رايكم في مكملاتي

[المدمر100]

السلام عليكم ورحمه الله وبركاته
الطول ١٧٤
الوزن ٧٣
نسبه الدهون ١٨
مكملاتي هي
البروكمبلكس العادي
سوبر امينو 4800
طبعا انا الان في مرحله ضخامه وصارلي تقريبا ٣ اشهر في الحديد
التغذيه تمام سبق وان طرحت موضوع عن تغذتي والشباب ماقصرو
اريد رايكم في المكملات لانني باقي ما شريتها لانني بشتريها يوم الخميس ان شاء الله

[THh Rock]

وعليكم السلام
هلا بك
اوك مكملاتك مناسبه لنسبة الفات عندك
والامينو انصحك تاخذ امينو 2000 او 10000 او امينو تك
وشد حيلك يا وحش

[scaryface]

كلام الكبتن احمد 100%

بس انا اشوف انك لو تحذف الامينو وتشتري بداله وي بروتين بيفيدك اكثر بعد التمرين (لانه سريع الامتصاص) اما البروكومليكس لباقي اوقات اليوم

بالتوفيق

[.hamad.]

الشباب ماقصرو الله يعطيهم العافية وبالتوفيق يابطل ..

وان شاء الله تستفيد من مكملاتك بقدر المستطاع

[المدمر100]

الله يعطيكم العافيه ماقصرتوا
يعني لو اشتريت بروكمبلكس و وي بروتين
افضل اني اشتري بروكمبلكيس و امينو
ايش رايكم

[THh Rock]

الافضل يا بطل انك تشتري البروكومبليكس والواي بروتين والامينو
يصير البرو الصبح وقبل النوم لان امتصاصه بطيء
اما اليوم فقط بعد التمرين لان امتصاصه سريع

[المدمر100]

والله الميزانيه ما تساعد
ان شاء الله المرة الجايه
قررت بشتري البروكمبلكس العادي وامينو١٠٠٠٠
وكم تتوقع يزيدني كيلو

[THh Rock]

خلاص اوك توكل على الله
ولا تقول كم تتوقع انك تزيد !!
كله يرجع على حسب نظامك الغذائي وتمرينك والتزامك ونومك .......
ودام انك واثق بنفسك وتمرينك وتغذيتك بتوصل لهدفك

[المدمر100]

طريقه تناولها ياكبتن
كيف تكون

[THh Rock]

البروكومبليكس يصير الصبح سكوب وبعد التمرين سكوب وقبل النوم سكوب
والامينو الصبح 3 وقبل التمرين 3 وبعد التمرين 4

[المدمر100]

الله يوفقك ويرحم والديك ان شاء الله
الصبح سكوب مع حليب قليل الدسم تمام
وبعد التمرين مع ماء
وقبل النوم مع حليب تمام
اذا في اخطاء صححها

[طموح رياضي]

الله يووفقك يارب ويحقق هدفك