عضو جديد
معلومات المتقدم بالاستفسار :
العمر : 16 , الجنس : ذكر
الطول :170 متر
الوزن : 69 كيلوجرام
و الاستفسار كالتالي :
السلام عليكم ورحمة الله وبركاته
ابي رايكم بالجدول اللي انا امشي عليه
اليوم الاول :صدر
اليوم الثاني:باي وتراي
اليوم الثالث:بطن (ركض ربع ساعه وسيكل عشر دقايق ثم تمارين بطن )
اليوم الرابع:ظهر
اليوم الخامس:كتف
اليوم السادس :راحه
اليوم السابع :راحه
عضو جديد
وعليكم السلام ورحمه الله وبركاته
اخوي جدولك عليه كم ملاحظه.. اول شي لاحظته ان الايام ورى بعض وبعدين يومين راحه؟ لو تخلي يوم راحه بين ايام التمارين يكون افضل واحسن
وثاني شي لاحظته في جدولك هو ان مافي يوم للأرجل ليه؟
وثالث شي مادخلت تمارين للسواعد ولا للترابيس
جدولك يبيله تعديل! لكن اخوي هل انت تقدر تتمرن في اي يوم من ايام الاسبوع؟ لأن انا جدولي يشابه جدولك من ناحيه الايام (اني اتمرن خمسه ايام ورى بعض ويومين راحه والسبب اني مشترك في صاله الجامعه يعني وماتكون مفتوحه في الويكند << لكن في اليوم الثاني للراحه احاول اسوي تمارين خفيفه: بوش اب وكم تمرين بطن واتمشى يعني)
يعني ياريت لو تخبرني لو تقدر تتمرن طوال الاسبوع او في خمسه ايام بس حتى اضع لك انا او غيري جدول شامل ويناسبك ان شاء الله
عضو جديد
ايه اقدر اتمرن في اي يوم عادي وياليت تعطيني جدول زين لاهنت
عضو جديد
اخوي عندك جدول مثل اللي انا ماشي عليه
اليوم الاول: صدر + بطن
اليوم الثاني: ظهر + ترابيس + خواصر
اليوم الثالث: باي + تراي + سواعد + بطن
اليوم الرابع: راحه
اليوم الخامس: ارجل + بطات + خواصر
اليوم السادس: اكتاف + سواعد + بطن
اليوم السابع: راحه
بالنسبه لتمارين البطن والخواصر، فامرنهم تمرينين او ثلاثه بحد اقصى، يوم بأوزان ويوم بدون اوزان
وتقدر تقلل بالنسبه للبطن اذا تحس ان كثير عليهم ثلاث مرات باليوم، لكن انا امرنهم كذا حق امنع تراكم الدهون في هذي المنطقه، والشكر موجه لصاحب الجدول اللي خذته منه << ناسي اسمه بصراحه
وفي جداول ثانيه اخوي تقدر تطلع عليها في قسم المواضيع المميزه
عضو جديد
مشكور اخوي وماقصرت والله يجزاك خير
ضوابط المشاركة
