ما الحكمه من استخدام البروتين معا الامينو كنتيجه افضل ؟؟

[ناصر آل بن علي]

سلام عليكم

ياشباب انا لاحظت اغلبكم يقول الامينو بدون بروتين ماينفع

ممكن اعرف شنو الحكمه من هالشي ؟ وشنو السبب الي يخلي الامينو مايعطي نتيجه بدون البروتين

ياريت تفيدوني جزاكم الله خير

[THE CAST]

سلام عليكم
وعليكم السلام ورحمة الله وبركاته
ياشباب انا لاحظت اغلبكم يقول الامينو بدون بروتين ماينفع
اخوي موماينفع , ينفع ولكن مو بنفس الاستفادة لوكان مع االامينو
بروتين بدون امينو ممكن مقبولة لكن العكس لا
ممكن اعرف شنو الحكمه من هالشي ؟ وشنو السبب الي يخلي الامينو مايعطي نتيجه بدون البروتين
الاحماض الامينة لها فائدة كبيرة في تكوين بروتين العضلة وترميم الخلايا العضلية المتلفه نتيجة التمارين المجهدة ..لكن اذا اخذتها بدون بروتين!! ماراح تسفيد الشي الكثيروالنتائج ماراح تكون مرضية ابدا
اذا تفكر فكورس فلابد من تواجد البروتين بصورة اساسية بغض النضر عن نوعه ,بعدين يجي اختيار نوع الامينو
ياريت تفيدوني جزاكم الله خير

.......

تحياتي

[ناصر آل بن علي]

جزاك الله خير وماقصرت عالمعلومات

زين لازم البروتين معا الامينو بنفس الوقت يكون ؟ اقصد نفس الفتره يكونون معا بعض مثلا

لاني انا خذت بروتين تقريبا لمدة شهرين ووقفت والحين امينو

ولا لازم البروتين معا الامينو يكونون بنفس الفتره ؟

مع ان غريبه الي شريت من عنده ماقال لي يبيلك بروتين فقط امينو عطاني وللعلم ان الامينو فيه نسبه بروتين

!!

[THE CAST]

جزاك الله خير وماقصرت عالمعلومات

زين لازم البروتين معا الامينو بنفس الوقت يكون ؟ اقصد نفس الفتره يكونون معا بعض مثلا
نعم بنفس الوقت
لاني انا خذت بروتين تقريبا لمدة شهرين ووقفت والحين امينو
ولا لازم البروتين معا الامينو يكونون بنفس الفتره ؟
البروتين والامينو كلاهما يكمل الاخر
مع ان غريبه الي شريت من عنده ماقال لي يبيلك بروتين فقط امينو عطاني وللعلم ان الامينو فيه نسبه بروتين
نعم الامينو فيه نسبة بروتين ولكن قليلة جدا(موكل الانواع فيه انواع مافيها)
....
بخصوص الي باعك اخطا لمن قلك خذ بروتين فقط المفروض يوضحلك
بعدين ماتجي مثلا شهر امينو وشهر واي بروتين على سبيل المثال
لابد من البروتين بعدين الامينو ,العكس غير صحيح
!!

وش اسم الامينو الي عندك؟
هدفك ضخامه اوتنشيف؟

[ناصر آل بن علي]

والله حاليا انا بالدوام بس لين رحت البيت اقولك شنو اسمه الامينو

انا هدفي تضخيم قبل ثلاث شهور تقريبا او اربع شهور كان وزني 57
وحاليا 65

بس اطلعت لي كريشه ههههه

[قطري1]

يعطيكم العافيه شباب
الله يعينك ناصر آل بن علي ههههههههه
شكلك ما تتمرن عدل
اذا تاخذ هالاشياء لازم تحك حك وتحرقهم
اذا تبي تستفيد عدل
تمرن مع واحد يحب التمرن واتنافسون بعض
اذا تاخذ بروتين وهالسوالف احرقهم مب تاخذ بدون تمرين
تشتري اذا اكيد ما يقولك بس انت اسأله
وخبرك الحين كل شي بفلوس
المدرب بفلوس
تبي يعلمك عطه افلوس شوف اشلون هههههههههه
لازم تسال المجرب صراحه دخلت المنتدى ابي اخذ راي الشباب
لانهم مجربين
المدرب يقول لك اي كلام
شكلي طوولت ههههههاااااااي
مع تحياتي
قطري1

[ناصر آل بن علي]

لا اخوي انا اتمرن صح وعندي جدول الاخوه الي حاطينه بالمنتدى وماشي عليه

صارلي 3 شهور ونص اتمرن وانا ادري ان غلط اخذ هالاشياء وانا نايم فالبيت

لاتحاتي انا اتمرن واحرق والدليل شوف وزني اول مادخلت كان 57 والحين 65 ماشاءالله

ولاتنسى اني في فترة تضخيم يعني مافي مشكله لو كرشت .. بعدين اوصل الوزن المطلوب وابتدي تنشيف.. صح ولا انا غلطان يا اخوان؟ ههههه

والله يوفق الجميع

وبالنسبه لأخوي الي يسال عن نوع الامينو هذي صورة خذتها من النت نفس الماركه حق الامينو الي عندي
http://myamino.com/attachments/Image...amino-tech.jpg

بس مادري اذا نفس المحتويات لان الصوره من النت بس اقصد نفس الصوره الي عندي هالماركه يونيفرسال اسمها

[I know I can]

انا بديت اشك بموضوع هالامينيو

عندي له 4 شهور ولا استفد شي

انا اشوف الاجانب ياخذون جلوتامين مع البروتين

وزي ماتعرف علمهم افضل بكثير من علمنا

يعني اكيد ماياخذونه الا عن تجربه ودراسه

وشكرا

[ناصر آل بن علي]

والله انا اول مره استخدمه

وألى الاان مابينت نتائجه

وتوني خذت لي واي بروتين معا نسبه 2 جرام فات

وانشالله تبين نتائجه بعد ماتخلص العلبه