هل يجتمع HIIT مع دايت ؟

[ولد الأولين]

السلام عليكم ورحمة الله وبركاته

الله يعطيكم العافية جميعا

سؤالي للخبراء بهذا المنتدى الرائع لأني احترت كثير ولا استغني عن مشورتكم

طبعا انا رياضي سابقا بس جاء الزواج وتوقفت تقريبا سنه وصار فيه زياده طبيعيه بالوزن حتى وصلت 85 كيلو مع العلم أن الطول 170

قبل شهر ونصف سويت حميه ورجعت للنادي اجري واتمرن سويدي حتى وصلت لوزن 74 واصبح المنظر الخارجي مقبول نوعا ما !!

لكن المشكلة من اسبوع تقريبا الوزن اصبح ثابت وابغى اكسر ثباته ونصحني احد الزملاء العب حديد اوزان خفيفه وتكرار كبير وبعد الحديد تمارين الفواصل HIIT

وانا صراحه كنت ناوي انشف بالحديد لما اوصل 70 كيلو .

ياختصار ما رأيكم بتمارين HIIT وهل تنفع معي ؟ ومتى يتم تطبيقها هل في بداية التمرين ولا آخره ؟ وهل تحتاج لتغيير النمط الغذائي ؟

وتقبلوا خالص تحياتي

[Rashid.S]

وعليكم السلام ورحمة الله وبركاته

Hiit من افضل التمارين لحرق الدهون ،، بس برأيي انها ما تناسب الشخص اللي لياقته ضعيفه ،،
لانها مرهقه بعض الشي ،،
اما للدايت ،، اذا اكلك صحي وموزون ومقسم على ٥ وجبات او ست ما راح تحتاج اي تغير
طبعا تقدر تخليه هو الكل بالكل وما تتمرن غيره
ممكن مثلا تلعبه ١٥ دقيقه وتزيد عليه ١٥ دقيقه هروله او مشي سريع بالاخير
او تقدر تدخل عليه جدول حديد ،،
يصير مثلا تسخن خمس دقايق بعدين هروله دقيقه وسبرنت نص دقيقه بعدين حديد وتعيدها اربع مرات بعدين تهدي خمس دقايق وتلحقها بسباحه او ١٥ دقيقه دراجه او مشي سرعه متوسطه

لان انت في البدايه ما راح تحرق كلوريز كثير وبيكون تركيز حرقك على الكارب عشان كذا تزيد على التمرين ١٥ دقيقه زياده عشان تحرق اكبر قدر من الدهون

تمارين الحديد
طبعا العب الوزن اللي يخليك تخلص وانت تقدر تسويه تكررتين او تكراره زياده لانك راح ترجع تركض
الاول - سكوات ( ١٥ - ١٢ ) تكرار
الثاني - صدر بار مستوي ( ١٠ ) تكرار
الثالث - عقله او سحب امام ( العقله ١٦-٢٠ ، السحب ١٢ ) تكرار
الرابع اكتاف ممكن انك تلعب الضغط العالي ولو في جهاز افضل ( ١٢ ) تكرار

وبعد ما تنتهي من كل شي مرن البطن

طبعا تدخيل الحديد اختياري ،، وانا سويته لك باجتهادي لانه من الممكن انا ندخل الحديد ،،

وان شاء الله اكون افدتك

[ولد الأولين]

الله يعطيك العافية اخوي راشد وعلى اجتهادك معي

لكن اللياقه عندي كويسه فانا اجري لمدة 40 دقيقه تقريبا بسرعة 8.5 ك/س ومتعود زمان على السبرنتات لكن بتكنيك يختلف عن HIIT

طيب لو اعمل HIIT لمدة ربع ساعه وبعده هروله ربع ساعه ومن ثم تمارين بطن وضغط و عقله ؟ هل هذه الطريقة تنزع الدهون وتحافظ على العضل ؟ لأن الحديد ما أدري احس لسى بدري عليه شوي

وهل نظام الفواصل لا ينصح باستخدامه لأكثر من اربع مرات اسبوعيا او عادي يوميا ما عدا يوم الراحه ؟

آسف كثرت عليكم لكن ما نستغني عن خبراتكم

[Rashid.S]

والله اسالتك المتعمقه هذه صعبه علي
لاني انا ما طبقت النظام الا اسبوع وما ارتحت معاه
وما فهمت اش قصدتك بنظام الفواصل ؟؟؟
ولياقتك ما شاء الله مره كويسه
واذا ما تبي الحديد كنسله وخله كلسين في الاسبوع سيكرت ترانينج يوم علوي ويوم سفلي بعدين زيدها لثلاث ايام
وانت براحتك ،،

[ولد الأولين]

ولا صعبه ولا شيء يا عمي

لا ما شاء الله عندك علوم طيبه والشباب ان شاء الله ما يقصرون
ونظام الفواصل اللي اقصده هو نفسه HIIT يعني كتسميه عربيه يسمونه فواصل لأنه يعتمد على جهد عالي ومنخفض

لكن تراني بالحديد مو ذاك الزود اوكي اتمرن لكن معي مدرب يعطني العدد والتكرار ويمشي حتى الاسماء ضبطتهم كويس

لذلك وضح لي لا هنت ما تقصده بسيكرت ترانينج او حط لي صورة لا هنت عشان نضبط الأمور

ومشكور يا بطل

[Mizo Robben]

من خلال قرائتي عن نظام الفواصل .. من رأيي أنك تقدر تعتمد عليه لحاله بما إنك مركّز على حرق الدهون .. لأنه أكككككثر من ممتاز في حرق الدهون ..

وأنـا إن شاء الله راح أبدأ فيه اليومين هذي .. لأني حاليا موقف النادي وما أقدر أشترك لأنه ما عندي وقت كافي .. فقررت أتّبع نظام الفواصل لحاله ..

والله يوفقنا جميعا يارب ..

[Rashid.S]

Ciucrt هو التمرين الدائري

[toto jeddah]

من المعروف ان نظام الفواصل يكون يانصف دقيقة اسبرنت ونصف دقيقة استرخاء ومشي او يا دقيقة اسبرنت و دقيقة استرخاء واستشفاء
لأنه يضع الجسم في حالة عدم استقرار وبالتالي يزيد في كمية حرقه للدهون 900% حسب جهدك وممارستك للنظام

والافضل تلعب النظام خلال 20 د فقط بعد الحديد ولـ 4 - 7 جلسات تزيدها كل اسبوع

بالتوفيق

[ولد الأولين]

الله يعطيكم العافية جميعا ما قصرتوا والله

اوكي الحين صار عندي تصور كبير عن الطريقه الصحيحه بعد الغموض السابق

[ولد الأولين]

معليش شباب لو اشغلتكم لكن تحملوني شوي

بس حبيت اسأل هل فيه مكمل غذائي ويكون آمن يساعد على الحرق بشكل أسرع ويعوض نقص الغذاء

لأني اذا تهورت 3 وجبات خفيفه !

سالفة 5 وجبات مو راضيه تضبط معي