25 كيلو شي مو سهل لكن مع الجديه والاصرار راح يتحقق كل مطلوب بأذن الله
1: التغذيه
ابتعد تماما عن الدهون والكوليسترول وابدا رجيم متوسط في اول اسبوع ورجيم شبه قاسي ثاني اسبوع ورجيم قاسي رابع اسبوع
وجباتك هي 3 وجبآت رئيسيه لاغير + بعض الفواكه المساعده ف الرجيم مثل الجريب فروت الخ
ابتعد عن الغازات بجميع انوعها
2: التمارين
مشي 30 دقيقه | مشي سريع 20 دقيقه | هروله 15 دقيقه وتزيد تدريجيا من بعد ثالث يوم
سباحه ان وجد / دراجه هوائية ثابته ان وجده واثنينهم مهمين / نط الحبل 3 مرات وكل مره 10 مرات وتزيد 5 تدريجيا مع الايام
التمارين السويديه باللي تقدر عليه سويلك جدول للتمارين مثلا في التمارين السويديه خذلك 5 تمارين متنوعه من علوي ووسط وسفلي والعدات على حسب المقدور عليه واليوم الثالث تزيد كم عده اهم شي انك ماتثبت على نفس العدات ولازم كل يوم تزيد ولو 3 عدات على الاقل شي ايجابي لك
طبعا التمارين السويديه تطبقها بعد المشي والهروله - لي موضوع عن التمارين السويديه خذ لفه عليه ونقي اللي تشوفه مناسب لك ك بدايه وكل اسبوع غير او زيد تمرين او اثنين
3: الراحه العامه للجسم والروتين اليومي يكون كل شي له وقت ورتب وقتك وقبل التمارين لو ان شاءالله اي وقت لاتحاول تكون كسول تحرك ولو ف البيت حسس نفسك انك خفيف وعود نفسيتك وجهزها
4: النوم المعتدل - لاتنام كثير ولاتنام شوي ولاتنام في النهار
5: لاتستعمل اي حارق دهون كونك جديد ولسى ماجربت الحرق الطبيعي
6: حاليا لاتحتاج الى نادي فقط التزم باللي قلتلك عليه + اضافات باقي الاعضاء الايجابيه وكمل شهر الى شهرين وبعد هالمده راح نشوف شو صار معاك ونقرر
بالتوفيق يا صاحبي
