استفسار من اهل الخبره عن انيمال كت لانقاص الدهون

[الوحش بوعابد]

السلام عليكم ورحمه الله وبركاته

بما ان صارلي سنتين متتاليتين بالحديد ... فقلت
لازم انشف .. فشديت الهمه وخذيت انيمال كت .. وعندي كم سؤال
اذا بستعمله على الريق.. بعده بساعه ولا نص ساعه افطر
وبخصوص الكاريدو تكفي باليوم 45؟ دقيقه للعلم بالنادي ماعندنا جهاز مشي فقط الدراجه والرقاصه ايرو باك ههههههه
للعلم طولي 169... ووزني 80 .. يعني كم لازم يكون وزني ؟ هل 75 مناسب
وشكرا

[abu kinan]

أخوي خذ الأنيمال كت وافطر بعد 45 دقيقة الى ساعه اضمن لك انه يكون جسمك امتص المادة الفعالة بالأنيمال كت و45 دقيقة كافيه وزياده واشوف لو تخفضها لى نص ساعه افضل علشان ما تخسر عضل وموضوع الوزن المناسب نسبة الدهون هي اللي تحكم لأنك في فترة التنشيف لازم تتابع نسبة الدهون وليس الوزن

[THE CAST]

وعليكم السلام ورحمة الله وبركاته

انت العضو بوعابد اخو بارجيم ..حياك الله وسلملي على اخوك
اذكر عمرك 17 قبل عدة اشهر

اذاً الحارق ماينفعلك ابعد عنه ا وصرفه عطه لاخوك او رده اذا تقدر ...
لان الحوارق تاثر عليك كثير فهالعمر فاتركها افضلك


قبل مااقلك نشف او لا

طولي 169... ووزني 80 .. يعني كم لازم يكون وزني ؟ هل 75 مناسب

قيس نسبة الدهون فجسمك اولا , عندك المستشفيات يقيسون لك النسبه الفعليه للفات , او شفلك جهاز تبع احد النوادي الVIP لانه اجهزتهم غالبا تقيسها
بالذبذبات فتكون النسبه اقرب للصحيحه مع فارق غير مهم 1-3%

والوزن مو مهم لاحظت انك قلت كم لازم يصير وزني ..
المفروض تقول كم لابد انزل نسبة الدهون حتى اعتبر منشف..؟
الجواب -8 الى 12% تعتبر نسبة ممتازه لشخص عنده كتله عضليه , فلو كانت نسبة الدهون منخفظه لاتنشف بل كمل على البلك مستغلاً مرحلتك العمريه

[الوحش بوعابد]

يوصل ..

انا ماستعملته بس العلبه خاشها تحت السرير وقلت من بكره بستعمل
وانا عندي اشويه دهون في منطقه الارداف والبطن والخواصر والصدر فقلت خلني انشف
عشان يطلع جسمي شوي بالنحت وتبين العروق *_^ عشان اروح البحر..لاني تعقدت كل مابي اروح اطالع جسمي بالمنظره واتحطم

[بارجيم]

الله يسلمك اخوي ذا كاست
وماقصرت على المعلومات
كفيت ووفيت يالغالي
تحياتي لك

[بارجيم]

هههه حاطه تحت السرير شدعوه ماعندك مكان غير !!!

[THE CAST]

يوصل ..

انا ماستعملته بس العلبه خاشها تحت السرير وقلت من بكره بستعمل
وانا عندي اشويه دهون في منطقه الارداف والبطن والخواصر والصدر فقلت خلني انشف
عشان يطلع جسمي شوي بالنحت وتبين العروق *_^ عشان اروح البحر..لاني تعقدت كل مابي اروح اطالع جسمي بالمنظره واتحطم

لاتستعمله لان عمرك غير مناسب حوارق الدهون لفوق ال21 سنه

واذا عندك الفات عالي وودك تدخل كورس كت فادخل له
CLA +اوميغا3 ..يفيدك في حرق الدهون وامور اخرى كثيره

الله يسلمك اخوي ذا كاست
وماقصرت على المعلومات
كفيت ووفيت يالغالي
تحياتي لك

حياك الله بارجيم



موفقين ان شاالله

[بارجيم]

اخوي ذا كاست
قلت له لايستعمل المنتج لانه صغير ويمكن يضره وقلت له يمشي على نصيحتك
بس عنيد وراسه يابس
طيب ممكن بس تقول في شنو ممكن يضره المنتج عشان يتقنع ومايستعمله
واسمحلي

[THE CAST]

الحين هو يحسب ان الكت بينشف جسمه ..الكت مجرد عامل ترا وكثيرين استعملوا علبتين ومافادهم الا بشي يسير جدا

المشكله انه فهالعمر منظومة الهرمونات فجسمه خصوصا الدرقيه مانتظمت(اواكتملت ..) وهالمنتج يلعب فافرازات الغده الدرقيه لعب ويأثر على الجميع
فمابالك بشخص بعمره

ولانروح بعيد
هنا في المنتدى كان معنا عضو استعمل حارق دهون مثل حالة اخوك مصر ..بعدين نزل موضوع عن تجربته وانه اصيب بخلل في الغده الدرقيه الآدمي
صار ياكل وبعد الاكل بفترة ساعة حسب قوله الا وهو جيعان كانه مااكل (وهذا يعني ان الغده عنده فيها خلل كبير قد يؤدي لمرض قوي يجعل الشخص نحيل جدا, كالفتاة الاميركيه الي نشروا اخبارها ......, والعكس صحيح قد يحدث خلل ويسبب له سمنه سريعه) بعدين زار طبيب غدد واعطاه علاجات ونصائح وقعد على هالمعاناه شهرين حسب مااذكر بعدين طابت حالته ولله الحمد ...

وللاسف مااحتفظت برابط الموضوع كان ارفقته لك الان

[بارجيم]

جزاك الله خير ياخوي وبارك الله فيك على النصائح
وماشاءا لله عليك صرح وبحر من المعلومات
وانا نقلت له كلامك ونصيحتك وان شاءا لله يقتنع لان فعلا الموضوع موب لعبه تعال ابلع والعب وخلاص نشفت