.. [ استفسار للخبراء : محتاج مكملات للضخامـه ماهو الافضل لــي //

[H I T L E R]

السلام عليكم ... كيف الحال جميع

اول شي نعطيكم معلومات عني :

انا عمري 18 سنه
وطولي 160
وزني 45

طبعا صار لي 3 اسابيع اتمرن وشفت تغير بسيط جدددداً في جسمي
انا نحيف جداً ومحتاج اضخم .. وابي مساعدتكم في المكملات ..
( بالعربي ابي جسمي يعترض ويغطي على قصري )

عالعموم اللي استخدمهم حالياً :

واي بروتين 2 فات .. بعد التمرين + قبل النوم
امينو اسد 1800 ( شكله فاشل ) .. 4 حبات قبل التمرين وبعد التمرين .. ومع العشاء
وفي ايام الراحه ما اخذهم !!

وانا سمعت منكم ان الواي بروتين مايمتن انا محتاج ضخامه عضليه
هل تنصحوني في بروتين ثاني مع امينو اسد اخر ؟

علماً ان بعد شهر من الان بوقف التمرين وبسافر ..
+ نفسي اخذ كرياتين هل تنصحوني فيه بعد ؟

بالنسبه لجدولي هو موجود اهنا فالمنتدى ببدأ فيه من السبت الجاي :
جدول ضخامة ( نتائج قوية ) &&&& بالصور


[ اعتقد اني ماقصرت في كل شي وضحته لكم .. واتمنى توضحون لي بالتفصيل لأني ضايع بصراحه
من ناحيه المكملات ]

ويعطيكم الف عافيــه اتمنى نلقى رد !!

[oO LoOodDy Oo]

حسبي الله على بليسك وزنك ناقص وتاخذ واي

من رأي خذ لك برو كومبلكس جينر أو الدب الروسي مع الأمينو من شركة أوبتيموم 2222 مع ملتي فيتامينات

من ناحية الكرياتين من ناحيتي ما أحب أعطي المبتدئ الكرياتين حتى الجلوتامين ودي تاخذه لأن مفيد جدا

لكن كبداية أول شهر خلك على الي قلت لك علي

ومن تجربتي وهذا رأي

طبعا لا تنسى أقل شي أربع وجبات في اليوم

صدقني لو تهتم بوجباتك تصير أقل حاجة من خمس وفوق
لك مني إن يزيد وزنك بدون مكمل وبشكل ملحوظ

وسأل مجرب

مع تحياتي لووودي

[abu kinan]

حسبي الله على بليسك وزنك ناقص وتاخذ واي

ولووووووووووووووووو ترا أخذ الواي ليس غلط لحالته لو كان يبي يبني عضل صافي بدون دهون او جسم فرنسي

من رأي خذ لك برو كومبلكس جينر أو الدب الروسي مع الأمينو من شركة أوبتيموم 2222 مع ملتي فيتامينات

أش معنى الأمينو 2222 بالرغم من أنه ينصح به راغبي النشافه نظرا لوجود الكارنتين ضمن محتوياته ( اتكلم عن الاصدار القديم وليس الجديد عند جي ان سي لا يحتوي على كارنتين ) وعلى العموم ال2222 نسبة الأحماض فيه ضعيفه وفي أقوى منه

من ناحية الكرياتين من ناحيتي ما أحب أعطي المبتدئ الكرياتين حتى الجلوتامين ودي تاخذه لأن مفيد جدا

الجلوتامين جيد لم لديه كتلة عضلية ودخل كورس تنشيف فياخذ الجلوتامين لأنه يساعد على الحفاظ على العضلة عند اداء تمارين الكارديو وتنفيذ تمارين الجسم بعدات عالية نوعا ما لحرق الدهون عن العضلة

لكن كبداية أول شهر خلك على الي قلت لك علي

ومن تجربتي وهذا رأي

طبعا لا تنسى أقل شي أربع وجبات في اليوم

هذه الوحيده أصبت فيها وانا اخوك

صدقني لو تهتم بوجباتك تصير أقل حاجة من خمس وفوق
لك مني إن يزيد وزنك بدون مكمل وبشكل ملحوظ

وسأل مجرب

مع تحياتي لووودي

العمر 18 + مبتدئ لايفضل انك تستعمل اي مكمل ابدا وتبدأ على الغذاء فقط من 5 الى 6 وجبات باليوم طبعا هذه انشالله يفيدك بها احد خبراء التغذية هنا بالمنتدى كيف تكون ال6 وجبات ونسبة الكارب والدهون والبروتين بها

ولو مصر مصر على المكملات أجلها لبعد شهرين من اللعب وخليك بالبروتين ( حسب هدفك تاخذ واي او جينر ) والأمينو كمان جيد ولكن ابعد عن محفزات الهرمون ولا تقربها ولا تقرب حوارق الدهون بعد اما الكرياتين ماعندك مشكلة ممكن تاخذه برضه مع البروتين والأمينو وهو يساعد على الضخامه العضلية

وترا لازم تجيب نسبة الدهون عندك ولكن اتوقع انها منخفضه وجيده تبعا لوزنك وطولك
تحياتي

[H I T L E R]

يعطيكم العافيه جميع لكن ضيعتوني بصراحه بخصوص الامينو 2222 ههههه

طيب وش رايكم اخذ امينو فيول ؟
والبروتين : سيرس ماس ؟
ومحتاج كرياتين اذا عندكم اسمه بغيت واحد ممتاز من محل GNC

ابو كنان :

نعم انا مصر جداً على تناول المكملات وشي طبيعي انها ماتضر ؟ ليش ما اخذها اجل ؟

ومشكورين على التجاوب وفي انتظار الرد

[abu kinan]

يعطيكم العافيه جميع لكن ضيعتوني بصراحه بخصوص الامينو 2222 ههههه

طيب وش رايكم اخذ امينو فيول ؟
والبروتين : سيرس ماس ؟
ومحتاج كرياتين اذا عندكم اسمه بغيت واحد ممتاز من محل GNC

ابو كنان :

نعم انا مصر جداً على تناول المكملات وشي طبيعي انها ماتضر ؟ ليش ما اخذها اجل ؟

ومشكورين على التجاوب وفي انتظار الرد

أخي الكريم حدد هدفك قبل كل شي هل هو تضخيم وزياده وزن بالتالي عضلات + دهون او عضل صافي وجسم فرنسي

وانا عطيتك رأيي والشباب انشاء الله يفيدونك ايضا وانتظر رأي ناس أخبر مني وخذ اكثر من رأي بالتالي انت من جوا تقتنع
الأمينو فيول السائل جيد بأنه افضل امتصاص ولكن به نسبة فات يعني حسب هدفك تعرف ينفعلك او لأ
اما كرياتين جي ان سي ما عندي فكره عنه انا سبقو استعملت كرياتين أوبتيمم مونوهيدرات المطور يجي ذراته صغيرة جدا لسهلو الامتصاص وأشوف انه جيد جدا

وما أحد بضيعك اخي انشالله

[H I T L E R]

^

اخوي الكريم .. انا هدفي ذكرته فوق .. انا انسان قصير وضعيف
يعني محتاج جسمي يعترض ( ضخامه ) عشان يغطي على قصري

عالعموم انا ماعرف الفرق بين امينو 2222 وامينو فيول
لكن اسمعكم اتكلمون فيه .. ومحتاج خبرتكم في المكملات

من ناحيه البروتين او الامينو او الكرياتين

عالعموم يعطيك العافيه وفي انتظار الرد من الاخوان

[H I T L E R]

للرفع ضروري ياشباب حد يرد علينا

[. الـشـمـري .]

يالغلا كورسك كالتالي :

بروتين سيرياس ماس (( الصبح على الريق سكوب مع الحليب ,, بعد التمرين سكوب مع الماء ,, قبل النوم بساعه سكوب مع الحليب )) بالنسبه للنكهه انصحك بالشوكلت لذيذه

سوبر امينو 4800 الجديد (( 4 الصبح بعد الفطور ,, 4 بعد التمرين مباشره وبعد ربع ساعه خذ البروتين ,, 4 قبل النوم مباشره )) او امينو تك (( 6 قبل التمرين ,, 6 بعد التمرين ))

اهتم بتغذيتك 5 الى 6 وجبات خفيفه غنيه بالبروتين + الكاربوهيدرات

الراحه و النوم 7-8 ساعات <<< عامل مهم جداً جداً

التدريب الجيد

موفق ياكبتن

وودي

[H I T L E R]

الله يعطيك العافيه

لكن بالنسبه للامينو تك هل اخذه او لا ؟
+ هل تنصحني بالكرايتين لأني ناوي ناوي اخذه

[. الـشـمـري .]

الله يعطيك العافيه
الله يعافيك يارب
لكن بالنسبه للامينو تك هل اخذه او لا ؟
حطيتلك خيارين خذ المتوفر منهم
+ هل تنصحني بالكرايتين لأني ناوي ناوي اخذه

بدري على الكرياتين اخوي ,, توك 3 اسابيع ,, غير كذا السيرياس ماس فيه نسبه كرياتين
من وجهه نظري خليه في المستقبل

[abu kinan]

يالغلا كورسك كالتالي :

بروتين سيرياس ماس (( الصبح على الريق سكوب مع الحليب ,, بعد التمرين سكوب مع الماء ,, قبل النوم بساعه سكوب مع الحليب )) بالنسبه للنكهه انصحك بالشوكلت لذيذه

سوبر امينو 4800 الجديد (( 4 الصبح بعد الفطور ,, 4 بعد التمرين مباشره وبعد ربع ساعه خذ البروتين ,, 4 قبل النوم مباشره )) او امينو تك (( 6 قبل التمرين ,, 6 بعد التمرين ))

اهتم بتغذيتك 5 الى 6 وجبات خفيفه غنيه بالبروتين + الكاربوهيدرات

الراحه و النوم 7-8 ساعات <<< عامل مهم جداً جداً

التدريب الجيد

موفق ياكبتن

وودي

أخوي الشمري كفى ووفى وازيد عليه ملتي فايتمن لو أكلك للخضار والفواكه غير كثير

[oO LoOodDy Oo]

هلا وسهلا بأخوي

abu kinan
لو إني داري إنك موجود كان ما رديت... ماشاء الله عليك لأن عندك خبرة وأكيد راح تفيده أكثر مني
والعين ما تعلى على الحاجب...

بالنسبة يوم تقول إن أخذ الواي ماهووو غلط... أنا ما قلت إنه غلط.. الرجال محدد هدفه إنه يبغى ضخامة وشفت وزنه ناقص كثير فهدا مناسب جدا له أكثر من الواي
فأنا ما قلت أترك الواي علشانه سي لا... علشان هو يبغى ضخامة... ولا ما أقدر أتكلم على المنتج خاصة هو الأول في المبيعات في بودي بلدينق
فهذا رأي ويمكن أنا مخطئ
واختلاف الرأي لايفسد للود قضية

بالنسبة للأحماض الأمينية
أنا أشوف إنه جدا جدا مناسب لمرحلته لأنه هو مبتدئ... ليش أعطيه أحماض عالية وهو ماراح يحتاجها ... يعني على وزنه ومدته في التمرين ماراح يحتاج... الشي الثاني أنا ماقلت له من راسي أنا حالتي مثل حالته تقريبا بالضبط من النوع النحيف وأنا مجرب حوالي خمس منتجات مختلفة لأحماض أمينية الي لاحظته تأثيره فعلا في بدايتي الأمينو 2222 لاحظت جسمي متغير وأنا ما كلت بروتين فكيف لو كلت معاه هذا ومعاه الكارنتين (تصدق إن أخونا حمد العضو الذهبي يقول أنا أستخدمه.. مع إن جسمه ماشاء الله مايحتاج كلام).... الشي الثاني فيه موضوع عملوا فيه دراسة بأن الأحماض الأمينية الزائدة تسبب والعياذ بالله بأمراض منها الزهايمر... فأنا أشوف أفضل من الي نصحته به الي هو الأمينو فيول لأنه عالي جدا الأحماض الأمينية... تصدق سويت مقارنه بينه وبين أمينو قوته ثلاثين ألف تصدق إنه متقارب له... والي يضحكني تصدق فيه مادة الكارنتين الي أنت محذر منه.

فهذا رأي ويمكن أنا مخطئ
واختلاف الرأي لايفسد للود قضية

وبالنسبة للجلوتامين .. أنت نصحت الرجال إنه مايخاذ محفزات صح ... طيب وش رايك إنه فيه دراسة إن الجلوتامين رفع من نسبة هرمون النمو.. الشي الثاني أنت تقول إن الجلوتامين يستخدمون للتنشيف وإنه يحافظ على الكتلة العضلية أثناء خسارة الدهون.. طيب أنا معاك لكن الجلوتامين الهدف الرئيسي منه لليس فقط للحفاظ على الكتلة العضلية فيه فوائد كثيرة منها بناء النسيج العضلي التالف + التقليل من الإصابات بالعضلات
يستعمل من قبل جهاز المناعة لضبط والحفاظ على تأدية وظائف الجسم
ويعتبرأيضا أهم حمض أميني يساعدفي عملية تحويل وايض البروتين بالجسم بنسبة 60% عن باقي الأحماض الأمينية الأخري مما يجعل هداالمنتج من افضل الأغدية التى يحتاجها رياضي كمال الأجسام على الإطلاق حيث يساعد على تقليل نسبة التلف بالإنسجة العضلية وغير من الفوائد لو تبحث خاصة في المواقع الأجنبية راح تحصل

فهذا رأي ويمكن أنا مخطئ
واختلاف الرأي لايفسد للود قضية

وبالنسبة للوجبات الحمدالله إنك اتفقت معي في آخر رأي ههههه
ولي الشرف من عضو خبير مثلك

أخوي
abu kinan
كمال أجسام كلها آراء كثيرة ومختلفة والكثير منها صائبة وفي منها خاطئة ...ليش... لأن كل جسم يعتمد عليه كورس معين سواء من ناحية التغذية أو من ناحية التمارين وأسألني أنا كمجرب...
فيمكن رأيي مناسب جدا لحالته.. أو يمكن رأيك أو أي رأي آخر.

ودايم حبيبنا الشمري متحفنا بآرائه الخاطفة

مع تحياتي لوودي

[H I T L E R]

يعطيكم العافيه جميع

بس اخوي الشمري قال اخذ بروتين سيريس ماس
وامينو 4800

وانت ياخوي لودي عطيتنا بروتين برو كوملبكس جينر
وامينو 2222

فـ ماعرفنا الحين ناخذ بنصيحه من هههههه

بس بخصوص الجلوتامين مادام السالفه فيها نمو يبيله اكيد !!

[oO LoOodDy Oo]

الله يعافيك

هههههه أنا وش قلت لردي لأخونا abu kinan

كل جسم وله كورس يناسبه

أنت مرة جرب كورس اخونا الشمري ومرة أنا ومرة أخونا abu kinan

لين تلقى الي يعجبك وهذا من تجربتي مع المكملات

مثال ذلك دايم أسمع عن السريس إنه خطير في إدائه للنحيفيين عشان يزيد وزن كبير
بس تصدق أنا مع تجربتي أسوا واحد جربته

ما أقول إن الناس غلط وأنا الصح
لا لأن جسمي ما هو مناسب معاه

ولا فيه واحد قالي إنه يعرف ناس الي زاد في الشهر 15 كيلو والي 7 كيلو وهكذا

وأي إستفسار أنا تحت أمرك والبقية ما يقصرون

[H I T L E R]

^

السريس ماس مافهمت من اي ناحيه خطير ؟ هل هو خطير خطير
او انه خطير يعني ماله حل هههههه ؟

وبخصوص الجلوتامين هل هو يساعد فالنمو نفس ماتفضلت ؟

واسمحلنا على الازعاج