تعبت والله ساعدوووووووووني ابي ازيد وزني من غير برنامج تغذيه ولا بروتين ؟

[malson]

السلام عليكم
شباب انا بالحديد من 2002 شكلياا
ولكن اول جم سنه متقطع ارووح بعدين كنت اروح متواصل ولكن لاني ماشوف فايده اقطع مرات جم يوم بعدين ارووح

اهم مافيني اني ماعمري قطعته اكثر من شهرين

المهم خذيت دكااات الدنياا من فتره لي فترره وكل دكه كنت اخذ معاها كورس كامل

وغير البروتينات وغير الحبووووب اللي تخطر اباااااااااالك كلهاا
والبروتين ماحب اشربه لانه يسد نفسي ولا يخليني اكل وجبه

يعني قطيت فلووس الدنيااااااااااااااا على الفاضي

مشكلتي اني من اللي يضعفون بسرررعه يعني لو اقطع النادي يوم مثلا احس اني ضعفاان ويمكن النفسيه تضعفني زياده

طبيعه جسمي يضعف بالاسبوع كيلوين ماكو مشكله وصعب صعب يزيد بالشهررر 3
تعبت والله

وماحب سوالف تعطوني جدول غذائي لان من اسمع اسم جدول غذائي واكل تنسد نفسي
مااشتهي كلشششش

شسوووي ؟؟ بليزز ساعدووووووني ابي افجررررررررر جسمي ابي امتن
للعلم طولي 175 ووزني 62 ونص بعد شهرين من النادي زدت طبعا 4 كيلوو

[mashkaljey]

اخوي دكات وما بلاوي مثل ما تقول !! وتبي تمتن ؟ يعني غشيم ما تدري ان هالدكات تفخ مؤقت ؟

وبعدين شلون يعني تبي نفيدك وانت تقول لا تعطوني جدول تغذيه !!!!! اساسا كمال الاجسام تنسى انك ادمي وتاكل مثل الاوادم لازم تصير وحش تاكل الخضر واليابس

اما انك ما تاكل ولا تبي بعد بروتين يا سلام عليك وتبي تزيد وزنك ؟؟

والله ما عندي حل لك ان شاء الله يفيدونك الشباب لان كل اللي بقوله لك ما راح يعجبك لانه عن التغذيه

موفق يا الحبيب

ملاحظة :- تم تعديل عنوان الموضوع برجاء مراجعة قوانين القسم بهذا الخصوص

[malson]

ماقصرت اخوي وانا عارف ان ماعندي سالفه لان اهني مشكلتي
مااشتهي ابداااااااااااا

ياليت لو تقولي عن وجبات خفيفه مثلاا او مثلا الشوفان شلون طريقه شربه وجم مره باليوم
او الفول السوداني جم ملعقه باليوم

شغلات تسد عن شغلاات والله يساعدني على ال3 وجبات الرئيسيه بحاااااااااول

[malson]

وهل يجب اني استخدم كرياتين مع امينو اسد
لان سمعت اننهم شغلات رئيسيه ؟؟ وياليت تقولولي افضل منتجات لهم

[mashkaljey]

شوف يا الحبيب عندي لك اكثر من حل لشهيتك لكن لا تقول لا تعطوني نظام غذائي لان هالشي اساس الحديد وانت عارف الحديد بناء يحتاج اساس قوي عشان تبني كتل عضليه

شوف اول حل انك تروح لاي دكتور تشوف علة شهيتك شنو بالضبط ؟ ( وراثه ولا مرض مثل الديدان بالبطن ولا شنو )

ثاني حل فاتح الشهية وفي انواع منه لكن افضلها حاليا الميسوجور صدقني بتنفتح شهيتك للاكل بشكل خيالي

والحين بعد ما تطبق الحل الاول وتلجأ للثاني تروح على قسم المواضيع المميزة فيها مواضيع عن التغذيه وشنو تاكل

وبعدين عاد نوصلك للمكملات لان المكملات شيء اساسي ثانوي بعالم الحديد واذا النوع اللي تاخذه يسد نفسك ترى في انواع ثانية طعمها مو طبيعي في بروتينات طعمها فواكه يعني مثل ما تشرب عصير ما تفرق لكن لا تقول تنسد نفسي سالفه تنسد نفسي هذي يبيلها علاج طبي او فاتح شهية واحد من الاثنين

وموفق خير

[الرمـادي]

انا وحد من اهلي عنده نفس المشكلة وطلعت مشكلته انه عندة الغدة

تخليه ما ياكل غير لقمة ولله تشوفه ميت من الجوع بس وقت الاكل تنسد جبده

أخوي تاكد من المستشفى عن الغدد الله يبعد عنك الشر

بس الحذر واجب

[آبو رآشـد]

مثل ما قالو لك الشباب يفضل تراجع الدكتور دام عندك مشاكل وقلهم يسون لك تحليل بول علشان تشوف وش مشكلتك ترا ما تاخذ وقت 10 دقيقا بالكثير ويقلون راجعنا بكرا بالتوفيق

[lee mehdi]

كما قال لك الاخوان الرسمي و الرمادي
انت الان ركز على معالجة مشكل الشهية المسدودة
توقف الان عن ممارسة كمال الاجسام لانه غير صحي لك بدون اكل اكثر من كافي
....
والناس عندهم مشكل انسداد الشهية و انا عندي مشكل انفتاح الشهية
خصوصا للاكل غير الصحي و الي يزيد الدهون

[د/عمرو]

اخوي انا زيك تقريبن بصعوبة بيزيد وزني وبسهولة ينقص ويضعف جسمي


---

بس شوف كمال الاجسام ثلاث


تمرين + غذاء + راحة (نوم 9 ساعات)


اي شي تخالفه في ذا الهرم ماتوصل للي تريده


بالنسبة لشهيتك زي ماقالو الشباب راجع طبيب

بس شوف كنت مثلك زمان

كنت اتغدا واتعشى وبس

بس شوف عود نفسك شوي شوي ومع العزيمة والاصرار والله بتتغير


---


ابدأ اول شي بانك تحافظ انك تفطر وتتغدى وتتعشى

بعدين شوي شوي

ابدأ دخل بين الوجبات وجبة خفيفة

اما سكوب بروتين او فاكهة مع كاس حليب او زبدية كورن فليكس

وصدقني بيتعود جسمك شوي شوي

وهذا حالي الحين كنت مستصعب موضوع 6 وجبات

والحين ادور عليها

ومع ذلك نظرن لسفري الكثير وعايش عزوبي برضو مابلاقي كمية الاكل الكافية واتكاسل اطلع واشتري اكل

بس الثلاث وجبات محافظ عليها واعوض مابين الوجبات بسكوب بروتين

------

وعلى فكرة اجسام عن اجسام تفرق في اجسام تكسب عضل بسرعة وفي اجسام لين تطق

انا ليا قريب السنة الا شهرين العب حديد والي يشوفني يقول لك تلعب 5 او 6 شهور يادوب


----

وحط في بالك حجم البنية في ناس بنيتهم كبير من ربنا يلعب شهر يجيبلك وانت تلعب سنة

[د/عمرو]

بس ترا مو معقول انك تلعب من 2002 الين الحين وماتغير في جسمك كثير

[ابو غاده]

والله يخوي جنك تقول ابي اطير بس بدون جناحين..

[fares allil]

في قناعة حاولت اقتع نفسي فيها و بعدها صرت آكل أي شي مفيد لكمال الأجسام سواء كان طعمة بايخ أو ثقيل

لازم تتعرف على مفهوم الأكل بالشكل الصحيح
أنت ليش قاعد تاكل...؟؟
اسأل نفسك...؟؟
البعض يأكل عشان يسد شهيتة..يعني مثلا واحد مشتهي من مطعم معين.. على طول يدق سلف و يروح ياكل منه
ولما تسألة ليش كلت هذي الأكلة..يقولك عشاني مشتهيها
نفس الكلام مع حالتك..لما أجيك و أقولك ليش ما تاكل زين..تقول عشاني مو مشتهي هذي الأكلة

طيب حط في بالك..أن أنت قاعد تاكل مو عشان تتمتع بالطعم أو انك تسد جوعك
أنت قاعد تاكل عشان تلبي حاجات جسمك الغذائية..و مثل ما أنت عارف إذا تبي جسمك يخدمك بالعضلات
لازم تخدمة بالغذاء الصحيح...لما تشوف أكلة ما تحبها أو منسدة نفسك عنها...لا تفكر في طعمها و في ثقلها على معدتك..و إنما فكر في القدر من المكونات الغذائية اللتي تحتويها هذي الأكلة و هل هذي راح تخدم احتياجات جسمك
من عناصر غذائية ولا لأ..لا تفكر أبد في الطعم ولا تقول مشتهي ولا مو مشتهي ..فقط كل لتلبي حاجات جسمك..
لأن هذا هو السبب الرئيسي لحاجتك للأكل..وليس إشباع الشهية

[Freezard]

كنت من اقل الناس اكلا السالفه كلها تعود , الحديد يبيلها ناس حديد مو على سالفة واحد الله يذكرة بالخير منسدح بيبسي و زقارة و يتشكى من وزنه و يسولف شنو وده يصير مجسم
الحديد ما توصل فيه الا الناس الي ارادتها حديد