سؤال بخصوص الاوبتي مان والامينو تك

[كذا صح]

السلام عليكم


كيفكم ياوحوش من زمان عندكم وربي لكم وحشه

شباب لدي استفسار بخصوص الاوبتي مان كثير ما سمعت من شباب وايضا ما لاحظته على نفسي هو انه يأثر على لون التبول الله يكرمكم فالبعض قال هذا شي طبيعي بل انه يدل على ان المنتج جاب نتيجه معاك ولكن لا اخفيكم انا متردد فاحب اسمع منكم يا شباب بهالخصوص

ايضا سبق واستخدمت منتجات عده للامينو والفتره الحاليه قاعد استخدم امينو تك وهذا الامينو فيه الكرنتين وانا شغال على الضخامه هل فيه تعارض ؟

لكن شكري مقدماً

كذا صح

[THh Rock]

وعليكم السلام
بخصوص الون اول مره اسمع انه هذا يدل على انه جاب نتيجه !!!
اللون شي طبيعي يتغير لانه فيتامينات ومعادن
والاوبتي ممتاز قوي ووممتاز ويحتوي على 75 فيتامين
الافضل بخصوص الامينو انك تقرا عنه بالاول وتعرف هل هو يناسب هدفك ولا لا ...!!
ودام فيه كارنتين الافضل الافضل انك تخليه للتنشيف وعادي ممكن تضخم فيه لانه يحتوي على نسبه قليله من الكارنتين

وراجع قوانين القســــم

[كذا صح]

يعطيك العافيه يا وحش وما قصرت

اتمنى التقي فيك مره ثانيه يا وحش .... ولا تسألني وين التقينا المره الاولى لوووووول

[THh Rock]

^^^^^^^^^
ربي يعافيك ويسلمك ههههههههه شكيت في نفسي والله ما ني ذاكر وين شفتك ..!!
بس عاجبني نك نيمك خخخخخخ

[كذا صح]

يطولي بعمرك يا وحش وازيدك بعد جيتك في النادي ولطعتني تقريبا نص ساعه خخخخخخ

بس ياخي احترت اكثر مع هالامينو لان هو الموجود الحين وتوني بادي فيه الوزن 70 الطول 178 والفات 12 وانا خايف ان هالامينو يحرق اللي اتعب عليه

[THh Rock]

هههههههههههههههههه يؤيؤيؤ لا تفضحنا .....!!
امممممممممم طيب استخدم امينو 4800 الجديد ممتاز جدا للضخامه ولا يحتوي على كارنتين ....
والبروتين او مكملاتك الثانيه وش هي !!

[كذا صح]

ما يغلى عليك النك نيم يا بعد تسبدي

سبق واستخدمت 4800 وال 10000 وكلهم حلوين بس هالمره قلت خليني اجرب هذا الامينو لاني اشوف كلام الشباب يمدحون فيه للضخامه وبيني وبينك انا ما انتبه للكرنتين الا تالي بس شكلي بواصل عليه اذا لاحظت الوزن تأثر بوقفه

حاليا استخدم برو قينر والامينو تك والاوبتي مان

[THh Rock]

اوك توكل على الله ومكملاتك ممتازه وحاول تقسم تغذيتك الى 6 وجبات
موفق يالغالي وشد حيلك

[A7MArED]

بالنسبة الى سؤالك الاول

اللون هو يعبر عن جودة ونوعية افيتامينات واللون الاصفر الغامق هو نتيجة وجود فيتامين (ب) الزائد

[ابو مهاا]

^^

100% خاصه بمكملات مثل نو اكسبلود تركيز بي عالي فيه
وبخصوص الامينو تك النسبه لاتذكر ولاتنسى فوائد ال كرنتين للطاقه وللجسم

[Heartbeat]

اخوي كرنتين مثل ماقالو لك الاخوان نسبه لاتذكر ويساعد على تقسيم العضله يبني عضل ويحرق دهون ايضا

اما بخصوص اللون الاصفر ربما يكون بسبب قلة الماء لأن اللي مايشرب ماء بشكل كافي يتحول لون البول اعزكم الله باللون الاصفر

[THh Rock]

اخوي كرنتين مثل ماقالو لك الاخوان نسبه لاتذكر ويساعد على تقسيم العضله يبني عضل ويحرق دهون ايضا

اما بخصوص اللون الاصفر ربما يكون بسبب قلة الماء لأن اللي مايشرب ماء بشكل كافي يتحول لون البول اعزكم الله باللون الاصفر

صحيح كلامك يا وحش بس لما تدخل مكمل فيتامينات ومعادن شي طبيعي اللون يصير اغمق لكن ادا ما تستخدم اي فيتامينات واللون اصفر غامق هاد يدل على نقص الماء في الجسم مثل ما قال الوحش سبورتس

[france for ever]

اخي لا تخاف من اللون الاصفر الغامق بعد استعمال الاوبتي مان و اقراء هذا الرابط لتعرف السبب

http://www.montada.com/showthread.php?t=689399

تحياتي