معلومات المتقدم بالاستفسار :
العمر : 27 , الجنس : ذكر
الطول :181 متر
الوزن : 71 كيلوجرام
نسبة الدهون : 14
و الاستفسار كالتالي :
السلام عليكم ورحمة الله وبركاته
اخوانيوصار لي خمسة شهور اتمرن حديد من بعد فترة تخسيس استمرت سنة وشوي نزلت خلالها مايقارب 23 كيلو
الحمد لله ماكان في ترهل كبير عندي شي بسيط لان النزول كان متدرج مع ايروبيك
وخلال الخمسة اشهر الي لعبت فيها حديد شد جسمي اكثر بس اما احس في فرق بالكتلة العضلية
حاليا ابي اضخم ابي احس بفرق بشكل جسمي لانه تقريبا من شهر وانا احوس واقراء عن الطريقة الصحيحة للتضخيم بدون ماترجع الدهون الي بشق الانفس تخلصت منها تقريبا نزلت النسبة من 23 الى 13 او 14 حاليا
كنت استخدم واي بروتين من شركة نكتار زيرو فات
مع امينو 2222 وغيرت الى 2244
وقلوتامين
حاليا غيرت البروتين الى بروكومبلكس العادي امس بديت فيه
واشتريت امينو 3000
وقلوتامين عندي
اقراص فيتامين بي علشان الم الاعصاب
وعندي علبة كرياتين مافتحتها اشتريتها بالغلط شرايكم استخدمه !! وايش اثاره الجانبية !! وفوائدة باختصار
هدفي خلال ثلاث اشهر يكون في تغير لو بسيط بالكتلة العضلية
لانه الصراحه في ناس اعرفهم دخلوا بعدي حديد ماصار لهم 3 اشهر وتغيرت اجسامهم بشكل كبير وانا محافظ عالاكل وملتزم بالتمرين صار لي 5 اشهر والتغيير بسيط جدا لايتعدى شد بعض الترهلات
بالنسبة للتمرين الي معتمده حاليا هو كل يوم امرن عضلة واركز عليها تركيز كامل
والاكل بروتيني بالاغلب بياض بيض صدور دجاج تونه مع شوية كارب خصوصا بالفطور لاني اتمرن بعد الفطور
وصاير اشرب حليب ڤيتال هاليومين لتر مقسوم على مرتين يعنيوكل مره نص لتر العصر ونص الساعه 10 بالليل
ابي نصايحكم بشكل عام عالنظام حقي وبشكل خاص عالمكملات
المشاركة الأصلية كتبت بواسطة the rock 911
