ما الخطوه القادمه تضخيم او كارديو

[Araxin]

السلام عليكم ورحمه الله وبركاته

كيفكم يا شباب ان شاء الله انكم في اتم الصحه والعافيه

انا صار لي 5 شهور ولله الحمد متابع للمنتدى ومتبع نصائحكم يا كباتن

حاليا الوزن 72
والطول 176
ونسبه الدهون 17,7

خلال الفتره السابقه لاحظت تحسن كبير من الناحيه العظليه وفي اللياقه بصفه عامه (تمارين البوش اب ما كنت اقدر اسوي بوش واحد بس الحين الحمد لله 40+

الحين وش المنااسب لي
هل ابدا برنامج تضخيم
او اني اكمل زي اول لعب حديد على خفيف مع كارديو !

المكملات
واي بروتين ايزو 100 و انيمال كتس

انتظر ردودكم يا كباتن

[Rashid.S]

وعليكم السلام ،،

كله يعتمد على هدفك ،، نسبة الدهون عندك مره حلوه تقدر تضخم بس وقت التضخيم العب كورديو على خفيف ثلاث مرات على مستوى جهد عادي

واذا تبي تكمل حرق دهون كورديو مرتين باليوم كل مره 20 دقيقه ،، مع ممارسة الحديد على جهد عالي ،،

[Araxin]

هدفي الله يسلمك ضخامه عظليه في جميع مناطق الجسم وبعدها تقسيم الجسم

بالنسبه لجدول الظامه كيف ممكن اسويه ؟

[Rashid.S]

انا اشوف افضل شي انك تلعب يومين وتريح يوم
او جدول اربع ايام بالاسبوع
وقت التمرين يفضل ما يزيد عن ساعه
واستخدم التمارين المركبه conpound movements مثل السكوات و البار صدر والبول اب " عقله " وشولدر بريس للكتف
لانها تساعد على التضخيم

هذه الاشياء اللي اعرفها عن الضخامه ،،
ورتب جدولك على هالاساس ،، واذا كنت تبي جدول كامل بالضخامه ،، ان شاء الله يفيدونك الاخوان المختصين <<< لاني للحين ما تعمقت بالضخامه كثير

[Araxin]

الله يعطيك العافيه ما قصرت اخوي

وممكن يا كباتن احد يساعدني بجدول ضخامه كامل منااسب لي مع العلم اني متبع نظام غدائي صحي موصى من الاخ THE CAST

[. الـشـمـري .]

تفضل

صدر + تراي + سواعد

ظهر + باي + بطن

راحه

اكتاف + ترابيس

افخاذ + بطات + سواعد

راحه

ولا تستمر على جدول معين و حاول تغير كل بعد شهرين

موفق ياكبتن

وودي

[Araxin]

هلا بك اخوي وما قصرت

طيب انا واحد احب اروح الجم كل يوم تقريبا

في الايام الباقيه عادي لو كملت كارديو وجري وHIT وسباحه ؟

[. الـشـمـري .]

انت شخص في مرحله ضخامه يلزمك تحافظ على سعراتك الحراريه

وروحتك للنادي راح تخسرها فبالتالي نتائج التضخيم تكون بطيئه

اعطي جسمك الراحه الكافيه و الغذاء الكافي ,, وراح توصل مبتغاك

وودي

[Rashid.S]

انت شخص في مرحله ضخامه يلزمك تحافظ على سعراتك الحراريه

وروحتك للنادي راح تخسرها فبالتالي نتائج التضخيم تكون بطيئه

اعطي جسمك الراحه الكافيه و الغذاء الكافي ,, وراح توصل مبتغاك

+1
صحيح لازم ما تحرق المخزون الزايد من الكالوري عشان تبني عضل
بس اذا كنت تبي تلعب كورديو تقدر تلعب ثلاث مرات في الاسبوع بس تكون متوسطة المجهود وغير مرهقه

[Nice Body]

تفضل

صدر + تراي + سواعد

ظهر + باي + بطن

راحه

اكتاف + ترابيس

افخاذ + بطات + سواعد

راحه

ولا تستمر على جدول معين و حاول تغير كل بعد شهرين

موفق ياكبتن

وودي

السلام عليكم اخي ..
ممكن تعطي صور لهذا الكورس .. مشكووور