السلام عليكم ورحمة الله وبركاته
كيفك حالكم اخواني انشالله مرتاحين
باذن الله ناوي على كورس تضخيم يتكون من
بروتين مسل جوس + امينو ليكيود شراب ( مرفق صوره له ) + فيتامين اوبتي مان + جلوتمين + عسل
شرايكم بالكورس وشنو تتوقعون نتايجه
طبعا وزني 58 وطولي 178
عندي كم سؤال بعد اذنكم
1 شنو افضل نوع جلوتمين
2 برايكم شنو افضل انواع العسل واللي تفيد الجسم كامل وتنفع للاعبين الحديد
3 شنو افضل مشروب اثناء التمرين وشنو فايدته
4 ماهي افضل طريقة لاستخدام الكورس المذكور اعلاه
5 اذا كان النوم 8 ساعات لكن مقطعه يعني مثلا 6 ساعات بليل وساعتين فترة العصريه هل في مشكله
6 ليش بعض الكباتن يقولك خذ البروتين قبل التمرين معنه الجسم قبل التمرين يحتاج الى كارب عشان يمده بالطاقه اللازمه فشنو افضل وجبه قبل التمرين
ومشكوورين مقدما وبارك الله فيكم وفي هذا المنتدى واسمحولي على كثرة الاسئله ويشهد الله
اني تعلمت الكثير في هذا المنتدى واصبح دخوله شي اساسي يوميا الله يوفقنا ويوفقكم للخير
المشاركة الأصلية كتبت بواسطة mr.911
