هل من الممكن استعمال الجاك3دي والكرياتين مونوهايدرات

[germany85]

السلام عليكم يا وحوش

ياعطيكم العافية

مثل مو مكتوب بالعنوان استطيع استعمال الجاك3دي ويا الكرياتين مونوهايدرات او مايكرونايزد ؟

وبسكوب الجاك3دي جم نسبة الكرياتين ماني عار فها

واسف عالاطالة

[abu kinan]

معلوماتي المتواضعه تقول لأ ما تقدر تستخدم الأثنين سوا لأنه الجاك 3 دي فيه نسبة كرياتين وكذا بيصير عندك كرياتين زياده ممكن يسببلك مضاعفات

[THE CAST]

وعليكم السلام

تقدر تستعمل الاثنين لان كمية الكرياتين الصافي في الجاك ماتوصل 1,5 غرام تقريبا..
اذاً لو ودك تاخذ الميكرونايزد ماعندك مشكله واجعله لبعد التمرين

تستمر على هذا الحال خمسة اسابيع بالكثير ثم وقف شهر كامل

ملاحظه/ ميكرونايزد هو نفسه المونهدرات لكن تم تصغيرحبيباته بشكل اكبر...بمعنى امتصاصه يكون اسرع




بالتوفيق

[SDal]

ما في مشاكل .. نعم الجاكيد فيه كرياتين لكن نسبة بسيطة و جسمك يتحمل نسبة اكبر بكثير ..
ممكن تستخدم الجاكيد قبل التمرين .. و الكرياتين بعد التمرين ..

[THE CAST]

ولو باقي مااخذت الجاك فانصحك اكتفي بالمونهدرات افضلك

[germany85]

ياعطيكم العافية يا كوابتن ويا وحوش

اوكي انشاء الله ببلش بالمايكرو نايزد

والجاك3 دي موجود عندي يايبلي هديه

المهم هل لازم فتره التحميل للكرياتين؟

وافضل طريقه اخذ الكرياتين فيها واشلون اقدر اخلطها بشنو لسرعه الامتصاص وابي خلطات حلوه من خلطات يا كابتن ذا كاست

[THE CAST]

اذاً اتبع هذي الطريقه

اول اربع اسابيع
الجاك + الميكرو...

خامس اسبوع
وقف الجاك واستمر عالميكرو بحيث يكون الميكرو قبل التمرين وبعده كذلك
يصير مجموع اايام الاستعمال لكلا المنتجين شهرين ....ثم بعدها توقف عنهم فترة


جرعة بعد التمرين من الكرياتين ضع معها ملعقة سكرابيض او دكستروز صافي

[germany85]

حبيب ذا كاست بس ما فهمتك عدل

يعني استخدم الجاك قبل التمرين والمونو بعد عدل ؟

ما اقدر اخلط المونو ويا الجاك قبل التمرين او احط نص قفشه

انزين

هل اقوم بالتحميل للمونو؟

وكيف استعمال الجاك ابدا بالتدرج من سكوب لي سكوبين لي 3

واستعمله اثنينهم شهر وبعدين اوقف الجاك واستمر عالمونو شكثر شهر ولا اقل ؟

دكستروز صافي وين احصله؟
وشنو اسمه انا حصلت جلوكوز برتقال بس

الرجاء الرد باسرع وقت

[germany85]

الرجاء الرد وشكرا

[THE CAST]

حبيب ذا كاست بس ما فهمتك عدل

يعني استخدم الجاك قبل التمرين والمونو بعد عدل ؟
نعم

ما اقدر اخلط المونو ويا الجاك قبل التمرين او احط نص قفشه
لا مايحتاج تعمل هالحركه
انزين

هل اقوم بالتحميل للمونو؟
لا..اتبع الطريقه السابقه وماتحتاج تحميل

وكيف استعمال الجاك ابدا بالتدرج من سكوب لي سكوبين لي 3
الجاك سكوب الى اثنين كافي..ولاتزيد عليه
اول اسبوعين خلك على سكوب واحد



دكستروز صافي وين احصله؟
وشنو اسمه انا حصلت جلوكوز برتقال بس
خلاص ماعندك مشكله استعمل السكر الابيض العادي..مقدار ملعقة شاي

الرجاء الرد باسرع وقت

واستعمله اثنينهم شهر وبعدين اوقف الجاك واستمر عالمونو شكثر شهر ولا اقل ؟


بوضح اكثر

اول شهر
تاخذ الجاك قبل التمرين + المونو بعد التمرين...

اول يوم من الشهر الثاني
توقف الجاك
وتستعمل المونو قبل التمرين + بعده...لمدة شهر كامل

يصير المجموع الكلي شهرين ..واضحه الطريقه ؟

[germany85]

ياعطيك العافية كابتن

لسكر الابيض افضل مو دكسنروز

ووين احصل الدكستروز

بس وايد من الشركات ينصحون بفترة التحميل فمادري انتو ادرى وابخص مجربين وتعرفون هل راح احصل نتيجه باذن الله خصوص تغذيتك ممتازه جدا

[THE CAST]

ياعطيك العافية كابتن

لسكر الابيض افضل مو دكسنروز

ووين احصل الدكستروز

بس وايد من الشركات ينصحون بفترة التحميل فمادري انتو ادرى وابخص مجربين وتعرفون هل راح احصل نتيجه باذن الله خصوص تغذيتك ممتازه جدا

الله يعافيك

السكر الابيض جزء منه دكتسروز والباقي فركتوزلذلك ممكن يحل مقام الدكستروز البيور

بالنسبه لفترة التحميل..
ليس بالضروره التحميل بتلك الطريقه , وانت فحالتك هذي راح تتبع طريقة ثانيه للكرياتين
وهي انك تستمر عليه شهرين متواصله وتكون غرامات الكرياتين متكافئه تقريبا لطريقة الاستعمال العاديه , لكن بعد هالشهرين توقف شهر كامل عالاقل عنه

[germany85]

وشرايك يا كابتن أبلش فترة التحميل
وبعد الانتهاء من التحميل بواقع 20 غرام يوميا
أدخل الجاك 3 دي مارايك ؟