طريقة استعمال المكملات التالية < استفسارات < جدول غذائي

[تي باغ مدريد]

السلام عليكم و رحمة الله و بركاته

ابي طريقة استعمال هالمكملات التالية :

ايزو ماس

سوبر امينو 10000 من شركة اي بي ان


سيل تك

كنت استعمل ترو ماس و سيل تك و ريحت ثلاث اسابيع ما رايكم ؟

ما رايكم بالمنتجات اللي ذكرتها ؟

هل فيه نتايج ملحوظة معاهم ؟ < سؤال للي استخدمو هالمنتجات

+ اريد جدول غذائي للتضخيم لا هنتم

[comp29]

وعليكم السلام ورحمة الله وبركاته
ايزو ماس لايعلى عليه راح يعطيك نتايج حلوه
انا عطاني 9 كيلو مع دهون خفيفه جدا يعني اغلبها عضل
والمنتج الاغلبيه العظمى تمدحه وانا عندي افضل من التروماس بالف مره
وطريقة استخدامه
سكوب الصبح مع حليب
بعد التمرين مباشره مع ماي
وقبل النوم مع حليب يفضل منزوع الدسم قبل النوم
هذا كان استخدامي له واحيانا كنت استخدم اربع سكوبات اضيف واحد قبل التمرين بساعه
راح يعجبك واختيار سلـيم
وباجي الكورس راح يفيدونك الابطال
موفق ان شاء الله

[تي باغ مدريد]

يعطيك العافية و بانتظار ردود باقي الاعضاء و الكبتن ذا كاست

[THE CAST]

السلام عليكم و رحمة الله و بركاته
وعليكم السلام ورحمة الله وبركاته
ابي طريقة استعمال هالمكملات التالية :
ايزو ماس
بعد جرعة الامينو بربع ساعه ثم تفطر بعد نصف ساعه او سكوبين بعد الفطوربثلاث ساعات + بعد التمرين مع ماء + قبل النوم مع الحليب
سوبر امينو 10000 من شركة اي بي ان
الماكسموم لهذا المنتج هو
6 حبات على الريق(افضل) + 6 بعد التمرين مباشرة
واقل جرعة 3 فكل مره
سيل تك
هذا بعد فترة التحميل تاخذه بعد التمرين فقط (اي مع ال10000ثم تاخذ البروتين بعد 30 دقيقه الى ساعه )
لكن ماانصحك تاخذه مره ثانيه المنتج موقد سمعته ابدا
كنت استعمل ترو ماس و سيل تك و ريحت ثلاث اسابيع ما رايكم ؟
جيد
ما رايكم بالمنتجات اللي ذكرتها ؟
الايزو وال10000 ممتازين
هل فيه نتايج ملحوظة معاهم ؟ < سؤال للي استخدمو هالمنتجات
حسب الي اعرفهم واستعملو كلا المنتجين..نعم
+ اريد جدول غذائي للتضخيم لا هنتم

بالنسبه للجدول

وجبة1 / شوفان بالحليب او رغيف بر + 5 بياض بيض مسلوق او بالفرن
وجبة2 / فواكه منوعة (موز- تفاح -...)عدد ثلاث قطع
وجبة3(قبل التمرين بساعتين)/ مكرونة مسلوقة + علبة تونا
وجبة 4/ صدرين دجاج او علبة تونة كبيرة او فيليه سمك + سلطة خضراء اوشوربة خضارمسلوقه + رغيف او ارز
وجبة5/ 4 بياض بيض نفس المذكوراعلاه + كاس لبن او حليب كامل الدسم + رغيف + جبن مع زيت زيتون

بين كل وجبه واخرى مالايقل عن ثلاث ساعات

موفق باذن الله

[تي باغ مدريد]

كفو منك < عشت لا هنت بس اشلون طريقة تحضير الشوفان بالحليب انا خليته ع النار ثلاث دقايق و احترق < اشرايك احط الكورن فليكس مكانه و قبل التمرين هم كورن فليكس

بالنسبة لطريقة الاستعمال للمكملات على حسب راي المدرب

سكوبين ايزو ماس قبل التمرين بساعتين

4 حبات امينو قبل التمرين

سكوب سيل تك قبل التمرين

بعد التمرين مباشرةً سكوبين ايزو ماس و 4 حبات امينو < و بعدهم بعشر دقايق الى ربع ساعة السيل تيك

انت اشرايك بهالكلام ؟

[THE CAST]

كفو منك < عشت لا هنت بس اشلون طريقة تحضير الشوفان بالحليب انا خليته ع النار ثلاث دقايق و احترق < اشرايك احط الكورن فليكس مكانه و قبل التمرين هم كورن فليكس
يمكن احترق لانك معلي النار عليه
خله على نار هادئه حتى ينضح تقريبا 4دقائق اما الكورن فلكس جيد لكن ليس بفائدته
ولوكان كورن فلكس فطريقته مختلفه
بالنسبة لطريقة الاستعمال للمكملات على حسب راي المدرب

سكوبين ايزو ماس قبل التمرين بساعتين

4 حبات امينو قبل التمرين

سكوب سيل تك قبل التمرين
السلتك مايؤخذ قبل التمرين بل بعده فقط(بعد فترة التحميل)
بعد التمرين مباشرةً سكوبين ايزو ماس و 4 حبات امينو < و بعدهم بعشر دقايق الى ربع ساعة السيل تيك
لا
انت اشرايك بهالكلام ؟

التزم بالطريقه المكتوبه بردي السابق وهي الاصح


بالتوفيق

[تي باغ مدريد]

اولاً مشكور يا ذا كاست

1 _ الوجبات هذيلا خمسة ؟

2 _ ليش ما اخذ البروتين بعد التمرين مباشرةً مع الامينو ؟

3 _ لطعم افضل اخلطه مع شنو ؟

4_ يصير ادخل وجبتين او ثلاث زيادة على اللي تكرمت فيهم

و اي ملاحظات عن اي شيء يا ليت تذكر لي شيء منها للتوضيح
و مشكور و عسى الله يوفقك

[THE CAST]

اولاً مشكور يا ذا كاست
العفو

1 _ الوجبات هذيلا خمسة ؟
نعم خمسه...
وانا تحديدا حاذف الوجبه الثالثه وهي
وجبة3/ نصف دجاجة مشوية + ارز + سلطة خضراء منوعة
لوحسيت بالجوع بعد الوجبه2 اضفها
2 _ ليش ما اخذ البروتين بعد التمرين مباشرةً مع الامينو ؟
لانك بعد التمرين حتاخذ السلتك مع الامينو...فلابد تنتظرنصف ساعه ثم تاخذه وهذا الافضل
3 _ لطعم افضل اخلطه مع شنو ؟
ان تقصد السلتك فمع ماء فقط
والبروتين الصبح وقبل النوم مع حليب , اما بعد التمرين مع ماء فقط
4_ يصير ادخل وجبتين او ثلاث زيادة على اللي تكرمت فيهم
لو اضفت الوجبه الثالثه الي ذكرتها لك اعلاه يصير عندك ست وجبات في اليوم
ماله داعي تزيد خاصة وانت عندك بروتين غينر فيه سعرات عاليه ودهون
و اي ملاحظات عن اي شيء يا ليت تذكر لي شيء منها للتوضيح
و مشكور و عسى الله يوفقك
اللهم امين

وهذا بعض النصائح تفيدك في حياتك وفي اللعبه..

- داوم على اداء الصلوات الخمس مع الجماعه فنحن نتكبد عناء التمارين ومشقتها
افلا نقوم بالواجب المخلوقين لاجله, واحرص على رضا ربك
- احرص رضا الوالدين ودعائهم يعمل العجائب

- لاتاكل الطعام على الطعام فمثلا
اكلت الوجبه رقم 3 فلاتاكل بعدها شي الا بعد ثلاث ساعات على الاقل
- الماء اشربه قبل اي وجبه بنصف ساعه او بعد بساعه عالاقل, ويوميا لايقل عن 3 لتر
- اذا كنت اعزب ابتعد عن العاده..والكلام عن اضرارها يطول..واذا متزوج فالممارسه بعد التمرين بساعات وهذا الافضل
- نومك لايقل عن 7-8 ساعات...
- لاتتمرن اكثر من ساعه في النادي


واذا عندك إشكال اسأل لاني لوبنصح بعبيلك الصفحه







وفقك الله لما يحبه ويرضاه في الدارين

[تي باغ مدريد]

الصلاة و الحمدلله فوق كل شيء بحياتي

فيه فرق بين اني اخذ البروتين بعد نص ساعة من التمرين او بعد 45 دقيقة او ساعة

[تي باغ مدريد]

الصلاة و الحمدلله فوق كل شيء بحياتي

فيه فرق بين اني اخذ البروتين بعد نص ساعة من التمرين او بعد 45 دقيقة او ساعة

و يا ليت تعبي لي الصفحة بنصايح اللعبة

[THE CAST]

الصلاة و الحمدلله فوق كل شيء بحياتي

فيه فرق بين اني اخذ البروتين بعد نص ساعة من التمرين او بعد 45 دقيقة او ساعة

الافضل بعد نصف ساعه من السلتك
وماعندك مشكلة لكن الاهم تاخذ السلتك والامينو بعد التمرين مباشره