مشكلتى مع تمرين الصدر

[يحلم بجسم فرنسي]

عندى مشكلى اخوانى في تمرين الصدر (( بار عالى )) مو قادر ازيد الوزن وين الضعف ؟؟ عضلة الكتف الامامى ولا اي علمن انى سرت ابدل التمرين من (( بار --- الى دنامل)) والوزن عال العال يعنى التمرين بالدنمل ممكن باليد الوحده 60 ك لاكن بالبار مستحيل اوصل 60 ك شالحل يا الغالين

[منادة الليل]

عزيزي

قبل كل شي تاكد انه من الدمبلز

باوند او كج ؟

لانه الدمبلز حسبتها بالباوند

60 باوند=30كيلو تقريباً

يعني اذا كنت ترفع 60 باوند دمبلز فبالبار بيكون بالكيلو 30 الجهة الواحدة

[يحلم بجسم فرنسي]

اول شي يشرفنى كابتن منادة الليل انك اول من يرد .
ثانى شي كابتن لا ابشر بالباوند ...معليش على الخطا...

[آبو رآشـد]

لازم تلعب اسبوع تكرار من فترة الى فترة علشان تزيد الوزن الي ترفعة

وبالنسبة للبار خل واحد معك وزد الوزن عادي تؤدي 6 من عشرة والباقي خويك يساعدك فيها

ولا تخاف من انك تزيد الوزن وحاول تاكل كارب قبل لا تروح للتمرين

بالتوفيق

[منادة الليل]

ماشاءالله

الى الامام يا بطل عقبال ال120 كيلو باليد الواحدة

طيب صار لك فترة طويلة يعني وانت متوقف على نفس الوزن بالبار ولا توه طالعه عندك المشكلة ؟

لانه بالعادة تجي فترة شوي تطول معاك المدة في تطوير الاوزان وهذا يكون شي طبيعي

ومو شرط انك لما تتطور في زيادة الاوزان بالدمبلز فلازم تتطور بالبار بنفس الوقت ....
الدفع بيد واحدة بوزن مستقل دائماً يختلف عن الدفع مرة واحدة بيدين على وزن واحد متقاسم بين الطرفين

ولكن لابد انه يكون متوازي .. يعني بما انك تلعب دمبلز 60 كيلو باليد الواحده على الاقل 55 كيلو بالبار الخ....

والحين الاهم من هذا هو انك من متى وانت متوقف على نفسا لوزن بالبار ؟ اذا فترة طويلة فهناك مشكلة اما اذا توها الحين فهذا بيكون شي طبيعي ولازم تطور في

زيادة التغذية
زيادة فترة الراحة
هذي اهم ما في الامر

لما تجي تتطور في رفع الاوزان ولكن ما تطور في تغذيتك ولا فترات الراحة فهني ما راح تقدر تتطور لانه كلم ا كبرت العضلة تبي تغذية اكثر وكل ما زاد الوزن تحتاج الى راحة اكثر عامل مشترك

[يحلم بجسم فرنسي]

تسلم يا كابتن ابو راشد وراح اعمل بشورك من الاسبوع الجاي ونشوف هالتمرين واخرته معاى بس ودى اعرف يا كابتن وين الضعف كل تمارين الصدر الحمدلله اوزان حلوه جدا خصوصا انى ماشي على جدول الضخامه لاكن هالتمرين مدرى شسالفه البعض يقول عضلة الكتف الامامى لازم تركز عليها وتقويها؟؟

[يحلم بجسم فرنسي]

شكرا كابتن منادة الليل بس اعتقد ان هناك مشكلة ومعتقد التغذيه لانى مو مقصر بلع الله يعطينى العافية ثانى شي اخوى البار مستوى غير عن المايل ومن دخلت جدول الغالى علينا ابو راشد وانا معترف بهالاوزان بس هالتمرين الى عاقنى والمشكله قديمه مو قريب وكنت اعاند نفسي فهالتمرين لاكن خفت من الاصابه فحبيت اخذ رايكم وماقصرتم يالغالى

[Shik0m]

حاول تلعب العالي أول شي في التمرين ..

وثاني شي قوي التراي .. كل ما زادت قوة التراي زادت قوتك في البنش

[aljoookeeer]

هلا بكأخوي

شكلك تلعب بار مستوي في البداية,, صح؟؟؟

اذا كلامي صح غير بالجدول ابدأ بالعالي بعدين مستوي ,, لأن المستوي أسهل

جرب هالطريقة وشف

[آبو رآشـد]

اقول يا يحلم بجسم فرنسي وش سالفتك انت وذا الصور الي تحطها

والنجوم والورود انت وحش حديد وداخل تضخيم شلون تحطها

[يحلم بجسم فرنسي]

حاول تلعب العالي أول شي في التمرين ..

وثاني شي قوي التراي .. كل ما زادت قوة التراي زادت قوتك في البنش

تسلم يا كابتن ماقصرت وان شاءالله خير شرفنى مرورك

[يحلم بجسم فرنسي]

هلا بكأخوي

شكلك تلعب بار مستوي في البداية,, صح؟؟؟

اذا كلامي صح غير بالجدول ابدأ بالعالي بعدين مستوي ,, لأن المستوي أسهل

جرب هالطريقة وشف

جربت كل الطرق ياغالى بس ماهو هنا المشكله تسلم يا كابتن وشرفنى مرورك

[يحلم بجسم فرنسي]

اقول يا يحلم بجسم فرنسي وش سالفتك انت وذا الصور الي تحطها

والنجوم والورود انت وحش حديد وداخل تضخيم شلون تحطها

ابشر والله معاد فيه غيرخط اسود ولا نجمه ولا غيره بس انت تامر يابو راشد

[هاوي عائد]

اخي الحبيب
جرب تلعب بوزن انت مرتاح فيه اسبوعين وفي الثالث تزود وزن بسيط وهكذا راح تصل للوزن اللي تبيه بسرعة