استفسار عن السير الكهربائي والبخار وفايدته

[رمــــــــــز]

السلام عليكم ورحمة الله وبركاته


< اسئلته كثير من يوم دخل المنتدى اعذروني ماسئلة الى يوم اشوف التفاعل مع الأعضاء والتميز


الطول 160
الوزن 75


طبعـآ الوزن كان 86 قبل شهر والحين 75

أنا جاتني اصابه خفيفه بالركبه وتركت النادي كنت اخسس

وشريت سير كهربائي من الفالح وجهاز بخار السونا اللي تكون فالبيت وبدلة سونا

كل يوم البس بدلة السونا و امشي على السير نص ساعه الظهر او الصباح وادخل البخار وانا لابس بدلة السونا

طبع ـآ عرق مو طبيعي وحر بس ماادري هل تفيد الطريقه بالتخسيس او لا

..

وعندي استفسار انا ناوي ادخل صالة حديد غير اللي كنت فيها واشتراكها 3 اشهر بـ 1000 ريال

تنصحوني اشترك او لا خاصه ان رمضان جاي واتوقع مااقدر اروح النادي وقت رمضان حسب دوامي

طبعـآ أنا استخدم الليبو 6 × حبتين صباح قبل الفطور بنص ساعه وحبتين قبل الغدى بنص ساعه

ابي نصائحكم ادخل حديد او اخسس لين بعد رمضان

والبخار يفيد بتخسيس الصدر والمؤخره؟؟ < اعاني من هالنقطتين بالذات

وابي نظام غذائي لأني مانتظمة على نظام معين كل يوم آكل شوي طبعـآ قاطع
الدهون والغازات > وآكل لوزين بس مو كثير يعني حبتين باليوم تقريبا

[scaryface]

أنا جاتني اصابه خفيفه بالركبه وتركت النادي كنت اخسس

اذا كنت تجري ووزنك مرتفع طبعا راح يسبب لك مشاكل بالركبة

كل يوم البس بدلة السونا و امشي على السير نص ساعه الظهر او الصباح وادخل البخار وانا لابس بدلة السونا

طبع ـآ عرق مو طبيعي وحر بس ماادري هل تفيد الطريقه بالتخسيس او لا

البخار ماله فايدة في تخسيس

اصلا السونا يستخدم للناس اللي عندهم بطولات لانها تقلل من الماء بالجسم بس بعد ايام راح يرجع الماء مثل ما كان

لو تقيس نسبة الدهن بالجسم راح تعرف كم باقيلك حتى توصل لمستوى جيد ... اقل من 18 % يعتبر طبيعي ... اقل من 10% يعتبر جسم فرنسي ومتقسم معا ال6 باك

وعندي استفسار انا ناوي ادخل صالة حديد غير اللي كنت فيها واشتراكها 3 اشهر بـ 1000 ريال

اذا ما تقدر تلتزم بالوقت في رمضان حاول تبدا بالتضحيم بعد رمضان

وابي نظام غذائي لأني مانتظمة على نظام معين كل يوم آكل شوي طبعـآ قاطع
الدهون والغازات > وآكل لوزين بس مو كثير يعني حبتين باليوم تقريبا

http://montada.com/showthread.php?t=673147

[THE CAST]

وعليكم السلام ورحمة الله وبركاته
ماقصر معاك اخونا في الله
واحب اقلك لاتلبس بدلة الساونا تراها بطاله ومضرة اتركك من كلام الدعايات انا جاتني وحده مجانية ورميتها
لانها تمنع تنفس الجلد وهذا خطر جدا بالاضافه لاضرار اخرى ماتحضرني الان
ايضا
اشرب ماء بكثرة اثناء التمارين (رشفات)
تحياتي

[رمــــــــــز]

الله يج ـزآآكم خير على النصائح والمعلومات أول مره اعرف ان البدله مضرهـ طيب أقدر استخدم السونا بدون البدله ؟؟

لأن حتى بالنادي فيه ناس تدخل سونا بس بدون بدله

الحين لو مادخلت نادي يعني اكمل على السير نص ساعه مع الليبو × بس ؟؟لين بعد رمضان

وجهاز اللي يقيس الدهون القاه وين بالصيدليات ؟؟ وكم سعره لأن حائل مااذكر فيها الأجهزه اللي تكون فالمولات الكبيره

وعن الصدر والمؤخره
انا اطبق التمارين اللي بموضوع ابو راشد

بس اذا تقدرون تفيدوني بجهاز ينقص أقل شي المؤخره > ابي اشتريه من الفالح دام فيه تخفيضات

ابي صورة الجهاز لو ماعليكم امر

لإني يوم رحت اشتري السير قلت للمحاسب فيه جهاز اسمه كارديو قال وش هالجهاز ؟؟

عاد انا ماادري هذا اسم جهاز او تمرين ؟

[رمــــــــــز]

نسيت مااقولكم استمر على الليبو لو خلص او اشتري ليبو من نوع آخر ؟ وكم وزني المثالي اخسس لين اوصل لكم ؟65 _ 60 ؟؟ او اقل

لو ابي جسم فرنسي

[THE CAST]

الله يج ـزآآكم خير على النصائح والمعلومات أول مره اعرف ان البدله مضرهـ طيب أقدر استخدم السونا بدون البدله ؟؟
تقدر وانا كنت استخدمها سابقا بدونها .بس لاتطول في الساونا اكثر من 10دقائق
لان درجة الحراره العاليه تضعف الخصوبه
لأن حتى بالنادي فيه ناس تدخل سونا بس بدون بدله
هذ الافضل
الحين لو مادخلت نادي يعني اكمل على السير نص ساعه مع الليبو × بس ؟؟لين بعد رمضان
اذا كنت خايف انك ماتنتضم إذا كمل الصيفيه بالبيت عالسير واليبو الدايت الغذائي
وجهاز اللي يقيس الدهون القاه وين بالصيدليات ؟؟ وكم سعره لأن حائل مااذكر فيها الأجهزه اللي تكون فالمولات الكبيره
تلقاه بالمستشفى سمعت ان في تحاليل شامله تبين كل البيانات اللازمه
وعن الصدر والمؤخره
انا اطبق التمارين اللي بموضوع ابو راشد
ممتاز
بس اذا تقدرون تفيدوني بجهاز ينقص أقل شي المؤخره > ابي اشتريه من الفالح دام فيه تخفيضات
ابي صورة الجهاز لو ماعليكم امر
لاتشتري اي خلك على نظامك واما المؤخره حتصغر ان شالله مع نظامك الي ماشي عليه
خذها نصيحه من شخص كان اسمن منك
لإني يوم رحت اشتري السير قلت للمحاسب فيه جهاز اسمه كارديو قال وش هالجهاز ؟؟
اخوي الكارديو ليس جهاز بل هو نظام تطبقه باستخدام السير الكهربائي الي عندك
مثال عليه
دقيقه مشي سريع
دقيقتين هروله بطيئه
دقيقتين هروله سريعه
وتعيد من الاول على نفس النمط لمدة لاتقل عن 30 دقيقه وتزيد لنتائج افضل (لاتزيد اكثر من 45عشان لاترهق نفسك مره ووراك تمارين)
عاد انا ماادري هذا اسم جهاز او تمرين ؟
تم التوضيح

موفق خير باذن الله

[THE CAST]

نسيت مااقولكم استمر على الليبو لو خلص او اشتري ليبو من نوع آخر ؟ وكم وزني المثالي اخسس لين اوصل لكم ؟65 _ 60 ؟؟ او اقل
الليبو تستعمله لمدة شهرين متتاليين ومن ثم توقف شهر عنه وتعود له الين توصل لغايتك
الجسم الفرنسي هذا موضوع ثاني..اولا تضخيم ومن ثم تنشيف وتقسيم فإنت الان خسس وبعدين
لاوصلت لجسم رشيق ونسبة دهون منخضه ذيك الساعه يكون لنا كلام اخر

لو ابي جسم فرنسي

تحياتي ......

[hamdani1]

بدلة التخسيس مضره بالكلى لانها تتوقف تقريبا عن العمل ويكون اخراج الماء عن طريق التعرق فقط فهي عملية نصب فهى لاتخفف الوزن بل تنقص السوائل في الجسم

[رمــــــــــز]

الله يج ـزآآكم خير

طيب ابي اسئل أنا استخدم الليبو 6 ×

اذا خلص استخدم نفس الليبو 6 ×

او آخذ ليبو بلاكـ او غيره

[رمــــــــــز]

الله يج ـزآآكم خير

طيب ابي اسئل أنا استخدم الليبو 6 ×

اذا خلص استخدم نفس الليبو 6 ×

او آخذ ليبو بلاكـ او غيره