هل الكرياتين المونوهيدرات ممتاز لزيادة الوزن !!

[سيليزيا]

مرحبا اخواني

ادري مكاني غلط بينكم داشه عرض بس شكلكم انتو ممكن تساعدوني على سؤالي

بالاول تقبل الله صيامكم وعيدكم مباارك :>


بصراحه عندي استفسار عن الكرياتيين .. قبل فتره صغييررره رحب الصيدليه ابي شي لزيادة الوزن وعطوني حبوب الكرياتيين
هذا اسمها Creatine ( weight gainer ) creatine Monohydrate 1200mg

ولما بحثت بالنت لقيت في ارتباط قوي بين هالحبوب وبين كمال الاجسام @@ انصدمت انا مالي علاقه نهائيا بالرياضه ولا هالسوالف؟

سؤالي : يصير استخدمهم وانا ما اسوي رياضه ؟ ولا ما يصير ؟
ارجوكم ابي اجابه دايركت لسؤالي !!

ومشكورين ادري ممنوع دخول النساء بس عشاني هالمره بس


اختكم مها من الكويت شكرااا

[Leaner]

مرحبتين وايامج سعيدة

هذا الصيدلي رايح فيها

الكرياتيين مونوهيدرات للشخص الي يتمرن حديد واهو يخزن ماي في الجسم وبالأخض في العضلات وشلون اذا اخذتيه بدون حديد ؟

الإجابة الدايركت مايصير أكيد

اخذي حبوب تفتح الشهية وكثري من وجباتك وبتزيدين ان شاءالله

موفقة

[THE CAST]

ماينفعلك الكرياتين ابدا
ولاهو طريقة لزيادة الوزن اصلا..العاده ينصحون بمكمل غينرلكن هذا الصيدلي حاب يتفلسف حبتين
ماعنده امانه

عموما
اهتمي الوجبات اليوميه وحيزيد الوزن طبيعيا


بالتوفيق

[سيليزيا]

يا خرااااابي


ماشي يعطيكم الف عاففيه

شدراني هذي وحده لقتني وقصت علي اشوه اني بحثت قبل لا اكل



شووكنان شوووكنان شووكنااان

[بارجيم]

مازيد على كلام الكبتن ذا كاست
بس خلي وجابتك اكثر من ثلاث ووجبات وتكون غنيه بالكارب ( ارز معكرونه بطاطس

[سيليزيا]

شكرا يا ابطال

[ابو مهاا]

خذي فيتامين واكلي حلبه هههههه تزيد الوزن وكثري من الكاربهيدرات ونوعي بالاكل وحاولي تقسمينها 5 وجبات باليوم موفقه

[.hamad.]

مرحبا اخواني

ادري مكاني غلط بينكم داشه عرض بس شكلكم انتو ممكن تساعدوني على سؤالي

بالاول تقبل الله صيامكم وعيدكم مباارك :>


بصراحه عندي استفسار عن الكرياتيين .. قبل فتره صغييررره رحب الصيدليه ابي شي لزيادة الوزن وعطوني حبوب الكرياتيين
هذا اسمها Creatine ( weight gainer ) creatine Monohydrate 1200mg

ولما بحثت بالنت لقيت في ارتباط قوي بين هالحبوب وبين كمال الاجسام @@ انصدمت انا مالي علاقه نهائيا بالرياضه ولا هالسوالف؟

سؤالي : يصير استخدمهم وانا ما اسوي رياضه ؟ ولا ما يصير ؟
ارجوكم ابي اجابه دايركت لسؤالي !!

ومشكورين ادري ممنوع دخول النساء بس عشاني هالمره بس


اختكم مها من الكويت شكرااا

هلا فيك اختي مها .. ومكانك مب غلط وانتي اختنا وصاحبت المكان ...

بالنسبة للكرياتين اخواني الابطال ماقصرو الله يحفظهم ...

اما بالنسبة لزيادة الوزن .. توجد حبوب فالصيدليه بس مايحضرني اسمها بس اعتقد يسمونها حبوب خميرة .. يستخدمونها في زيادة الوزن واسألي الصيدلية عنها وإنشاء الله مالها اضرار ..

او في حبوب تنباع في البحرين عند الحواج ((اللي يبيع أعشاب)) الحبوب هاذي أعشاب صينيه اسمها جونسون وبتزيد وزنك وايد اسألي عنها ..
موفقه اختي

[الرمـادي]

السلام عليكم

الصيني لو ما في غيره لا تستعمله، كل الاشياء الي يسوونها مضروبة،

البطاطس والفندال اكثر انواع الخضراوت فائدة لزيادة الوزن،

الكرياتيين بيزيد وزن أي شخص يستخدمه عن طريق حبس الماء، والعضلات ما تضخم الا باتمرين

[ولد ابوظبي]

.. الشباب ماقصروا .. ماشاء الله عليهم ..

التغذيه الغنيه بالكارب .. والفيتامين .. والمعادن .. مهمه جدا ..

[سيليزيا]

شكرا والله ماقصرتو
بس حسستوني اني مختفيه @@ انا طلبت منها مكملات غذائية وعطتني هذا
بس خلاص مابي شي

[themaddemon]

ناس كثير تستخدم اشياء للحديد ومكملات غذائية وتمارين ويفكروا انها بس للرياضيين و حقون كمال الاجسام فقط!! زي الجلوتامين و الستيرويدات و البروتينات والكيرياتين و الكرنتين و الاي ال ايه و النتريك اوكسيد و الارجنين هذي كلللللللللها وغيرها ماتحضرني الان يستخدموها غير الرياضيين لاسباب صحية!! يا شباب مين قال انو الكرياتين للرياضيين فقط؟؟!! معلومة غير صحيحة!! الكرياتين مادة موجودة في الاسماك و اللحوم والجسم ينتجه في الكلى و الكبد وله استخدامات طبية كثير مثل ماذكرت في بداية موضوعي http://www.montada.com/showthread.php?t=684139&page=2

يستخدم حتى مع كبار السن عشان يخفف من خسارتهم لعضلاتهم و يستخدم مع الاشخاص الي سووا عمليات عسان يسرع العلاج وعلاج الباركنسون والزهايمر و ازما القلب وممكن يزيد الذكاء وفوائد طبية اخرى كثييييييرة ،، شباب ولاتنسوا ان الصيادلة في منهم ناس فاهمين ويقروا أول بأول وعندهم معلومات افضل من اي واحد فينا عن التركيبة الكيميائية لاي دواء وتأثيراته على الجسم ،، المهم اسبكم مع الروابط التالية وفي بعضها اسماء المراجع الطبية وان شاء الله تستفيدوا:

http://www.vrp.com/amino-acids/creat...t-for-athletes

http://en.wikipedia.org/wiki/Creatine

http://www.drpasswater.com/nutrition...ry/franco.html

http://tiger.towson.edu/users/sjanko...20creatine.htm

http://www.creatinemonohydrate.net/c...elligence.html

http://www.creatinemonohydrate.net/c...arcopenia.html

http://www.creatinemonohydrate.net/c...lzheimers.html

http://www.creatinemonohydrate.net/creatine_CHD.html

http://www.creatinemonohydrate.net/c...e_elderly.html

http://www.creatinemonohydrate.net/

[THE CAST]

كلامك صحيح لكن المكملات ماله داعي يستعملها شخص عادي طبيعي ومحافظ على غذائه لانه اساسا مايحتاج اي زياده في نسب المواد..

وبخصوص الكرياتين
كلامك صحيح ويستعمله بعض رياضيي الالعاب الهوائيه
لكن الاخت وزنها ناقص وبحاجه للزياده فمانقلها خذي كرياتين الاولى نوصفلها مكمل غينروالاهم منه تهتم بالغذاء