تنشيف تحت + ضخامه فوق..

[اسـم العضو]

السلام عليكم .. انا لاحظت كثير من الاعضاء يقولون ما يصير تنشيف مع ضخامه .. وانا مستغرب ..
انا العب لي 4 شهور ... طولي 170 ووزني اول ما بديت 70 ومحافظ عليه لين الحين نفس ما هو ...
استخدم منتج بور (جاك3 دي ) .. مع حبوب الليبو ... بعض الناس يقولون هذا يضخ ماي والثاني يشفط .. ما يصير ويا بعض .. وان احس العكس .. علموني انا جسمي غير .. او ها المفاهيم مغلوطة ؟؟
نبغي نشوف تجارب الاعضاء .. ها الفكره انا متاكد انها غلط .. نسبه الدهون عندي تقل باستمرار والحمدلله .. والارداف والبطن تصغر بفضل الليبو .. والصدر والظهر يتوسع عندي والسبب الاخ جاك 3 ....
انا اشوف الي يلعب ضخامه وبعدين تنشيف ... خاصه لو ما كان ضعيف كثير .. يضيع وقته على الفاضي

[THE CAST]

السلام عليكم ..
وعليكم السلام

انا لاحظت كثير من الاعضاء يقولون ما يصير تنشيف مع ضخامه .. وانا مستغرب ..
انا العب لي 4 شهور ... طولي 170 ووزني اول ما بديت 70 ومحافظ عليه لين الحين نفس ما هو ...
استخدم منتج بور (جاك3 دي ) .. مع حبوب الليبو ... بعض الناس يقولون هذا يضخ ماي والثاني يشفط .. ما يصير ويا بعض .. وان احس العكس .. علموني انا جسمي غير .. او ها المفاهيم مغلوطة ؟؟
نعم مايصلح تجمع منتج بور مع حارق دهون

نبغي نشوف تجارب الاعضاء .. ها الفكره انا متاكد انها غلط .. نسبه الدهون عندي تقل باستمرار والحمدلله .. والارداف والبطن تصغر بفضل الليبو .. والصدر والظهر يتوسع عندي والسبب الاخ جاك 3 ....
الجاك مايضخم بروحه بل مجرد مساعد ثانوي
ولايمكن تضخم بالبور وتنشف بالكت
انا اشوف الي يلعب ضخامه وبعدين تنشيف ... خاصه لو ما كان ضعيف كثير .. يضيع وقته على الفاضي

بالعكس الي يلعب ضخامه وتنشيف بنفس الوقت هو الي يضييع وقته بشهادة عشرات ممن اعرفهم والقواعد العلميه
خير دليل ونضيف لها تجاربنا لزيادة التوثيق

واذا على نسبة الدهون ونقصانها هذا يرجع اولا واخيرا الى نظامك الغذائي , اذا كان هناك كتله عضليه جيده وتغذيتك
تكافئ او تقل عن شدة تدريبك فراح تنقص نسبة الفات لكن زيادة عضليه شبه مستحيل..

ازيد عضل وانقص دهون...هذا من النوادر النادره جينيا , لان كل مرحلة تتعارض مع الثانيه بقوه

ومثل ماقلت لك الجاك ليس عامود الضخامه فلبه هو الكرياتين , كافيين , تورين....وغيرها..لكن الاساس هو البروتين او الاحماض



بالتوفيق

[humax10]

تعقيبا على رد اخونا المشرف the cast انا قبل فتره قراءه مقال عن clean bulking يعني ضخامه وتنشيف في نفس الوقت

[اسـم العضو]

الغالي ذا كوست ... دايما عقلك يتحكم بالنتايج ... انا اركز دايما على السيكل في الصاله ... وعلى الجري والمشي السريع .. واول ما يبرد الجسم اركض شوي ويوم احس بالعرق والحراره بفعل الليبو امشي سريع ... ويتركز حرق الدهون على الخصر والبطن والارداف .. واشوف نتايج جباره ... انت تقولي شهاده العشرات من الناس .. على عيني وعلى خشمي واذوني وحواجبي ... بس انا اكلمك عن تجربتي ...... على فكره .. انا يوم شريت الليبو 6 مع الجاك ... راعي المحل قالي ما عليك من كلام الناس ... وانا اثق فيه هذا بالذات .. عطاني الجاك 3 ثري قبل ما ينعرف وقالي جرب وما تندم .. وقتها اشتريته ب 70 درهم .. وبعد ما انشهر الحين ينباع ب 160 او 180 ... صدقني... انا اقولك العكس .. والله تقدر .. اهم شي تعرف كيف تتمرن ومتى تتمرن تحت ومتى تتمرن فوق ..... وامورك في السليم

[Rashid.S]

والله مبدع يا اخوي اسم عضو ،،
انا بصراحه ابتديت اصدق بكلام ذا كاست لاني استخدم بروتينات كازين و واي وبي سي اي اي وجلوتامين وملتي وكرياتين والعب تقريبا لعب تضخيم في الصاله والعب ٢٠ دقيقه صبح وباليل نفس الشي كورديو واحيان العب بس صبح واحيان ما العب على حسب الظروف الدايت كويس واكتسب طاقتي من الدايت واللي يشوفني اكل يقولي شلون وزنك قاعد ينزل ،، بس الي الان ما زدت الا نص كيلو ولله المنة والحمد ،،
هذه تجربتي ،،

بس ممكن طلب اخوي ؟؟
خاطري اعرف جدولك التدريبي بالكامل ونظامك الغذائي اذا ممكن ؟؟*
وكورسك بالتفصيل ،، ؟
والنتايج قبل وبعد ؟؟

[اسـم العضو]

الاخ راشد ... اشكر كلامك .. واقدر اخلاقك .. بقولك كيف انا دايما اتمرن ..... جاك 3 دي يبدا مفعوله من 10 إلى 20 دقيقه .... والليبو يبدا بعد 30 دقيقه .. انا اخذ المنتجين وادخل الصاله على طول ..... لو كان التمرين صدر يكون التاثير من الجاك ... بعد نص ساعه احس بالحراره في جسمي اعرف ان الليبو بدا ينتشر في جسمي ... العب بطن بدون وزن او بوزن .... والعب بطن سفلي ... وبعد الصاله اخذ ليبو مره ثانيه واجري في الهواء الطلق ...
على فكره كلام ذا كوست مو غلط ... وكلامي مو غلط في النفس الوقت ... انا مره ركضت 6 كيلو وكنت اتمرن صدر في نفس اليوم .. وحسيت نسبه العرق اكثر من منطقه الصدر .... صح ان المنتجين يتعارضون فقط ان اهلكت الصدر في الركض ممكن انك تفقد مفعول البمب .. لاكن ان كنت متوازن في تمارينك .. صدقني نتايج ولا اروع ... انا خلال اربع شهور ... زاد الصدر عندي 4 انش ... وكانت البطن 25 انش والحين 18 انش ... وفي الصاله الي انا اتمرن فيها لي ملف خاص .. وكل شهر اسوي قياسات ... والقياسات تقول اني ماشي صح ..

[Rashid.S]

نايس حاجه جميله بس كيف تتمرن يعني بس ٢٠ الي ٣٠ دقيقه حديده هل يكفيك الوقت ،،

[اسـم العضو]

اتمرن من ساعتين ل 3 ساعات .. ومفعول البمب بما اني تمرنت صدر اول او ضهر ... يكون ضخ في الصدر او الضهر وفي الايدين لاني ارفع الدنابل بها ... يعني ما يخالف او ما يتعارض بعد الصدر بطن وخواصر وارجع للباي او التراي

[Rashid.S]

اها شي جميل ،، مشكووور اخوي الى التوضويح

[THE CAST]

تعقيبا على رد اخونا المشرف the cast انا قبل فتره قراءه مقال عن clean bulking يعني ضخامه وتنشيف في نفس الوقت

المقاله هذي اجتهاد من المدرب نفسه
وكتب في نقاطها

من أجل اكتساب المزيد من العضلات لديك للأكل سعرات حرارية أكثر من التي تحرقها.

يرى البعض ان اعتماده هذي الجمله يهدم موضوعه كليا..ولهم اسبابهم

قبل فترة طرح موضوع كبير اجنبي
بين مؤيد ومعارض
اكثر من 85% مااذكر بالتحديد صوتوا بلايمكن جمع الضخامه مع التنشيف البته.
والبقيه صوتوا بممكن.

الغالي ذا كوست ... دايما عقلك يتحكم بالنتايج ...
اخوي لو كان..لكنت اول المؤيدين لهالفكره
انا اركز دايما على السيكل في الصاله ... وعلى الجري والمشي السريع .. واول ما يبرد الجسم اركض شوي ويوم احس بالعرق والحراره بفعل الليبو امشي سريع ... ويتركز حرق الدهون على الخصر والبطن والارداف .. واشوف نتايج جباره ...
هذي كلها من التمارين الهوائيه الي يعتمد عليها الكت بشكل اساسي

انت تقولي شهاده العشرات من الناس .. على عيني وعلى خشمي واذوني وحواجبي ... بس انا اكلمك عن تجربتي ......
بغض النظر عن التجارب اسس كلا المرحلتين متعارضه

على فكره .. انا يوم شريت الليبو 6 مع الجاك ... راعي المحل قالي ما عليك من كلام الناس ...
!!

وانا اثق فيه هذا بالذات .. عطاني الجاك 3 ثري قبل ما ينعرف وقالي جرب وما تندم .. وقتها اشتريته ب 70 درهم .. وبعد ما انشهر الحين ينباع ب 160 او 180 ... صدقني... انا اقولك العكس .. والله تقدر .. اهم شي تعرف كيف تتمرن ومتى تتمرن تحت ومتى تتمرن فوق ..... وامورك في السليم

باختصار
مرحلة الضخامه
هي مرحلة تكوين اساس عضلي , ولابد فيها من تناول الكارب العالي والي بدوره يحفز الانسولين والي بدوره ايضا
يقوم بادخال او بمد العضله بالغذاء وعلى راسه البروتين(من وظائفه وليس كلها)
وكمثال 40% بروتين 40% كارب 20% دهون مع ملاحظة انه لابد تزيد عن احتياجك اليومي 500 كالوري تقريبا
وادخالها في مجمل السعرات المحسوبه
ولابد في هذي المرحلة تكسب بعض الفات ولو يسير .

مرحلة التنشيف
بداية لنفرض اننا حسبنا احتياجنا اليومي وعادلناه مع مقدارالنشاط اليومي..وطلعت الحسبه 3000 كالوري هذا
ليبقى وزنك ثابت في ظل ماتقوم به من نشاط.
نطرح منها -400 كالوري

اذاً الناتج 2600 كالوري يوميا
هذا لاجل تنقص نسبة الدهون مع المحافظه قدر المستطاع على الكتله العضليه والي ضربنا حسابها في الدايت



نقصان دهون + ضخامه : نقدر نشبههم بالسالب والموجب اذا اجتمعا نفَر كل منهم الاخر



اما بخصوص الجاك والليبو
الجاك فيه كرياتين وهو بدوره يحبس ماء - الكافيين يعتبر من المدرات
الجاك فيه كافيين بنسبه كبيره(اعتقد انها فوق ال200 ملغم) - الليبو(400) كذلك مما ياثر عليك ولو ماشعرت بشي




وانت حر طبعا وطبق الي يريحك




بالتوفيق

[اسـم العضو]

احترم كلامك .. واقدر الحسبه التكنلوجيه الي سويتها ... بس الواقع يفرض نفسه علي ...

[Rashid.S]

طيب يا حبايبنا وش رأيكم بشهرين ضخامه وثلاثه تنشيف او ضخم الين تحس ان نسبة الدهون زادة اربعه بالميه او شي حولها وارجع نشف
وكذا يكون الحل الوسط

وان شاء الله قريبا راح اطبقه ،، << ادري دخلت عرض بس هذه الوسطيه ولا اش رايكم ،،

[SDal]

ما قصر THE CAST ..

بضيف نقطتين .. ببداية اللعبة ممكن تلاحظ انه الدهون قلت و العضل زاد .. جسمك بيصنع نوع توازن .. بيكون سهل تكسب عضل و تخسر دهون ..
هالشيء لا تتوقع يستمر .. و مع الوقت راح تعرف انه هدفك لازم يكون شيء محدد منهم .. و هالشيء صار معي بالبداية من غير مكملات غير
البروتين .. وزن العضل زاد تقريباً 4 كيلو و الفات نزل 6 كيلو .. خبيرة التغذية انبهرت بالنتائج .. ما اذكر الكمية بالضبط لكن تقريباً .. و ما زالت
عندي نتائج تحليل الجسم .. لكن مثل ما قلت بعد فترة راح تقتنع لوحدك انك لازم تحدد هدفك ..

ثاني نقطة .. جاكيد مع لايبو 6 .. قبل اي شيء .. كافيين زائد يدخل جسمك و هذا مضر جداً ..
جاكيد مع تنشيف ممكن عادي .. مع انيمال كتس ممكن تقبل لأنه ممكن نتخلص من حبة الكافيين ..

تعقيبا على رد اخونا المشرف the cast انا قبل فتره قراءه مقال عن clean bulking يعني ضخامه وتنشيف في نفس الوقت

Clean Bulking = تاكل فوق حد المحافظة سعرات بسيطة ..
هو نوع من التضخيم .. (( و ليس تنشيف )) .. و بالمنتدى الاعضاء يسموه عضل صافي ..
يزيد العضل بالمقام الاول .. لكن الزيادة بتكون بطيئة مقارنة مع الـDirty Bulk ..

و هناك ايضاً الـIF .. بصراحة من الاشياء الي اول ما شفتها قلت سبحان الله ..
روتين مشابه جداً لروتين صيامنا .. و الدراسات اثبتت انه صحي جداً .. و اذكر قرأت
انه يومين بالاسبوع لفترة طويلة مفيد ( مثل الاثنين و الخميس ) .. و هالاسلوب كثير يعطيهم
عضل صافي جداً ..

البعض ممكن يزيد عندهم العضل صافي مقارنة بالدهون .. مثلاً زيادة ربع كيلوجرام فات لكل كيلو و نصف عضل ..
ساعتها راح تزيد كتلة الفات لكن بتبقى نسبته ثابتة او بتقل .. و هالشيء الجينات عامل اساسي جداً فيه ..


بالمناسبة .. الموضوع استفسار او وجهة نظر و طرح تجربة ؟

بالتوفيق ..

[abu kinan]

الاخ راشد ... اشكر كلامك .. واقدر اخلاقك .. بقولك كيف انا دايما اتمرن ..... جاك 3 دي يبدا مفعوله من 10 إلى 20 دقيقه .... والليبو يبدا بعد 30 دقيقه .. انا اخذ المنتجين وادخل الصاله على طول ..... لو كان التمرين صدر يكون التاثير من الجاك ... بعد نص ساعه احس بالحراره في جسمي اعرف ان الليبو بدا ينتشر في جسمي ... العب بطن بدون وزن او بوزن .... والعب بطن سفلي ... وبعد الصاله اخذ ليبو مره ثانيه واجري في الهواء الطلق ...
على فكره كلام ذا كوست مو غلط ... وكلامي مو غلط في النفس الوقت ... انا مره ركضت 6 كيلو وكنت اتمرن صدر في نفس اليوم .. وحسيت نسبه العرق اكثر من منطقه الصدر .... صح ان المنتجين يتعارضون فقط ان اهلكت الصدر في الركض ممكن انك تفقد مفعول البمب .. لاكن ان كنت متوازن في تمارينك .. صدقني نتايج ولا اروع ... انا خلال اربع شهور ... زاد الصدر عندي 4 انش ... وكانت البطن 25 انش والحين 18 انش ... وفي الصاله الي انا اتمرن فيها لي ملف خاص .. وكل شهر اسوي قياسات ... والقياسات تقول اني ماشي صح ..

يعني اخذت الليبو مرتين او جرعتين خلال ساعه وحده او ساعتين ؟؟؟؟؟ لا تعليق

[Rashid.S]

و هناك ايضاً الـIF .. بصراحة من الاشياء الي اول ما شفتها قلت سبحان الله ..

IF قلت مره مفيد وشبيه لصيامنا ؟؟
عطنا نبذه عنه عشان نطبقه برمضان ؟؟