هل التكرارات العاليه تنزل الوزن ..؟

[الله اكبر99]

سلام وعليكم ورحمة الله وبركاته

اخباركم ياخوان ..؟

انا الحمد الله مسجل في هذا المنتدى من فتره واستفدت واجد من كلام الكباتن وغيرهم

كان وزني 112 والحمد الله الحين 90 وينزل وبعدين الخبط في الاكل ويرجع

وطبعا كان نظام في النادي كله كاديو يعني مالعبت حديد ابدا

المهم في ناس تقول لو تخش حديد وتلعب تكرارات عاليه باوزان خفيفه ينزل وزنك

طبعا انا ابي نزول وزني وبعدين افكر ابني عضل صافي هدفي جسم فتنس ضخامه بسيطه

س/ ادخل حديد باستخدام تكرارات عاليه اوزان خفيفه؟ او امش على الي انا فيه حاليا كاديو ساعه ونص

مع العلم اني ماستخدمت ولا مكمل طولي 178 الوزن 90 نسبة الدهون 20

[Initial]

تبغى تنزل وزنك ؟ امش كثير.
تبغى تنزل شحم ؟ العب حديد و امش كثير
أحسن طريقه لعب حديد ؟ تكرار بين 5-8 مرات مع أوزان ثقيله سوى تنشيف أو تضخيم (تجربه شخصيه).
أحسن طريقه تعرف اذا كان اللي تسويه زين لك ؟ طالع بالمرايه و لا تطالع بالميزان. لأن كيلو عضل واحد حجمه ثلث حجم كيلو واحد شحم.

أهم شيء في كل العمليه ؟ أكل نظيف و صحي و بكميات موزونه

[azo00ozz]

اخوي تبي نصيحتي فيه شاهي اخضر اسمه توقايين
زين مره وسعره رخيص العلبه 25ريال وتطول معك
استمر عليه ومع النادي صدقني بتحس بفرق

[abusamara]

من تجربه شخصيه لاحد الناس اللي كنت ادربهم عالتكرار استفاد كثير ونزل 13 كيلو شوف كم 13 كيلو بس ذبحته تكرار اوزان خفيفه وكرر والمشي السريع مرررره ممتاز
نصيحة مجربه مو كلام وبس

[fares allil]

و عليكم السلام و رحمة الله و بركاتة

يا عزيزي اذا انت تبي تنزل وزنك بشكل عام..العب كارديو
اما اذا تبي تنزل دهون و تحافظ على العضل اللي عندك..العب حديد..15 تكرار لكل جولة + كارديو نص ساعة بعد الحديد

و الأمر الأهم و اللي راح يتحكم بكل شي و راح يتحكم بكل نتايجك هو التغذية الصحيحة..

تنزيل الوزن بشكل عام..يحتاج انك تطرح 500 إلى 1000 سعرة حرارية من أكلك كحد اقصى
اما التنشيف..يبيلك تطرح من اكلك 500 سعرة و يكون اغلب اكلك بروتين و يكون خالي من الدهون و تاكل كاربوهيدرات بكمية قليلة جدا..
و وجباتك تقسمهم إلى 6 وجبات صغيرة غنية في البروتين قليلة او معدومة الكاربوهيدرات و خالية من الدهون

[فزااع]

من تجربه شخصيه لاحد الناس اللي كنت ادربهم عالتكرار استفاد كثير ونزل 13 كيلو شوف كم 13 كيلو بس ذبحته تكرار اوزان خفيفه وكرر والمشي السريع مرررره ممتاز
نصيحة مجربه مو كلام وبس

اخوي ممكن تقولنا كم الاوزان اللي كان يكررها .. وكم عدد التكرارات

وهل هي بشكل يومي ؟ والا كم مره بالاسبوع

[الله اكبر99]

يعطيكم العافيه ياخوان بس بسئل هل لو العب تكرارات عاليه باوزان خفيفه ابني عضل مع التخلص من الوزن ولا كيف؟

[الله اكبر99]

يعطيكم العافيه ياخوان بس بسئل هل لو العب تكرارات عاليه باوزان خفيفه ابني عضل مع التخلص من الوزن ولا كيف؟

[يوسف113]

الكارديو والتغذية السبب الاساسي لحرق الدهون

حاليا العب تكرار من 15 لى 20 ولما تنزل نسبة الدهون العب بعدها تكرار من 12 الى 15

واعتني بالتغذية والكارديو وراح تشوف امور طيبة

بالتوفيق

[الله اكبر99]

طيب الله لايهينكم كثرت عليكم اسئله بس معليش ابي جدول اجمع بين الكاديو مع الحديد بتكرارات عاليه واوزان خفيفه

[abusamara]

تحديد الاوزان ماقدر احددلك الصراحه لاني ماعرف كم تشيل بس المتعارف عليه بالتنزيل 5 كيلو دامبل ممتازه وبالبار فاضي لين 5 كمان كويسه بس ركز علي المشي اكثر والسير وتمارين البطن

[abusamara]

بس عشان اكون صريح معاك كنت اعطيه فات برنر بس الحين نزلت اشيا غير بكثير

[SDal]

ممممممـ ...

نزول الوزن = مجموع ما تاكله - مجموع ما يحرقه جسمك بطريقة طبيعية - ما يحرقه جسمك بالتمرين
ما يحرقه جسمك بالتمرين يعتمد على الكارديو و التكرار الكثير ..
بالتالي نعم في علاقة ..

التكرار الكثير جميل تبدأ فيه بصراحة .. يعطيك endurance عالي اي قدرة تحمل و لو تعودت عليه راح تحس
عندك طاقة بالمستقبل و ما راح تحس بتعب النادي ..