكستوز وهالاسامي .

تجدها عند الاخوان في قسم البيع والشراء http://www.montada2.com/forumdisplay.php?f=641 . وبخصوص الديكستروز تلقاه في الهايبر ماركيت ويجيك منكهه او اكتفي بسكر المائده العادي . وبخصوص الاكستند تراه هو ال BCAA .

وهل تشوفها مناسبة لي كمبتدأ احسها كثيرره ولا انت شرايك يالغلا .

على العكس تماماً ، ترى هذه الاصناف انت جالس تتغذى منها بشكل يومي قبل ماتعرف شي اسمه بار ، ولكن هذه المنتجات تحتوى على تركيزات اعلى + محتويات مقننه من فايتامينات وخلافه + خصائص لاتجدها في الغذاء الطبيعي كسرعة الامتصاص .
كلها تصب في مصلحة اللاعب وتختلف باختلاف اهدافه .

منتظر ردك يالغالي .

اي استفسارات اخرى فهي مرحب بها .

[rshoody]

عزيزي دكتور نجر أبسالك يالغلا .

هالحين شنو المكمل او الصنف اللي يدخل للكلى ؟؟ انا قراءت ان الامينو او الاحماض تبقى في الكلى وممكن تسوي مشاكل وبيني وبينك تراي انسان جبان واخاف على صحتي فاعذرني على التكرار يالغالي بالسؤال ولكن هل كل المكملات اللي وضعتها ماعليه خطورة على الصحة ابد ؟؟؟ اخاف يكون تمريني ضعيف او مايستقبل جسمي هالمكملات .

الشغله الثانية انا عندي حرقه في المريء يعني الاشياء الحاره او الحامضه لازم اني اتجنبها ،، فهل الاحماض الامنية والـ BCAA تسبب حرقه وحموضه ؟؟


الاستفسار الاخير او بالاصح هو طلب وليس امر واكون لك من الشاكرين يالغالي :
انت عرفت وش ابي بالضبط وشايف صورتي وعارف المعلومات الي اعطيتها لك وعارف المكملات والاشياء اللي ناقصتني ،، فطلبي لك يالغالي ،، ممكن تكتب لي المكملات والشغلات اللي احتاجها انا بالترقيم ،، واذا قدرت ترفق معاها صورها اكون لك مممنووووون ،، لان عندي ولد عمي في امريكا ونا اطلب منه ويشحنها لي ،، فاحتاج اعرف الاسم بالضبط والصورة .

ارجو انك فهمت مقصدي يالغالي

والف شكررر لك مره أخرى وتحملنا يالذيب هههههه