صورة لجسمي والبحث عن ملاحظات الكباتن أفيدوني

[BLaCKyDeviL]

السلام عليكم ورحمة الله وبركاته
أولا احب ان اشكر المنتدى على المواضيع المتميزه واللي وجهني صراحه خلال فتره التدريب وأنا احد متابعي هذا المنتدى الرائع

يا كباتن اليوم حبيت ان انزل صوره لجسمي والسبب ان معلوماتي في لعبة كمال الاجسام غير كافيه للوصول لما اطمح له في هذه الرياضه الممتعه وحبيت استفيد منكم إذا كان هناك ملاحظات ياريت تفيدوني فيها



المواضيع اللي استفدت منها كثير في المنتدى هي :

جدول ضخامة ( نتائج قوية ) &&&& بالصور :: من الأخ Waled AD , والأخ أبو راشد

نظام كامل لـ تقسيم العضلات !! ( نظام LEGEND ) :: من الأخ LEGEND 0F DarK

وطبعاً كثير الشكر والامتنان إلى جميع أعضاء المنتدى

[وآآآفي]

ما شاء الله جسمك اوووكيه بس يبيلك شوي تشد في الصدر

[BLaCKyDeviL]

تسلم اخوي وافي على الملاحظه بس حبيت اسألك ماهي تمارين شد الصدر ؟ وهل من الممكن اني ادمجها مع جدول التمارين العادي ؟ ياريت تفيدني اخوي بانتظار ردك

[.hamad.]

بما انك جديد معانا

فقد تم تحويل موضوعك لقسم الاستفسارات

راجع القوانين لاهنت

[BLaCKyDeviL]

شكراُ اخوي حمد على الملاحظه واعتذر اذا كنت قد اخطأت في قسم الموضوع وإن شاء الله بتواصل معاكم وأحاول قدر الامكان أن افيد وأستفيد ايضاً .

[omar joseph]

ماشاء الله، إستمر أخوي و ركز على الصدر العلوي شوي ..

[BLaCKyDeviL]

مشكور ماقصرت أخوي عمر على الملاحظه وإنشاء الله راح أركز على الصدر العلوي وشد الصدر ايضاً لكن المشكله لي كمبتدئ إني ماعرف اي التمارين اللي تصلح لشد الصدر والصدر العلوي وهل تأخذ التمارين منفرده او تكون مع جدول التمارين اليومي ؟ مشورتك اخوي ماتقصر إن شاء الله ولو في روابط للتمارين ياريت تفيدني فيها

[omar joseph]

مشكور ماقصرت أخوي عمر على الملاحظه وإنشاء الله راح أركز على الصدر العلوي وشد الصدر ايضاً لكن المشكله لي كمبتدئ إني ماعرف اي التمارين اللي تصلح لشد الصدر والصدر العلوي وهل تأخذ التمارين منفرده او تكون مع جدول التمارين اليومي ؟ مشورتك اخوي ماتقصر إن شاء الله ولو في روابط للتمارين ياريت تفيدني فيها

هلا أخوي
أنا كان قصدي من ناحية الضخآمه في الصدر العلوي
و عن التدريب، عادي تلعب على الجدول اللي عندك و يوم الصدر بدل ما تلعب تمرين واحد علوي خليه تمرينين و الصدر العلوي إلي هو تكون أغلب تمارينه على كرسي ٤٥ درجه و إذا جهاز يكون مكتوب عليه: incline chest machine أو upper chest machine

[BLaCKyDeviL]

والله تسلم اخوي عمر ما قصرت وإن شاء الله راح اعدل الجدول باللي اوصيتني فيه تحياتي

[oO LoOodDy Oo]

ماشاء الله تبارك الله.. اما السقس باك صحححححححح

ماشاء الله

ياليت لو مبين الباي والتراي علشان نفيدك أكثر

لكن فعلا أنا مع الشباب في الصدر لكن جهة الوسط ... يعني الصدر له أطراف جهتين جهة لليدين وجهة في وسط الصدر

أشوف إنك تركز عليه مع مثل ماقال الشباب في أعلى الصدر


والكتف حلو ما عليه والسواعد حلوه

والله يوفقك.. لوودي

[متعطش]

يبغالك تركز ع صدرك ( الجزء العلوي ) والجزء الداخلي .. او الي بين الصدرين

طلب : ممكن تتكلم شوي عن الـ 6 باك ماشاء الله عندك حلوة .. كم فترة وطلعت ؟ وكيف روتينك التمريني لها يعني كل يوم ولا يوم اي ويوم اوف ولا مرتين بالاسبوع ؟

[BLaCKyDeviL]

تسلم اخوي لودي وأنا فعلاً اليوم بديت في عمل جدول جديد راح اركز فيه على الصدر وإن شاء الله اطلع بنتيجه حلوه إن شاء الله وبالتوفيق للجميع

تحياتي مؤيد

[BLaCKyDeviL]

يبغالك تركز ع صدرك ( الجزء العلوي ) والجزء الداخلي .. او الي بين الصدرين

طلب : ممكن تتكلم شوي عن الـ 6 باك ماشاء الله عندك حلوة .. كم فترة وطلعت ؟ وكيف روتينك التمريني لها يعني كل يوم ولا يوم اي ويوم اوف ولا مرتين بالاسبوع ؟

بالنسبه للسقس باك اخوي متعطش انا بدأت اتمرن من حوالي 3 أشهر واول شهر كان تدريب منزلي وتمرينها كان بين يوم او يوم بس والشهرين الاخيره اشتركت في النادي صرت امرنها على جدول اخوي وليد دي بي وأبو راشد أي الجدول كان كارديو 25 دقيقه بعدها تمرين معده لها يوم كامل مع مراعاة التنويع بالتمارين يعني تمارين جدول الاخوان في المنتدى + اجيب تمارين من البدي بلدنك من مواقع اخرى احاول إني ما اظل على تمرين معين وكل اسبوع يكون لي جدول بنفس التكرار ونفس الجلسات لكن التمارين مختلفه وهذا المنهاج اللي انا ماشي عليه مع كل جسمي إلا الصدر كان متعبني شوي وإن شاء الله ببدأ فيه من الجدول الجديد واتمنالك الموفقيه اخوي متعطش

[متعطش]

الله يعطيك العافية أخوي .. يعني قبل الثلاثة أشهر ماكانت عندك 6 باك ؟ وياليت الوزن ونسبة الدهون قبل وبعد .. أتمنالك كل التوفيق

[BLaCKyDeviL]

اي اخوي متعطش قبل 3 اشهر كنت بكرش صغير ههههههههههههههه بس الحمدالله خلصنه منه
بالنسبة للوزن ونسبة الدهون اليوم اعطيك خبر بالليل لان وزنت قبل الكورس وكان الوزن : 62 , الطول :180 , نسبة الدهون 19
وكنت منتظر اخلص الكورس علشان اشوف التغيير اللي صار بس اليوم بروح اوزن واشوف نسبة الدهون واعطيك خبر ويارب اكون افدتك بشي وبالتوفيق اخوي متعطش